الاوراق الضرورية اللي بترفعها معاك لكندا

السلام عليكم
بالله يا اخوان عندي استفسار شن هما الاوراق و المستندات الضرورية اللي لازم يرفعها الواحد معاه لكندا ؟؟

و شكرا للجميع

السلام عليكم ... اني ليا فقط قرابة 3 شهور اهني في كندا ... الحاجات اللي اني نعرفها الافادات مختومة ومترجمة و3 شهادات تزكية ... وجيب امعاك الرخصة الدولية وبطاقات التطعيم امتع الاطفال اذا انت متجوز وعندك اطفال .. هذا حد علمي

السلام عليكم
بخصوص الرخصة الدولية فهي غير مقبولة الا لفترة ٦٠ يوم فقط و لا تستطيع شراء سيارة بها و انما تستأجر الحل هو انك تجيب الرخصة الليبية مترجمة و معاها شهادة تفيد بان لديك خبرة في القيادة وتذكر كم سنة ليك تسوق و لما تجي لكندا ادير امتحان القيادة باش تعادل رخصتك بالرخصة الكندية
بالتوفيق

شكرا جزيلا اخي awity , , اختي حنان على ردودكم . و الخلاصة هيا نرتبوهم وحدة وحدة مش يستفيدوا اخواننا الموفدين
1-الافادات مختومة ومترجمة
2- 3 شهادات تزكية
3- الرخصة الليبية مترجمة + شهادة تفيد بان لديك خبرة في القيادة وتذكر كم سنة ليك تسوق و لما تجي لكندا ادير امتحان القيادة باش تعادل رخصتك بالرخصة الكندية.
4-بطاقات التطعيم امتع الاطفال اذا انت متجوز وعندك اطفال.


هل من مزيد ؟ مثلا كتيب العائلة او عقد الزواج......؟؟؟

عقد زواج ممكن تحتاجه اذا بتجدد تأشيرتك و تأشيرة زوجتك، طبعا الافادة وكشف الدرجات تكون في ظرف مختوم من جامعتك و مقفل و جيب نسخة تقدم بيها ع الجامعات لانهم غالبا اذا يعطوك قبول اكاديمي يطلبو نسخة في ظرف مقفل
كان اذكرت شي تاني تو نكتبه ان شاء الله
بالتوفيق