ماهى الخطوه القادمه بعد التقديم على التأشيره؟

السلام عليكم

قم بتعبية النماذج الخاصة بالتفويض و ختمها من محرر العقود و المجلس المحلي و جهز جميع الاوراق المطلوبة في ملف واحد و انتظر التاشيرة.

انا جهزت ملف التفويض ناقصه فى التأشيره فقط ولكن هل نسلم ملف التفويض بنفسى لأدارة البعثات ام لازم عن طريق المندوب؟

الأفضل يا أخي أنك تسلمه للمندوب ، باش يسلمه للبعثات برسالة ويوقعوا على الاستلام ،،، لكن بروحك مش عارف يقبلوه منك أم لا ،،، حتى كان قبلوه مرات يلوحوه على جنب وينسوه باعتباره غير مسجل عندهم ويعطل عليك التفويض ، والمشكلة الأكبر لو عندك مستندات أصلية في الملف وضاع منهم الملف معادش يعرفوك ، لأن الملف سلمتهولهم بطريقة غير رسمية وما عندكش مستند موقع بالاستلام زي ما يدير المندوب !!!

بالتوفيق لك وللجميع إن شاء الله !!

وبالنسبة للتفويض ضروري ماتكون التاشيرة موجودة فيه بالنسبة للبريطانيا

أختنا لوزا ... إن شاء الله ربي يسهل لك الأمور وتفوضي بسرعة !!!

اطرحي أسألتك وما الذي تودين معرفته بخصوص مرحلة التفويض ، وسأقوم وباقي أعضاء المنتدى بالإجابة على تساؤلاتك إن شاء الله كل حسب ما يتوفر لديه من معلومات بالخصوص !!

وبالتوفيق لك وللجميع إن شاء الله !!!

السلام عليكم

نعم مثلما قالوا الشباب بارك الله فيهم

تبدأ بتجميع وملء النماذج والصور الخاصة بالتفويض ووضعها في ملف معلق اصفر

وطبعا ان شاء الله بعد ما تصل اوراقك من السفارة البريطانيا وان شاء الله تكون قد تحصلت على التأشيرة فعلا بدون رفض

فترفقها بالملف وتقدمها للمندوب لكي يحوللها للبعتات في انتظار صدور التفويض المالي المقدم عليه

وربنا يسهل ان شاء الله

dadaa1982 كتب:

السلام عليكم

نعم مثلما قالوا الشباب بارك الله فيهم

تبدأ بتجميع وملء النماذج والصور الخاصة بالتفويض ووضعها في ملف معلق اصفر

وطبعا ان شاء الله بعد ما تصل اوراقك من السفارة البريطانيا وان شاء الله تكون قد تحصلت على التأشيرة فعلا بدون رفض

فترفقها بالملف وتقدمها للمندوب لكي يحوللها للبعتات في انتظار صدور التفويض المالي المقدم عليه

وربنا يسهل ان شاء الله

السلام عليكم أختنا لوزا ...

بعد ما توفقي وتحصلي التاشيرة بإذن الله وتجهزي ملف التفويض ، توجد بعض المستندات في ملف التفويض خاصة بالتذاكر ، وهادي المستندات تمشي في نفس ملف التفويض للبعثات ، أهمها نموذج طلب تذاكر سفر بعد ما تحددي فيه وجهة الخط اللي تبيه وصور جوار السفر ..

وبعد ما يطلع التفويض إن شاء الله يتم إعداد قوائم التفويض اللي اسمك فيه في البعثات ومن ثم في وزارة التعليم ومن ثم يتم توزيع الأسماء على وكالات السفر ، حينها يمكن تمشي للمكتب الخاص بذلم خلف إدارة البعثات وهما يقولولك اسمك في أي وكالة ...

يعني لما تحطي ملفك في التفويض تأكدي من أنه مكتمل ن بعدها ما تقدري تديري شئ غير تنتظري لعند ما يطلع تفويض الدراسة وبعدها تفويض التذاكر !!

وبالتوفيق لك وللجميع إن شاء الله !!!

