هنا اخبار التفويضات , والتذاكر ....

إلى الاخوة المتواجدين في مدينة طرابلس والمترددين على ادارة البعتات إفادتنا بالتفويض رقم 34 حين صدوره وشكراً

التفويض 35 اعتقد انه التفويض الذي يشغل فوهة المدفع الان حيت اخر الاخبار عليه انه سوف يحال الى الماليه الاسبوع القادم

التفويض 32 زعمة اما تشاركية تم التنسيق لإصدار حجز التذاكر , زعمة الواحة ام زليتن ام ....... نأمل من عندة معلومة للتشاركية ماهي إسمها يقوللنا.

السلام عليكم اخواني في معلومات على التفويضين 33 و 34 هل صدرو
و بعد لايطلع التفويض وين نمشي بزبط

تذهب الى المالية فى الظهرة فى طرابلس

100a-tag كتب:

التفويض 32 زعمة اما تشاركية تم التنسيق لإصدار حجز التذاكر , زعمة الواحة ام زليتن ام ....... نأمل من عندة معلومة للتشاركية ماهي إسمها يقوللنا.

تشاركية الواحة وهذه اخر معلومة تحصلت عليها وقالوا راجعنا يوم الاربعاء او بعد العيد

أختي بوادي ليبيا وين تقع تشاركية الواحة

السلام عليكم, صحيح التذاكر في تشاركية الواحة والحجز على الخطوط الهولندية لاكن إستلام التذاكر يمكن الأحد بعد العيد , وكان في حد إستلمهم إعلمونا

تشاركية الواحة تقع مابين شارع أول سبتمبر وشارع ميزران وبالادق وانت داخل لشارع ميزران وخلفك الساحة الخضراء تمشي مسافة حوالي 500 متر وأنظر ناحية الشمال تلاقي سور مدرسة حديثة إبتدائية وإعدادية مباشرة ومع سور المدرسة لف يسار ومسافة 20 متر تلاقي عمارة يسارا كبيرة بها عدة محلات بالأسفل تركب العمارة الدور الرابع تلاقي تشاركية الواحة مع تشاركية البراق والعمل صباحا فقط . إنشاء الله تلاقي المكان وهذا أسهل نعتة عندي وبالتفصيل , سلامات

الساري كتب:

إلى الإخوه في التفويض 32 وخصوصا الذين هم من مدينة طرابلس .....إعلامنا فور تسليم التذاكر
وارجو يا أخت بوادي ليبيا إعطائي عنوان تشاركية الواحة بشكل ادق ،،،لأني يا أختي انا من مكان
بعيد عن مدينة طرابلس وبعثت أخي اليوم وقالوله في هذا المكان كانت ...وإنتقلت لمكان ثاني ,,, أرجو ولو رقم هاتف من
هذه التشاركية
ووفق الله الجميع لما فيه الخير

السلام عليكم
النعتة زي ما قالك الاخ 100a-tag والتذاكر قالوا جاهزات ومن مصدر موثوق فكان تبي تعيد بيهم زينا
لو يخدموا السبت تلقاهم واتيات وتو نزيد انأكدلك على الموضوع غدوة ان شاء الله
والله الموفق

السلام عليكم , حسب ماكتبت الاخت بوادي ليبيا بأنها أستلمت التذاكر , زعمة نمشوا يوم السبت نحصلوهم ولا عطلة عندهم التشاركية.

مبروك دكتورة اسماء والعقبة لنا ان شاء الله

التفويض 35 قداش ابيقعد
هل اعطل لاني مشيت للبعتات قالو حولناه للمالية و تحت المراجعة و هل التفويضات تطلع معا بعضها 33و 34 و35 دفعة واحدة
اللي عنده اي معلومة اقولنا

بالله عليكم سؤال اني استلمت برقية الخزانة وسلمتها للبعتات ونستنى باش نستلم برقية البعتات والتعريف متاع الطالب من الاسبوع الماضي واليوم مشي صاحبي يسال لي قالوله مازال بعد العيد ..بالله هل فيه حد استلم برقية البعتات؟ ياريت اللي عنده معلومة يفيدني لان المر ضروري جدا

اسف على الخطأ... لان الامر ضروري جدا