ماهي وضيفة المكتب الكندي بالتحديد؟

بشان تعبيئة النمودج الخاص بالمكتب الكندي طبعا اني خديت الدعم المالي من البعثات ومرفق معاها صورة من الابراق للمكتب الكندي بشان دعم التاشيرة قريب 3 اسابيع توة وكل يوم انخش علي ايميلي ومالقيت شي وصلني من المكتبب الكندي ؟ بالله انصحوني شن اندير بالزبط مع العلم باني مشيت للسفارة الكندية وقدمت اوراقي ومعاها صورة من الابراق

اصبر بس .. اذا جاتك رسالة الدعم المالي امتع المكتب الكندي ارفعها في اي وقت ,,, وهما يحتاجو الها في اخر المدة موش في البدايه

قصدك هذا السؤال اللي خلاك تنزل استهجان!!!!
اظن الاخ awity جاوب مشكور و المكتب زي ما قلتلك انا في مشاركة سابقة عندهم ضغط ايميلات و حتى احني طلبة كندا ما يردوش علينا و تقدر تتصل بيهم اذا تحب لانهم يردوا ع الهاتف عادي و انا اليوم هكي درت باش قدرت نحصل منهم حد.
بالتوفيق

السلام عليكم/ مش عارف ليش ردودك هكي يا اخت حنان (مشي شوية) انا عندي ملاحظة فقلتها؟ قالك دارو يومين طبعا (نكتة) يوم للنفاق فلقوا كل الناس تعانق في بعضها واليوم الثاني للصدق فلقوا كل الناس متخاصمين؟ عموما بارك الله فيكم علي مساهمتكم وجزاكم الله عنا كل خير

يا اخي في موضوع سابق لو بحثث شوية كنت القيت الخلاصة
عموما اني صار معايا نفس المشكلة والخلاصة ان المكتب الكندي يستنوا في تأكيد من البعثات ع اساس انك مبتعث
طبعا التأكيد هدا المفروض يمشي روتيني وبشكل سريع بس نظرا للفوضة الي ف البعثاث ف اني مشيت شخصيا ومعايا صورة من الدعم للتأشيرة وطلبت انهم يرسلوا تأكيد للمكتب الكندي وفعلا هدا الي صار واليوم التالي القيت المكتب الكندي راد علي

تحياتي