التقديم علي التأشيرة - والتأشيرة السابقة لازلت سارية

عدل سابقا من قبل Abu Mohamed في الإثنين 05 مايو 2014, 11:59 pm عدل 3 مرات (السبب : العنوان غير واضح)

يا أختي لوزا مش لازم اتكملي المدة كلها..انتي حاولي تقري حتى 3 شهور و ركزي انك اتجيبي فيهن درجة كويسة في الأيلتس و بعدها ارجعي و قدمي على تاير فور..

على فكرة تقدري اتقدمي على فيزا تاير4 قبل حتى ما تسقط فيزة طالب زائر ..

وانشالله ربي يوفقك

بالنسبة للعودة كل ما اتروحي بدري كل ما كانت فرصة الحصول على التأشيرة أسرع

بخصوص أنا عندي فكرة بس الله أعلم لها حل أو لا!!! ليش ما يستنى المرافق هذه المدة بدون دراسة و بعد ما ترجعي و تبدي في الماستر هو يبدا في اللغة و راح اتكون عنده فترة كبيرة لإتمام كورس اللغة

هذا ما لدي وانشالله ايكون عند الإخوة الجواب الكافي لسؤالك

وانشاء الله بالتوفيق

السلام عليكم

بالله عليكم نبي نسال سؤال ونبي اجابه تمسح كبدى ........ هل ياترى نقدر نقدم ع تاشيره تانيه رغم ان تاشيرتى انا وعائلتى لتوا ماطاحتش؟؟؟

لان تاشيره زوجى واطفالى سياحيه ضاع اغلبها بسبب التفويض وتاخيره .... ولم يبق الكثير منها ...

وهل تاخذ وقت لتطلع؟؟؟

سؤال اخر ...

هل فيه حد ياترى من الجماعه اللى سافروا طبعا متزوج وبعيلته هل فيه حد سافر وتاشيره اهله قريب اطيح؟؟؟ وشن دار ؟؟

بالله ريحولى بالى وجاوبونى يللى يعرف والا حتلاقونى بالنهاية ...

وشكرا

عدل سابقا من قبل Abu Mohamed في الثلاثاء 19 نوفمبر 2013, 8:54 pm عدل 2 مرات (السبب : العنوان غير واضح)

بصراحة ما عنديش فكرة عن اجابة الاسئلة بخصوص التأشيرات ولكن يا اختي لا تيأسي من رحمة الله في الاخر اذا لقيتي امور التاشيرة في بريطانية معقدة تمشي تملح بريطانيا فيه ساحات اخرى كثيرة ومرات ايريح ليك كعائلة.

اختي اذا تمشي معاك امريكا جربي عليها .. تأشيرتها تطلع في يوم واحد فقط ان شاء الله ومن اول يوم يعطوا تأشيرة للمرافقين طول فترة دراسة الموفد وبعد زيادة المنحة امور المعيشة تحسنت ان شاء الله.

وشوفي تركيا او قبرص هما ايضا ساحتين ممتازتين للدراسة، البلدان جميلان وكذلك المنحة كافية والزايد وفيهم جامعات قوية.

أسئل الله لك التوفيق والتيسير والسداد

وعليكم السلام

انا سافرت مع زوجتي كمرافق يوم21/10 وتاشيرتي تنتهي يوم26/12 وسانتهز فرصة اجازة راس السنه وساقدم على تاشيرة جديده . زوجتي لن تغادر الى ليبيا وستبقى معها صديقتها وزميلتها بالدراسه لحين عودتي ز

لاانصح بعددم السفر لانك ستقعين بمشكله التقديم على فيزا جديده فلن تعطى لك الا بعد مضي 6 شهور وبعد تقديم مبررات

قبل سفري ذهبت لسنتر الواحات واستفسرت عن المشكله ونصجوني جميعهم بالسفر ولو المدة المتبقية اسبوع فلذلك توكلي على الله وسافري

نعم تستطيعي ان تقدمي على تاير4 عند العودة والمدة كلنا نعرفها من ثلاث اسابيع الى شهر ولكن اذاردت السرعه فعليك بالذهاب من بريطانيا الى تركيا وستاخديها خلال اربعة ايام فقط فهناك من بريطانيا وكالات تقوم بتنظيم رحلات الى تركيا ب 250 باوند للفرد الواحد متضمنا الاقامة ولكن الاقامة ستكون على اطراف مدينة اسطنبول وستركبين القطار للوصول للسفارة البريطانيه

الذهاب الى تركيا لن يتطلب تاشيره

لوزا كتب:

علي فكرة انا نقصد الساحة البريطانية!!!!! وليس الساحة الفرنسية

ربما بنقله لمنتدى الساحة البريطانية سيكون أفضل

alex1 كتب:

وعليكم السلام

انا سافرت مع زوجتي كمرافق يوم21/10 وتاشيرتي تنتهي يوم26/12 وسانتهز فرصة اجازة راس السنه وساقدم على تاشيرة جديده . زوجتي لن تغادر الى ليبيا وستبقى معها صديقتها وزميلتها بالدراسه لحين عودتي ز

لاانصح بعددم السفر لانك ستقعين بمشكله التقديم على فيزا جديده فلن تعطى لك الا بعد مضي 6 شهور وبعد تقديم مبررات

قبل سفري ذهبت لسنتر الواحات واستفسرت عن المشكله ونصجوني جميعهم بالسفر ولو المدة المتبقية اسبوع فلذلك توكلي على الله وسافري

بارك الله فيك أخي والله مشكلة التاير فور كانت مسببتلي مشكلة بس فكرة تركيا هذه طمنتني لأني كنت نحساب أن التقديم على التاير فور لن يكون إلا من داخل ليبيا..

