هنا اخبار التفويضات , والتذاكر ....

السلام عليكم
اخوتى فى منتدى لما يطلع تفويض 25 بشكل رسمى ارجو منكم ابلغنا لان انا من منطقه الشرقيه
وشكرا

يا شباب اريد ان اخبركم بمعلومة غائبة ع البعض منكم اللي موعد دراسته قريب ولم يطلع التفويض بعد فهناك شي اسمه البرقية المستعجلة وتصدر من البعثات

السلام عليكم ورحمة الله وبركاته
وكيفكم الكل ان شاء الله تكونوا بصحة جيدة
بالله عليك ياأخ الحسن محمد سمعت بيها هالقصة امتع البرقية المستعجلة بس كيف برنامجها انا في موقف لا أحسد عليه من حيث الوقت ... وماتشاءون إلا ان يشاء الله...
بس ياريت تفيدنا بارك الله فيك ...

ما فيش اخبار على استلام التذاكر تفويض 23

ياجماعة بالله عليكم أخر اخبار التفويض (25)
يوصل الخزانة اليوم ان شاء الله ...

حسب علمي والله اعلم ان التذاكر للتفويض 23 جاهزة وبدو الشباب يستلمو فيهم ...لدي صديق استلم واليوم باذن الله مسافر...

السلام عليكم انا اليوم كنت في البعثات ولقيت تفويض 25 طالع وكذلك 27 لكن ليش تفويض 27 طالع قبل 26 وانا في هالتفويض واحب اعرف السبب لمن لديه معلومة لاني سألت وقالولي مازال لان زي ماعارفين ما فيش حد يعطيك جواب مقنع في البعثات كلمة من وراء الشباك وقص

a3d كتب:

حسب علمي والله اعلم ان التذاكر للتفويض 23 جاهزة وبدو الشباب يستلمو فيهم ...لدي صديق استلم واليوم باذن الله مسافر...

بارك الله فيك اخى انا اليوم ارسلت صديق الى ادارة البعثات وقالولا يوم الاربعاء ايجن التذاكر ممكن صديقك لديه شخص يخدم غادى فتحصل عليه والله اعلم

من لديه اي معلومة عن التفويض 26 عليه ان يعلمنا وشكرا

للاسف التفويض 25 لم يصل اليوم للخزانة
هذا للعلم

الدكتور خالد كتب:

للاسف التفويض 25 لم يصل اليوم للخزانة
هذا للعلم

ربى ايسر الامور

بالله عليك الذي عنده معلومة على التفويض 25 يقولنا والله حاولت اليوم ولم اتحصل على اي معلومة.

لاحول ولا قوة الا بالله العلي العظيم... حسبي الله ونعم الوكيل ...

أعتقد ان التفويض 25 أخذ وقت كبير جدا ممكن لم يستغرقه اي تفويض قي السابق وإلى الآن لم يصل للخزانة والدراسة قريب

والله ماني عارف شنو اندير الدراسة اقريب والتفويض تأخر؟
لاحول ولا قوة الا بالله العلي العظيم,,,,,حسبي الله ونعم الوكيل.

ان شاء الله خير يا خوي تفائل خيرا وانا عندي احساس ان التفويض 25 سيصل غدا غير قول ان شاء الله ولازم نتبعوا الموضوع لحظة بلحظة واللي عتده معلومة ما يبخل بها على حد خاصى وان في اشخاص في التفويض 25 موجودين في مناطق بعيدة عن طرابلس
ياريت نتبعوا الموضوع بكل جدية

والله مصدر معلوماتي شخص موثوق جدا اليوم كلمته وقالى اقريب. شكلهم مشغولين جدا هذه الايام؟؟؟؟

ياجماعة الخير المشكلة احنا قاعدين فى شهر رمضان يعنى امتى يبى ايجيك الموظف عشان يخدم ما يرقدش الا بعد الفجر حتى انا دراستى يوم 19 الجاى ومازال التذاكر تفويض 23 قالوا الاربعاء الجاية فمافيش الا الصبر وكلا يقعد ذكريات

والله يا خوي رمضان شهر الصوم والعبادة والعمل يعني ساعات العمل من 09 صباحا إلى 02 ظهراً المفروض كل شخص يصلي ويصوم ويعرف ربي كويس يؤدي عمله على احسن وجه باش ربي يتقبل

يا شباب يعني خلاص نستنو بكرى على احر من الجمر على امل ان يتحول التفويض 25 الى الخزانة باذن الله وربي يستر ان شاء الله ... دعواتكم معانا والله المستعان

رمضان كريم ... والله المستعان ... والحمد لله رب العالمين... وماتشاءون الا ان يشاء الله رب العالمين... والسلام عليكم ورحمة الله وبركاته

a3d كتب:

رمضان كريم ... والله المستعان ... والحمد لله رب العالمين... وماتشاءون الا ان يشاء الله رب العالمين... والسلام عليكم ورحمة الله وبركاته

نسال الله لكم التيسير فى كل شئ

ننصحك خليك فى منطقتك وماتستعجل وتذهب الى طرابلس الا بعد ان يجهز التفويض لانه ممكن يتأخر اكثر من شهر.