تجديد التأشيرة

شفتها

الله ايسلمك وايبارك لك في عائلتك ودراستك

شكرا و ربي يبارك فيك و في الجميع

السلام عليكم خوي
خليني نشرحلك بالتفصيل كيف تقدم على تمديد لتأشيرة الزائر لزوجتك و بنتك
قبل كل شي لازم تحدد اذا بترسل الطلب اونلاين او بالبريد و بعدين تبدأ في تحضير اوراق الطلب لكل من زوجتك و بنتك
طبعا لتمديد اقامتهم كزوار انت تحتاج الآتي :
صورة من جواز سفر زوجتك و بنتك تشمل الصفحة العربية و الانجليزية و صفحة تأشيرتهم بالاضافة لنسخة من تأشيرة الزائر
تعبئة النموذج الخاص لكل منهما نسخة imm5708
رسالة دعم مالي من المكتب الكندي تتبث ان مصاريف اقامتهم يغطيها المكتب و انهم مرافقين ليك انت كطالب
صورة من تأشيرة دراستك
واصل يتبث انك دفعت الرسوم ٧٥ دولار لكل منهم
عقد زواج مترجم
طبعا اذا بتقدم اونلاين لازم يكون الورق بي دي اف و يكون الدفع اونلاين بالفيزا او الماستر كارد او الاميريكان اكسبرس و لما تدفع اونلاين لازم يكون عندك بي دي اف ريدر باش تقدر تطبع الواصل و تحطه في ملفك اذا بترسله بالبريد العادي
وهذا الرابط باش تدفع اونلاين

https://eservicesak.cic.gc.ca/epay/welcome.do?lang=en
تلقي في نهاية الصفحة كلمة continue
اضغط عليها باش ترفعك لصفحة الشروط و اضغط على i agree
وبعدين تمشي لصفحة تانية اضغط على كلمة immegration
بترفعك لصفحة تانية فيها شن الخدمة اللي انت تبي تدفعلها طبعا انت بتختار temporary residence
اللي بترفعك بدورها لصفحة الاسعار و اختار الخيار ماقبل الاخير
Extension to visitor status
طبعا الاختيار يكون بان تكتب في المربع كم طلب تبي تقدم و في حالتك بتكتب ٢ وبعدين تضغط
Submit
يطلعلك خيار دفع وادفع و بعدين اطبع الواصل و تمت قصة الدفع اونلاين
عبي النماذج على الجهاز و طلع الباركود و لاحظ اذا نموذجك ناقص الباركود مش راح يطلع و حط الاوراق كلها في ملف لان الواصل واحد و ابعتهم الى

CPC Vegreville
Visitor and Temporary Resident Permit
6212-55th Avenue – Unit 303
Vegreville, AB
T9C 1W1
وان شاء الله نكون افدتك
تحياتي

لاحظ اذا تبي تقدم اونلاين لازم تفتح حساب في الموقع و القصة معقدة شوية مانبيش ندوخك دير اللي مكتوب فوق و لازم توقع عن بنتك اذا اقل من ١٨ و ابعت الطلب بالبريد و زيد راجع الموقع اللي عطيتهولك بالك نطلع ناسية شي
بالتوفيق

بارك الله فيك اخت حنان
حلوةالايجابية منك هذه........

أخت حنان ربي يفتحها عليك دنيا وآخره

السلام عليكم :- اعضاء منتدى الكرام
ياريت من اخوة واخوات الذين مروا بتجربة تمديد الاقامة الكندية خاصة تصريح دراسة طالب اى تجديد التاشيرة دراسة طالب
ان يوضحوا لنا كيفية تقديم على الابليكشن اون لاين ؟ وكذلك كيفية الذفع اون لاين او الدفع بالبريد ؟ لان موقع هجرة الكندية دوخنا
وكيفية تعبيئة الابليكشن IMM5709

يا ريت توضح الغرض النماذج التالية يعنى ماذا تخص هذه النماذج ؟ وهل هى مطلوبة فى حالة تجديد التاشيرة او تمديد الاقامة
1- IMM5646
2-IMM5476
3-IMM5409
وشكرا لكم
هل تاريخ انتهاء مدة الاقامة يكون موضوع بالتاشيرة ؟ ام ان ضابط جمارك هو الذى يختم على جواز سفر ختم الدخول وايضا ختم انتهاء مدة اقامة ؟ ارجو التوضيح هذه النقطة

شاكرين لكم حسن تعاونكم معنا

يا خوي سالم انت غير اوصل كندا بعدين فكر بالتجديد ههههه

that is a real fun...lol

صدقتوا جميعا :-

وبارك الله فيكم على كل مشاركتكم ومعلوماتكم طيبة والتى أستفدنا منها جميعا
موفقين جميعا

