غدا مظاهرة امام ادارة البعثات

السلام عليكم

سمعت انه فيه مظاهرة يوم غدا الموافق 15-7-2012 امام ادارة البعثات للمطالبة بالجدية في العمل ووضع الية عمل تساعد الطالب في اتمام اجراءاته بشكل سريع


لاكن ... انا من راي الشخصي ... ان المظاهرة يجب ان تكون امام وزارة التعليم .. ليش ؟؟ لانها هي السلطة التشريعية لاصدار القرارات .. مع ان معظم مشاكل الطلبة هي انهم يراجو في القرارات..
الضم والتمديد وغيره

علي اي حال انا غدوة ماشي .. وياسرنا من الضحك والسكوت عن حقوقنا ... والله الموفق

فعلا هذا المفروض فعلا والساكت على الحق شيطان أخرس....

يجب ان يكونوا اصحاب القرارت 392 و 393 و 395 هم اول المتظاهرين ....لانهم ينتظرون ,,,والوعود التي ذكرها المسئولين كلها ذهبت في ادراج الرياح ....
وعن نفسي ساكون اول الواصلين

المظاهرة اللي يتكلموا عليها الشباب هيا من أجل صدور مشروع القرارات الجديدة للذين سقطوا سهوا....
واختاروا مكان الاعتصام أمام إدارة البعتات لأن التأخير منهم ويماطلون في فرز الملفات.....

وهذا لا يعني بأن نكون معاً من أجل تسريع صدور القرارات وتنفيذ قرارات التي تخصكم.

السلام عليكم
أنا من منطقة الجبل الاخضر وكم تمنيت أن أكون معكم ولكن لاأملك الا الدعاء لكم وأن يسدد الله خطاكم

يارتني‏ ‏معاكم‏ ‏
بالتوفيق

كم شخص بيكون في الاعتصام؟؟ يبدو ان مافيش بنات مظلومات وناويات يكونوا في الاعتصام!!!! بالله يلي تقدر تحضر ياريت تجي

الله الموفق و قلبي معاكم

فيها خيرة ان شاء الله

يا اخت Naudy بتحضري الاعتصام؟؟

السلام عليكم
ختوتنا في العاصمة الحبيبة شنو صار في الاعتصام طمنونا

السلام عليكم........... انا من المنطقه الشرقيه طمنوني شن صار اليوم جاب معاهم فايده العتصام ولا مازال؟؟؟؟

السلام علــــــــــــــــيكم,,,
مع الأسف ولا واحد كان في الموعد الا انا وشخص تاني خريج جامعة سبها

بس بإذن الله على كلامهم القرارات تتوقع في نصف شهر رمضان..

اسفه ....لو كنت قريبه من المكان راني طلعت الموضوع فيه مصلحتنا كلنا ..... زي ما حطينا ايدينا في ايدين بعض في الثوره ووقفنا وقفه وحده مفروض نوقفوا مع بعضنا مره اخري الي ان يديرولنا حل قبل ما تجينا حكومه اخري ترد لنقطة الصفر......ويعدي العمر مراجاه....

والله من ناحية الحكومة الجديدة طمنونا اليوم وقالوا ان الشغل حيمشي ومش حتتوقف حاجه.. يعني مافيش قصة حكومة وتغيير مناصب وغيرها..