التاشيرة طلعت والتفويض مازال والدراسة تبدأ قريب ؟؟

السلام عليكم
ولله الحمد حصلت على التاشيرة منذ يومين واليوم سلمت ملفى الاصلى والنسخة لمندوب البعثات لجامعة طرابلس يعنى تعرفو انتم اوراق التفويض واجراءاته قداش تاخد وانى تاشيرتى تير 4 والمدرسة اللى عاطيتنا الكاس نمبى محددلتنا فى الكاس نمبر الدراسة تبدا يوم 17.9 فكيف الحل توا نمشى والتفويض مزال ماطلعتلى حتى قائمة فيها اسمى معناها يمكن نبى 3 شهور تانية ولو مامشيتش قبل 17 .9 لبريطانيا يلغولى التاشيرة ولازم نقدم على تاشيرة تانية كيف الحل توا ساعدونى اللى مر بنفس المشكلة ؟؟

ربي يعاونك أختي اني نفس المشكلة والتفويض ياخد وقت اذا تم ارساله من البعثات الى الخزينة ياخذ من 3 اسابيع الى 4 انا انفكر نمشي بروحي ومش عارف هل هذا الحل ماشي امورة والا لا ..............رضينا بالهم والهم مارضي بينا

عدل سابقا من قبل ِAbu Mohamed في الإثنين 03 سبتمبر 2012, 9:31 pm عدل 1 مرات (السبب : خطأ مطبعي)

lmoon كتب:

السلام عليكم
ولله الحمد حصلت على التاشيرة منذ يومين واليوم سلمت ملفى الاصلى والنسخة لمندوب البعثات لجامعة طرابلس يعنى تعرفو انتم اوراق التفويض واجراءاته قداش تاخد وانى تاشيرتى تير 4 والمدرسة اللى عاطيتنا الكاس نمبى محددلتنا فى الكاس نمبر الدراسة تبدا يوم 17.9 فكيف الحل توا نمشى والتفويض مزال ماطلعتلى حتى قائمة فيها اسمى معناها يمكن نبى 3 شهور تانية ولو مامشيتش قبل 17 .9 لبريطانيا يلغولى التاشيرة ولازم نقدم على تاشيرة تانية كيف الحل توا ساعدونى اللى مر بنفس المشكلة ؟؟

.............................
السلام عليكم ...
سوف اعطي بعض الاقتراحات ,,,التي يمكن ان تدرسيها ,,,

1- اولا يجب التاكد من ان المندوب قد اوصل الملف لادارة البعثات ,,,لان بعضهم لا يعطي اي اهتمام للموضوع ,,ويبقى الملف عنده اكثر من يوم ؟؟!!

2- حاولي مراسلة المعهد مع شرح كافي لاسباب قوية ...( مرات يتم تاجيل موعد الدراسة الى وقت لاحق )

3- جهزي نفسك للسفر ..وهو اسوا الاحتمالات ..على اسا تتاكدي قبل السفر ان ملفك في اجراءات التفويض ...وهذا طبعا يتطلب مبلغ مالي ...وتفاهم مع المعهد على اسا ان وقت بسيط وياتي التفويض ...


ربنا يسهللك انشاء الله

مشكورين باهى كم توقعو تقريبيا الفترة اللى ياخذها من اليوم اللى حطيت فيه الملف عند المندوب لى يوم يطلع اسمى قى قائمة تفويض وبعدين يرسلوها البعتات للتعليم والخزانة قداش يحتاج تقريبا

والله يااختي ربي يكون في عونا كلنا ... الحال من بعضه.... لكن راهو الساحة البريطانية مكلفة شوية ع حسابك في البداية؟؟.... بالنسبة للمدة مش معروفة تو يقلولك انت وحظك مرات شهر وفيه موضوع مشابه قايلين اكثر من 40 يوم والله الموضوع يخوف



ان شاء الله خير

اذا كان الكورس متاعك لغة اضن انك تقدري تاجلي موعد البدء ومضنيتش تحتاجي لفيزا ثانية تعتمد على الفترة يلي حصلتيها بس مش عارف