مشكور جدا جدا

بصراحه الرأي متع تركيا يبدوا كويس

ياريت اللي مجرب هالموضوع يزيد يدعمنا برأي عليه

وبارك الله فيكم

اختي حاولي تقدمي شوية يعني بدل شهر 4 قدمي الكورس الأنجليزي مثلا لشهر 2 ولو انك باديه فالاجراءات يعني اسعي انه يكون بدايتك في 2 مثلا موفقه

وفي الحالة هذي من 2-8فترة لا باس بيها ويمكن تروحي لليبيا في 8 وطبعا من اجل التاير فور

وفيه جماعه قالوا انك تعملي التاير فور في تركيا اسرع والله اعلم

dadaa1982 كتب:

اختي حاولي تقدمي شوية يعني بدل شهر 4 قدمي الكورس الأنجليزي مثلا لشهر 2 ولو انك باديه فالاجراءات يعني اسعي انه يكون بدايتك في 2 مثلا موفقه

وفي الحالة هذي من 2-8فترة لا باس بيها ويمكن تروحي لليبيا في 8 وطبعا من اجل التاير فور

وفيه جماعه قالوا انك تعملي التاير فور في تركيا اسرع والله اعلم

تقدري تروحي في عطلة الكريسماس اللي غالبا تكون مابيت الاسبوعين والثلاث اسابيع في اخر شهر 12 طبعا ووقت العطلة يكفي للتقديم والحصول عالتاشيرة ان شاء الله

اختي هل قدمتي انتي على التأشيرة زائر ولا لا

ولو نعم امتى قدمتي ليها انتي

والحقيقة ما بين 1-12 الى 20-1

تقريبا 50 يوم اعتقد لو الواحد مشت اموره تمام وتابع موضوعه بشكل مستمر تقدري تنهي اجراءاتك

ومش مشكلة نزيدوا اسبوعين اضافيات يعني 64 يوم تكوني وقتها في ثاني اسبوع في شهر 2 تقدري تلحقي

وطبعا هذا كله بس يصير بالتوكل على الله

وان شاء الله يصير خير بإذن الله

يعني انتي المفروض تقدمي الكورس لشهر 2 ولو لا قدر الله تأخر تقدري تطلبي تأخيره لا بعد اما في 3 او 4 على حسب الظروف

وان شاء الله خير

----------

وبخصوص فترة الكرسمس خوي الخوف كل الخوف انه يكون وقتها حتى السفارات والتأشيرات واقفة يعني مش حتستفيد من العطلة بالكامل

اه والله تقريبا هكي صعبه فعلا توقعت مقدمة او حتى على الأقل واخده موعد قريب

فعلا هكي صعب تنجزي كل شي في احسن الأحوال في شهر 3 تقدري تلحقي

وان شاء الله خير

بس المفروض قدمتي متأخريش روحك هلبة

بالله عليكم زيدو وضحولنا اكثر الاجراء من تركيا كيف يكون؟؟....
والله المشكلة هاذي مطيرة النوم من عيني وخصوصا الواحد عنده عيلة وصغار....

بالنسبة لتركيا ،،، المدة الماضية وقبل ما تفتح السفارة البريطانية لليبيين تقديم التأشيرة من ليبيا كانت تقترح على الليبيين أربع دول للتقديم منها وهي تونس و اسطنبول في تركيا وروما في إيطاليا والقاهرة في مصر ،،، لكن لا أعلم هل مازال هذا الإجراء ساري أم لا خصوصاً بعد توفر إمكانية التقديم من ليبيا ...

ولكن حسب ما هو معروف في قوانين الهجرة والخارجية أنه الشخص لا يستطيع ان يقدم على تاشيرة معينة من دولة أخرى إلا غذا كان عنده إقامة في تلك الدولة أو أن الـاشيرة غير مطلوبة منه عند الدخول لهذه الدولة مثل تركيا ومصر وتونس ...

عموماً ... يمكن إرسال الاستفسار لوكالة الورلد بردج على موقعهم في النت وبإذن يردوا على الاستفسار في أقل من 24 ساعة !!!

السلام عليكم ...
انا اخوكم جاسر أكريكش ...عندي سؤال وأطلب المساعدة........
وهو هل استطيع تجديد التأشيرة لأهلي بعد صدورها (لان التأشيره هي 6 شهور ومضى على بقائهم في ليبيا 4 شهور ) فهل استطيع تجديد للاستفادة من المدة 6 شهور في بريطانيا ؟ ...ولكم جزيل الشكر والتقدير

اخ جاسر انا حصل معايا نفس الموضوع في خويا خذا التأشيرة 6 شهور و لما تعطل عندي اجراء لما حطو نعيم الغرياني وزير للتعليم العالي و انصفط على توقيع قرار تعديل الدرجة خويا قعد 5 شهور في ليبيا و لما جينا نبو انسافرو قعد في المدة امتاع التأشيرة 7 ايام قالولي لا ايسافر بيها و لا ايطلع وحدة لعند ما تنتهى اللي عنده يعني ممنوع حد ياخذ تأشيرتين و الاولى مازالت سارية