هل صحيح سيتم ايقاف قرارات اليفاد التي قبل 2010

ماهو مصدر هده المعلومة ...وان شاء الله الخبر مايكونش صحيح ..
انى نعرف ناس من اصحاب القرار هدا وللان يكملو فى اوراقهم وفي منهم توا طلع تفويضهم ومافيش اى مشاكل ... وماتستغرب شئ من ادراة البعتات كل شئ متوقع ....

والمشكلة نسوا سنة الاحداث والحظر الجوى واقفال السفارات فى وقت الحرب وكل شئ توقف

مصدر هذه المعلومة قراتها في احد مواضيع المنتدى لا اتذكر اين !لاني بالفعل صدمت؟
ان شاء الله ما يطلعش كلامهم صح

مجرد اشاعات... ادا كان قرار 700 الصادر في سنة 2007 قاعد لتوا ينفذولهم . مافيش منها الدوة وتوكلي على الله وما ترعشيش روحك

ياريت أطمنونا لو حد عنذه خبر أكيد

يا سوما انا قدمت 15-8-2011 وقالوا شهر ويدزوا الكشف الكبي ودرتها ودزيته المهم تم اكثر من شهر دزيت رسالة الى السفارة الكندية في طرابلس وفي تونس ردوا عليا بتاعين تونس قالوا اذهب الى السفارة الكندية في طرابلس واستلمها لاننا دزينه لنا فترة .
كان درتي الكشف الطبي ودزيتيه ولكي شهر .دزي رسالة الى السفارة في تونس واخبيريهم لماذا تاخروا في التاشيرة وهم سوف يردوا عليك وهذا ايميلهم
<re-tunis.immigration@international.gc.ca>

السلام عليكم
كلنا تفجئنا بهذا الخبر السيء عليه فقد اتصلت بمندوب الجامعة فأكد لي الاتي في اخر اجتماع لوزارة التعليم العالي بمدينة البيضاء وهذا كان في شهر 7 او 8 ان جميع القرارات من سنة 2010 وراجع اى حتي قرارات 2010 تعتبر صلاحيتها منتهية في 31 12 2012 والذين لم يقوموا بتفعيل القرارليس لهم الحق في تقديم اوراقهم الا الذين وصلت ملفاتهم الي التفويض او الذين تحصلوا علي رسائل الدعم المالي لغرض التأشيرة وهذه الاخيرة ليست اكيدة ثم ذهبنا مسرعين الي ادارة البعثات وسألنا عن الموضوع فكانت الاجابة نفسها واكد لنا الموظف المختص ذلك القرار وعند ذلك اخذنا نتناقش معه وازداد النقاش حده وارتفعت الاصوات بيننا وبينه فقال ان جميع القرارات صلاحيتها سنتين من تاريخ الصدور فمثلا قرار 2010 تحسب له سنة 2010 و سنة 2012 مع استثناء 2011فعلي جميع الموفدين والموفدات الاسراع ثم الاسراع في اتمام الاجراءات حتي لو اضطر الامر لان تختار ساحة دراسية تكون سهلة الاجراءات والقبول المهم تفعيل القرار ومن ثم تغير الساحة الي ساحة ثانية افضل من ان يظيع القرار وتبقي تنتظر في قرار جديد وممكن يتم ايقاف القرارات للدراسة الخارجية لبعض التخصصات وخصوصا الانسانية اذا توفرت الدراسة بالداخل هذا ماقاله واكده موظف البعثات وقد قال ايظا قد يتم تمديد القرارات لبعض الوقت يعني اشهرمعدوده لذا وجب التنبيه وتعميم الموضوع للجميع لسرعة اتخاذ الرأي والقرار المناسب والله من وراء القصد

بطني وجعتني امتا قريت العنوان .. الحمد لله انه اشاعة

هما غير يفتحونا السفارات هنا وينشطوا المندوبين ويفكونا من المركزية شوية مانقعدولهم حتي دقيقة

ياريت حد ايأكد او ينفي الخبر بصراحة مشكلة كبيرة فيه ناس في قرارات قديمة


كيف ايسير بالله حد يأكد الموضوع

السلام عليكم اخوتي
بالله اي احد يؤكد لنا الخبر لانني من اصحاب القرار 469 لسنة 2010 ومازال ما نفدت فانتم عارفين الاحداث مع البعد المكاني ولكن بعون اللع قريبا فيا ريت حد يفيدني
ولكم تحياتي

عند ترددي على البعثات والاطلاع على قوائم التفويضات التي تنشر ، لاحظت تفويضات لموفدين قرارهم في 2007 و 2005 و 1999 كذلك !

حسب علمي انه عادي مافش مشكلة ومافش قرارا تم ايقافه ماتحطيش في بالك واستمري في اوراقك وتوكلي علي الله

الله يبارك فيكم اخوتي ع الرد
وان شاء الله ربي يوفق الجميع

لحظة بس ياخوتي

نحن عارفين ان القرارات مازلت مستمرة حاليا
لكن السؤال اللي اجل زي حالاتي ويبي يمشي في 9 مثلا في 2013 هل فعلا مايقدرش ايفوض

ياريت اتأكدوا وتقولولنا

ابوخذير كتب:

السلام عليكم
كلنا تفجئنا بهذا الخبر السيء عليه فقد اتصلت بمندوب الجامعة فأكد لي الاتي في اخر اجتماع لوزارة التعليم العالي بمدينة البيضاء وهذا كان في شهر 7 او 8 ان جميع القرارات من سنة 2010 وراجع اى حتي قرارات 2010 تعتبر صلاحيتها منتهية في 31 12 2012 والذين لم يقوموا بتفعيل القرارليس لهم الحق في تقديم اوراقهم الا الذين وصلت ملفاتهم الي التفويض او الذين تحصلوا علي رسائل الدعم المالي لغرض التأشيرة وهذه الاخيرة ليست اكيدة ثم ذهبنا مسرعين الي ادارة البعثات وسألنا عن الموضوع فكانت الاجابة نفسها واكد لنا الموظف المختص ذلك القرار وعند ذلك اخذنا نتناقش معه وازداد النقاش حده وارتفعت الاصوات بيننا وبينه فقال ان جميع القرارات صلاحيتها سنتين من تاريخ الصدور فمثلا قرار 2010 تحسب له سنة 2010 و سنة 2012 مع استثناء 2011فعلي جميع الموفدين والموفدات الاسراع ثم الاسراع في اتمام الاجراءات حتي لو اضطر الامر لان تختار ساحة دراسية تكون سهلة الاجراءات والقبول المهم تفعيل القرار ومن ثم تغير الساحة الي ساحة ثانية افضل من ان يظيع القرار وتبقي تنتظر في قرار جديد وممكن يتم ايقاف القرارات للدراسة الخارجية لبعض التخصصات وخصوصا الانسانية اذا توفرت الدراسة بالداخل هذا ماقاله واكده موظف البعثات وقد قال ايظا قد يتم تمديد القرارات لبعض الوقت يعني اشهرمعدوده لذا وجب التنبيه وتعميم الموضوع للجميع لسرعة اتخاذ الرأي والقرار المناسب والله من وراء القصد