وفيكم بارك الله خوي المهندس و ربي يقدرنا و نفيدوا الجميع تحياتي

الطيبون للطيبات .... جزاك الله خيرا يا اخت حنان وبارك الله فيك لتفرغك والاجابة على الاسئلة .... رب يوفقك فى الدنيا والاخرة

السلام عليكم :- تحية عطرة لكل من ساهم فى هذا منتدى بشكل عام ومنتدى الساحة الكندية بشكل الخاص على المجهودات الطيبة ومعلومات القيمة لكى يشاركونا فى تبادل الاراء والاخص بذكر الاخت :- حنان كندا : والتى بصراحة أستفدنا من تجربتها فى الايفاد ودراسة واستفدنا من معلوماتها القيمة . كما قال الاخ المنهدس 2010 فعلا كنز العظيم ربى يباركها ويوفقها فى دراستها وربى يوفق الجميع أعضاء منتدى فى كل الساحات ويوفقهم فى دراستهم ويعود إلى الوطن بسلام .
أيضا أكرر شكرا للكافة أعضاء منتدى الكرام . أن شاء الله تعالى يسهل ويسر جميع الخطوات للكل موفد ويسافر بسلام ويتعلم ويعود الى الوطن بسلام ويساهم فى بناء وطنه الحبيب ليبيا الجديدة ليبيا الحرية ليبيا الديمقراطية ليبيا الحضارة والصناعة معا نضع يدينا بيد بعض ونساهموا فى بناء الوطن لكى يعيش الشعب فى الامن وامان والتطور العصر الحديث ولكى يعيش أولادنا وبناتنا فى العصر ليبيا الجديدة.
كما أننى أتقدم بشكر والتقدير إلى السيد :- مدير المنتدى موفد وايضا إلى السادة الافاضل مدراء ومشرفون على الساحة الدراسية على مجهوداتهم العظيمة فى تصميم هذا موقع ممتاز. حيث أنى أقترح لهم اقتراح ان يخصصوا قسم متخصص فى نشر الورقات العلمية وبحوث العلمية ورسائل ماجسير والدكتوراة لاعضاء منتدى الكرام وكيفية صياغة العلمية للهذه الاطروحات . لانى ارى من وجهة نظرى ان منتدى بدأ فى تزايد اكثر غى عدد اعضاء وبالتالى نحتاجوا فى وضع خطة الجديدة لموقع بحيث لا يقتصر فقط بالدراسة بالخارج ,انما يقوم بنشر كافة منشورات العلمية الاعضاء الكرام موفد وبالتالى سوف يتحول هذا موقع الى صرح العلمى فى ليبيا الجديدة
وبارك الله فيكم وجزاكم الله خيرا
ومشكورين جميعا بالتوفيق

أخوكم :- سالم العبيدى /درنه

لا شكر على واجب خوي سالم و ربي يوفقك انت و سائر الموفدين واقتراح جميل ياريت ياخذوه بعين الاعتبار

يا جماعة بلكي انا فاهمة غلط!!!!!! تأشيرة الزائر(visitor) لا تحتاج تمديد .ما دام خشيت اقعد الى ما شاء الله لكن لو سافرت ما تقدرش ترجع الا بفيزا جديدة .لكن تيقدر تقدم على فيزا جديدة قبل ما تسافر لليبيا اصلا عن طريق السفارة الليبية في اتاوا ينهوا له القصة بحيث ما تسافر من هنا الا وتأشيرة الجديدة معاه بدل ما يقعد في ليبيا ايراجي في تاشيرة أخرى ىهذا الكلام قاله لنا واحد هنا و فيه نموذج في موقع السفارة بطلب فيزا جديدة . انا جاية من شهر لكندا إذا فهمي غلط ارجو الافادة . سؤالي عن تاشيرة الزائر وليس الاقامة .
على فكرة اللي قاللنا هكي هو شخص له اكثر من ست سنوات هنا و امسافر لليبيا اكثر من مرة .

والله انتوا ياجماعة كندا ديما تسألوا على التأشيرة والقبول والكشف الطبي والكشف العسكري..وتجديد التأشيرة قبل ماتسافروا...ههههههههههههههههه......زي ماتكونوا داخلين الجنة...هههههههههههههه...ربي معاكم ان شاء الله وتاخدوا الشهادة الكبيرة وتشرفونا....بس ياريت متشتغلوش في لبييا..اشتغلوا في كندا احسن..