مبارك التأشيرة أولا
ثانيا: لو قررت السفر والدراسة الآن لازم التأكد من أن المعهد يقبل ورقة الدعم المالي من البعثات ويسمح لك بالدراسة الآن أو إذا أرادوا عربون بسيط 400 أو 500 باوند مثلا (على أساس يتم اسرتجاعها فيما بعد) قيمكن دفعهم والاحتفاظ بإيصال الدفع إلى حين صدور التفويض ومن ثم فتح ملف في السفارة في لندن وبعد ذلك صدور ورقة الدعم المالي من السفارة إلى المعهد أو الجامعة.

عدل سابقا من قبل Abu Mohamed في الجمعة 24 مايو 2013, 2:08 am عدل 1 مرات

السلام عليكم
انا طالب موفد وفتحت ملف وبدأت الدراسة من شهر 5 الماضى فى اخر شهر 6 رجعت لأقدم لتاشيرة لزوجتى الموضوع اخذ حوالى شهر ونصف عشان كملت إجراءات التاشيرة والحمد لله تحصلت عليها المهم فى يوم 20-7 المفروض نرجع من جديد الى بريطانيا لما عرفت انى بنعطل بعت ايميل الى المعهد وطلبت تمديد إجازتى وشرحت فيه الظروف الى مريت بها وعلى طول تجوابوا مع والحمد لما رجعت بمجرد مااعطيتهم نسخة من الايميل على طول مدة الايجازة لم تحسب على ومشت الأمور الحمد لله
الى نحب نوضحه
افضل حل لك اختنا الكريمة انك تبعتى ايميل تطلبى فيه التأجيل للكورس الثانى بناء على ظروفك الحالية
وصدقينى رح يوافقوا وبهذا تكون مرتاحه بدون قلق
الكورس الثانى يبدأ فى شهر 1 تقريبا
هذا وقت مناسب لك لتكملى اجراءاتك
لكن انك تمشى من دون رسالة التفويض المالى فهذا مش حل
إلا إذا كنت متزيدة
نسأل الله أن بوفقك فى دراستك

في ليبيا ديما دير حساب الوقت متلا خود القبول بعد 5 شهور لين البشوات يتموا الاجراءات الصعبة اللي يديروا فيها

انا بعث ايميل للمعهد متاع اللغة بخصوص تاجيل الكورس من شهر 9 الى شهر 1 وردو عليا قالولي في هذه الحالة لازم تقدم على التاشيرة من جديد ....... فاظن حل التاجيل ليس دائما متاح ........ ما فيش ا السفر على الحساب الخاص لحين يطلع التفويض وحسبنا الله ونعم الوكيل في ادارة البعثات

بارك الله فيكم جميعا التاجيل صعب جدا يوافقو عليه لاصحاب التاشيرة تير 4 لان هكى قوانينهم فى بريطانيا ويقولولك دير تاشيرة تانية افضل وربى يعيننا وخلاص والله لو البرقية تاخذ حتى شهر ونص باهى من يوم ماحطيت الملف بس انشالله ماتاخذ اكثر

انت قدم على تأجيل وشوف ما تحكم قبل ما تجرب ان شاء الله ربى يفرجها
بالتوفيق للجميع

السلام عليكم أخوتي

حتى اني نعاني من نفس المشكلة تحصلت على تاشيرة التاير4 و موعد الدراسة يبدأ 1/10 و التفويض الله يستر امتى يطلع و بصراحة نفكر في السفر حتى قبل مايطلع التفويض نبي نسأل الاخوة اللي موجودين في بريطانيا قداش يكلف السفر على حسابي الخاص نبي تكاليف شهر تقريبا اللي عنده معلومة بالله ينورنا واللي عنده تجربة مشابهة اي سافر قبل التفويض يقوللنا كيف الخطوات اللازم اتباعها وهل يرجعولنا المبلغ اللي دفعناه اي تكاليف التذاكر ومصاريف الجامعة ؟و انشاء الله في ميزان حسناتكم

