الوصول الى بريطانيا واكمال الاجراءت والملحقية وبداية الدراسه واشياء اخرى

ياأخوان هل طلبوا منكم لفتح ملف في السفارة الليبية في بريطانيا الشهادة التانوية مختومة من الجودة

كل شخص وايفاده لو بكالوريس رح يطلبو الشهادة الثانوية بس احنا ماجستير طلبو شهادة البكالوريس ومهمة جدا لو ماتعطيهم الاصل مش رح يفتحولك ملف يصوروها ويرجعوهم

انا بندرس ماجستير مش بكالوريوس وشهادتي دبلوم عالي وسمعت ان الشهادة التانوية مطلوبة هي وشهادة الدبلوم العالي وهما الأتنين مختومات من الجودة

daisy87 كتب:

كل شخص وايفاده لو بكالوريس رح يطلبو الشهادة الثانوية بس احنا ماجستير طلبو
شهادة البكالوريس ومهمة جدا لو ماتعطيهم الاصل مش رح يفتحولك ملف يصوروها ويرجعوهم

حاااااااااااااي علينا.....انا ماشية ماجستير من وين نبي نحصلها شهادة الثانوية؟؟؟؟؟؟؟؟
ياريت توضيح وافي بالنسبة للمعضلة هذي؟؟؟؟؟هذي حرب نفسية....نهرب من غولة انطيح في سلال القلوب

للإطلاع !!!

باهي اخواني اني عند قيزا تاير 4 هل المصرف لا يوافقلي على فتح الحساب بهده التأشيره؟؟؟؟؟؟؟؟؟؟؟

أنا شخصياً لم أسافر بعد ، ولكن حسب إفادة السادة أعضاء المنتدى المتواجدون هناك بأنه يمكنك فتح حساب بشرط أن يكون لديك قبول لغة لمدة 6 أشهر على الأقل !!!

أغلب الظن أن الشهادة الثانوية ما يطلبوش فيها ، لأنه ديمة الدرجة اللي ماشي بتحضرها يطلبوا في الشهادة اللي قبلها الأصلية وممكن حتى كشف درجات ، فلا أعتقد أن الشهادة الثانوية يطلبوا فيها .

السلام عليكم جميعاً

بالله عندي استفسار كنت طرحته تحت عنوان آخر ، وقام السيد أبو محمد مشكوراً بإعطائي وجهة نظره في الموضوع !

ويا ريت اللي عنده وجهة نظر في الموضوع يفيدني جزاه الله خيراً!!

آني مسافر بنقرأ في أدنبرة إن شاء الله ، ولدي سؤال لمن خاض تجربة السفر الأولى إلى بريطانيا :

هل نحجز طرابلس لندن ونمشي طول من المطار بشنطي للسفارة الليبية ونفتح ملف وبعدين نمشي لأدنبرة في نفس اليوم (أو في اليوم التالي) ، مع العلم أن أدنبرة تبعد حوالي من 4.5 إلى 5 ساعات بالقطار من لندن ، وحوالي ساعة واحدة بالطائرة ؟

أو الأفضل أني نحجز طرابلس أدنبرة (وهو ممكن على التركية أو اللوفتهانزا) وننزل هناك نرتاح ليلة وإلا ليلتين وبعدين نمشي للندن بالقطار أو بالطائرة نفتح ملفي ونرجع في نفس اليوم ؟

بالله اللي عنده فكرة على الموضوع ينصحنا ،،،، وفق الله الجميع !!!

عدل سابقا من قبل ِAbu Mohamed في الأحد 18 نوفمبر 2012, 3:13 pm عدل 1 مرات

ياجماعه مادخلو روحكم في متاهات وبعدين من جاب سيرة الشهادة الثانويه؟

كل ماذكرناه في مواضيعنا الخاصه كان الحقيقه ولو فيه مثل هالاجراء كنا قلناه على طوول ولامصلحة لنا في اخفائه والله والله العظيم لاتطلب الشهادة الثانويه لطالب الماجستير