يعني لما تحطي ملفك في التفويض تأكدي من أنه مكتمل ن بعدها ما تقدري تديري شئ غير تنتظري لعند ما يطلع تفويض الدراسة وبعدها تفويض التذاكر !!
هل تفويض الدراسة هو نفسه تفويض التذاكر؟؟؟
كم المدة من تسليم ملف التفويض الي صدور القوائم؟؟؟
هل زوجي ايضا محتاج الي ملف تفويض ام لا؟؟؟

وفي حالة موافقة الزوج علي تاشيرة طالب زائر ماهي اوراق المطلوبه بخصوص الزوج في التفويض؟؟؟

انا سلمت ملف التفويض في الاول وكان فيه الوضع الاجتماعي انسة

توه(( ههههههههههههههه تنيلت)) وقريت فاتحتي هل ضروري نغير الوضع العائلي؟؟؟

اذا ملف التفويض جاهز نضيف عليه فقط صورة من التأشيرة وصورة من القبول وصورة من دعم التاشيرة

والوضع العائلي وعقد الزواج والتذاكر؟؟؟؟؟ ياريت لو نسيت شئ تذكروني بيه؟؟؟؟

هههههههههههههههههههههههههه انا سألت واااااااجد سامحوني

أولاً ،،، ألف مبروك أختنا لوزا على عقد القرآن ، وإن شاء الله تكون هذه الخطوة فاتحة خير عليك !

بالنسبة لتفويض التذاكر بروحه وتفويض الدراسة بروجه ، لكن أوراقهم يتقدموا مع بعض في ملف واحد (ملف التفويض) ، فمثلاً هناك من يصدر له تفويض الدراسة وما يستناش تفويض التذاكر يمشي يحجز ويسافر على حسابه ، ومنهم من ينتظر حتى صدور تفويض تذاكره !!

زوجك لا يحتاج إلى ملف تفويض لوحده ، لكن أوراقه كلها ديريها في نفس ملف تفويضك زي صورة من جواز سفره وصورة من تأشيرته وشهادة الوضع العائلي الجديدة (بالوضع الجديد طبعاً) !!!

وياريت تقدمي ملفك وفيه مسندات زوجك ووضعك العائلي الجديد ، لأن لو خليتي الوضع العائلي القديم سيتم إصدار تفويضك ومعاملتك آنسة فقط ، وباش تغيري تبي لك موااال طوييييييييييل !!!

بالنسبة للمدة ما بين تسليم ملف التفويض إلى صدور القوائم ، أنتي وحظك ، وتعرضت للعوامل التي تلعب دوراً في المدة تحت موضوع آخر ، في اللي قعد سيتنى 5 أيام بس وفي اللي قعد يستنى قرابة الشهر !!!

بالتوفيق لك وللجميع إن شاء الله !!!

وفيكي بارك الله أختي الكريمة ،، وتفضلي أي استفسار ثاني ما فيش مشكلة أنتي وجميع الأعضاء ، وعلى حسب علمنا نجيبكم إن شاء الله !!

باعتبارك أنتي الموفدة ، فلا داعي لقبول اللغة باسم زوجك في ملف التفويض حيث أنه يعتبر مرافق ، يكفي القبول اللي باسمك أنتي ،،، حاجة واحة تحتاجي قبول لزوجك لو كنتي تبي تديري إجراءات لضمه من هني قبل ما تسافري !!!

السلام عليكم/ بالله عليكم اريد اجابة لبعض الاسئلة لو تفضلتم علينا
1- طبعا طلعلي الدعم المالي لاجل الحصول علي التاشيرة الكندية واعطوني معاها نسخة لمراسلة موجهة للمكتب الكندي سوالي لمادا هده المراسلة الموجهة للمكتب الكندي مع العلم بانني دهبت للسفارة ولم اجد اي من المسوغات المطلوبة للسفارة مايفيد احضار دعم التاشيرة من المكتب الكندي؟
2- يوجد غلط في كتابة ايميلي الشخصي تم كتابته بالغلط في نمودج دعم التاشيرة كيف يتم تغيير ايميلي وتصصحيحه؟
3- ما الدور الدي سيقوم به المكتب الكندي ومن يراسل؟
وسامحوني علي كثرة الاسئلة لاني محتار واحتاج اجابات وافية
والسلام عليكم