السفر على الحساب و دفع تمن الكورس ليس بالامر السهل ومرات السفارة ما تخلص عليك معهد اللغة قبل رسالة الدعم المالي يعني تتوقع ان اول تلاتة شهور تتدفعهم بروحك لان السفارة تحسب اللغة من تاريخ رسالة الدعم المالي والتي حسب ما ذكرت بتتاخر يعني ديمة في الحساب تدفع مبلغ من 2000 الى 3000 للمعهد من غير مصاريف الاقامة و المشكلة لو يطلعلك مشكلة في اتمام الاجراءات تضطر انك تراجع البعتات او اتعب الناس معاك فقط حبيت نوضح بعض النقاط التي يجب ان تاخدها في بالك و ربي يوفق الجميع

بارك الله فيك اخي ابو محمد و انشاء الله في ميزان حسناتك

انا عندى نفس المشكلة وبالله منيش عارف كيف اندير الدراسة فى 1-10 والتاشيرة يمكن تطلع فى 25-9 باهى كيف اندير تو بالله ومازالت اجراءات التفويض يعنى تبيلي حوالى 2شهرين ورسالة الكاس من المعهد مافيهاش الحد الاقصى لبداية الدراسة . افيدوني بالله عليكم شنو اندير

السلام عليكم ياخواني فى المنتدى
موعد بداية دراسةاللغة هو 1\10 كيف اندير تو بالله ومزال التاشيرة ماطلعت ومازال اجراءات التفويض مادرتهن مع العلم بانى قدمت على التاشيرة يوم 4\9 .نبي نعرف كل السناريوات المحتملة بالله السفر مباشرة قبل التفويض ؟وطلب تاجيل مدة بداية الدراسة ؟مع العلم بان القبول فى جامعة قلاسقو فى اسكتلندا

انا شخصيا انشوف ان الواحد لو قالوله المدرسة حنلغولك التاشيرة ومافيش كيف يأجل من رايى الافضل يقدم على تاشيرة تانية اسهل من العيشة انت وعائلتك وفى بريطانيا عز الغلاء على حسابك الخاص واشبح امتى يصرفولك المنحة حتى بعد مايطلع التفويض عذاب نحس فيه

اسمي بالتفويض 15 يلي مصدرش إلى الان واخر موعد للتسجيل في برنامج الدكتوراة هو 15 اكتوبر لو تاخرت على هذا الموعد نحتاج للتقديم مرة اخرى وقصة بس اضن الجامعة رح تطلب رسالة من السفارة الليبية ياريت لو نفهم من الاخوة يلي يدرسو في بريطانيا كيفية التسجيل هل يطلبو في رسالة من السفارة ولا رسالة السفارة يمكن تجي حتى بعد التسجيل
ياريت لو حد ينصحني

Abdo_newcastle كتب:

اسمي بالتفويض 15 يلي مصدرش إلى الان واخر موعد للتسجيل في برنامج الدكتوراة هو 15 اكتوبر لو تاخرت على هذا الموعد نحتاج للتقديم مرة اخرى وقصة بس اضن الجامعة رح تطلب رسالة من السفارة الليبية ياريت لو نفهم من الاخوة يلي يدرسو في بريطانيا كيفية التسجيل هل يطلبو في رسالة من السفارة ولا رسالة السفارة يمكن تجي حتى بعد التسجيل
ياريت لو حد ينصحني

والله عندك حلين
اما ان تؤجل الدراسة لانه الموعد قريب
اذا نحن اهل تفويض 12 مازال ما كلمناش الاجراءات

او انه تسافر على حسابك الخاص وتوكل أحد يرسل لك الاوراق فور انتهائها

او انك ترسل الى الجامعة رسالة وتقوللهم انه الاجراءات لم تنتهي بعد وشوف ردهم عليك

ورببي يوفقك

تي بعدين انت مسافر لمصر أو الى بريطانيا ؟؟؟
الموضوع في ركن مصر و السؤال بخصوص بريطانيا ؟؟