سقدو روحكم وبسرعه كملو اوراقكم وتوكلو على الله وخلوكم من القيل والقال

باهي ياخوي أليكس الأختام انا ختمت من الجودة بس وفي من يقول لازم خارجية و هيئات قضائية فهل المطلوب كلهم او الجودة فقط والله يبارك فيك ويوفقك ولو ماكنتش واتق في كل الأخوة في الموفد ما كنتش سألت وانا وكل من في الموقع نتعاملوا بالتقة ونتقوا الله في كل كلمة نكتبوها والله يوفق الجميع وانت بارك الله فيك ولولا مساعدتكم لنا بالمعلومات التي تفيدوننا بيها كنا ضعنا في زحمة الإجرآت

هل الافادة الكرتونية هى المطلوبة او افادة ورقية ...

لان ع حسب علمى ان الكرتونية يطلبوا فاها فى ملف الفويض

وادا طلبو افادة ورقية ...هل لازم تكون مختومة من الجودة والخارجية او لا

وهل احترت شن المطلوب وشن يلى مش مطلوب ,,,,,

الجودة ثم الجوده ثم الجوده هي الاهم ويلي عنده وقت يختم بقية الاختام

الشهادة الكرتونيه قدمناها لفتح الملف وبالحرف الواحد ردو علينا لاحاجة لنا بهاااااااااااااااااااااااااااااااااااا

وحتى الافادات قدم العربية فقط وهم يصوروها ويرجعوها ليك

alex1 كتب:

الجودة ثم الجوده ثم الجوده هي الاهم ويلي عنده وقت يختم بقية الاختام

الشهادة الكرتونيه قدمناها لفتح الملف وبالحرف الواحد ردو علينا لاحاجة لنا بهاااااااااااااااااااااااااااااااااااا

وحتى الافادات قدم العربية فقط وهم يصوروها ويرجعوها ليك

القصد انهم ماياخدوش فى الكرتونية ياخدوا فى الورقية بس ...
او مش مهم المهم افادة مختومة من الجودة

شكرا اخي الحسين بارك الله فيك

شكرا لك اخوي ابو محمد

بارك الله فيك

ِAbu Mohamed كتب:

كل المطلوبات لفتح ملف بالسفارة موجودة في موقعهم في هذا الرابط اضغط هنا وكاتبين يبوا آخر الشهادات يعني مش لازم الثانوية لو مقدم على ماجستير

أو
دليل الطالب - اضغط هنا

العفو أخي دادا وفيك بارك الله

عدل سابقا من قبل ِAbu Mohamed في الثلاثاء 20 نوفمبر 2012, 9:28 pm عدل 1 مرات

يا اخوه اني ماشي لمانشستر انشاالله فهل نفتح حساب قبل لا نمشي للملحقيه ؟؟مع العلم ان قبول اللغه 11 شهر. وهل يعطوني مدرسة اللغه قبول ل3 شهور؟؟؟؟؟

علي الليبي كتب:

يا اخوه اني ماشي لمانشستر انشاالله فهل نفتح حساب قبل لا نمشي للملحقيه ؟؟مع العلم ان قبول اللغه 11 شهر. وهل يعطوني مدرسة اللغه قبول ل3 شهور؟؟؟؟؟

فتح الحساب يحتاج الى رسالة من معهد اللغة الذي ستدرس به والمعهد لن يعطيك ارساله الا عندما تحضر الضمان المالي من الملحقية الثقافيه بلندن وهذا يعني ان تذهب للسفارة اولا وتفتح ملف وتحضر الضمان المالي

المعهد سيعطيك قبول لمدة ثلاث اشهر وبدون اي تاخير ان شاء الله

منحة الاستقرار والمنحة الشهرية الاولى تستطيع ايداعها في حساب احد الطلبة الموفدين وبعدها تفتح حساب وترسلة للملحقية لتنزل به المنحة

على فكرة ياشباب مصرف HSBC رفض فتح حساب لنا وابلغونا بذلك بعد مضي اسبوع على التقديم فتوجهنا الى بنك halifax فتحنا حساب خلال ربع ساعه وسلمونا رقم الحساب وكل مايتعلق بذلك حيث قدمت رسالة المعهد وفاتورة الكهرباء وجواز السفر فقط