استفسار عن رسالة الدعم من المكتب الكندى

لمن يستطيع ان يجاوبنى على استفسارى بصراحة حيرونى جماعة البعثات انا يا اخوتى قدمت على التأشيرة من حوالى عشرة ايام والمهم كنت مراسل المكتب الكندى ونرجا فى رسالة الدعم منهم ولما جيت انقدم على التأشيرة قالولى مش ضرورية الرسالة توا ولكن ضرورى اتقدمها قبل شهرين عموما قدمت اوراقى ومشيت للبعثات علشان نتأكد من انهم راسلو المكتب الكندى عطونى ورقة عنوانها ( نموذج ارسال عن طريق البريد الالكترونى البلد المرسل الية المكتب الكندى cbie) وقالولى شيلها للسفارة ورفعتها للسفارة والى الان ما دزولى شئ دوخى المكتب الكندى ومنيش عارف ايش اندير لمن عندة جواب يرد عليا

ياريت حد يوضحنا هده الخطوة يعني نحن نراسلوا المكتب الكندي باش نحصلوا ورقة الدعم المالي للتأشيرة وﻻ البعتاث تراسلهم

يا خوي لازم تتأكد ان البعثات ارسلوا الايميل اللي فيه بياناتك للمكتب الكندي و ان بياناتك صحيحة لان حتى ولو ارسلت انت الورقة هذي للمكتب مش راح يقبلها بدون تأكيد البعتاث يعني امشي للبعتاث و تأكد بالتوفيق

السلام عليكم
بحكم تجربتي الان التأشيره طالعه ليها 20يوم وانراجي في التفويض المالي
المهم قدمت على التأشيره يوم 2 اكتوبر الماضي وقالولي ناقصه رساله الدعم المالي من المكتب الكندي والموظف قالي جيب حتى رسالة الابراق بس تكفيو وجبتلهم صوره من رسالة الابراق وفي يوم 17 نوفمبر بعتولي للكشف الطبي ومشيت ودرت الكشف الطبي ويوم 28 نوفمبر بعتولي وقالولي تعال للسفارة في طرابلس وجيب جواز السفر امعاك طبعا كان يوم اربعاء واني ما فتحتش الايميل الا يوم الخميس العشيه المهم مشيت الاحد 2 ديسمبر والحمد لله طلعت التأشيرة في نفس اليوم من غير رسالة الدعم المالي من المكتب الكندي يعني برسالة الدعم المالي من ادارة البعثات ورسالة الابراق فقط مع العلم انه الى الان وانا اراسل النمكتب الكندي بخصوص رسالة الدعم المالي ورقم CBIE الخاص بي وهما ايردوا ويقولولي النماذج عبيهن بعد وصولك لكندا
وتوا ما يبوا مني شي في المكتب الكندي الا رسالة القبول من مركز اللغة ورسالة بدايه الصرف
ملاحظه لو في اجراء اني ما درتاش يا ريت اتقولولي عليه
مع العلم اني طالع ايفاد في قرار الاوائل وتخصصي جيولوجيا ومعنديش قبول اكاديمي يعني قبول لغة فقط واخترت مركز لغه في مدينة فانكوفر