الحمد لله وصلني رسالة الدعم المالي من CBIE بدون توقع

الف مبروك و بالتوفيق و حتى انا نذكر وصلتني في الليل تالي بعد يوم من تقديمي ع التأشيرة

والله انتوا جماعة كندا ديما تفرحونا...مرة تاشيرة طالعة...مرة كشف طبي..مرة واحد حيتزوج كندية..ههههههههههههههههه.. وفي ناس من فرحتها بالتأشيرة تفكر في تجديدها فبل السفر..هههههههههههههههه..بالتوفيق لكم ولمستشارتكم الاكاديمية استاذة حنان...

الله يبارك فيك ويطول عمرك اختي حنان
سُعدت بمرورك

اخي العزيز عبدالناصر
اشكرك على مرورك وماذا لنا في هذا المنتدى الا ان نضع مايفرح الجميع
وعقبالك

حضرتك تخصصك هائل...information technology ..ياريت نكون على تواصل وتخبرني بأخر مستجدات السياحة الالكترونية e-tourism في العالم المتقدم.....وأخر التقنيات الحديثة في عالم السياحة والسفر..وكندا بالمناسبة من الدول المتقدمة في عالم السياحة وداخل نادي العشرين الكبار عالميا...واستقبلت عام 2011 نحو 16 مليون سائح..

السلام عليكم/ الف مبروك
طبعا انا خديت بنصيحة خوتي الطلبة ومشيت اليوم لادارة البعثات وقاموا بارسال صورة من الابراق للمكتب الكندي وانا كنت حاضر سوالي كم يوم يقعدوا باش يردوا عليا المكتب الكندي دعم التاشيرة. بارك الله فيكم

طبعا الف مبروك لحوي ناصر75 لحصوله غلي دعم التاشيرة والعقبال للجميع في الحصول علي الفيزة والسفر لكندا والله الموفق

افراح ليبية في كندا قريبا ان شاء الله

عبد الناصر كتب:

والله انتوا جماعة كندا ديما تفرحونا...مرة تاشيرة طالعة...مرة كشف طبي..مرة واحد حيتزوج كندية..ههههههههههههههههه.. وفي ناس من فرحتها بالتأشيرة تفكر في تجديدها فبل السفر..هههههههههههههههه..بالتوفيق لكم ولمستشارتكم الاكاديمية استاذة حنان...

ههههه ضحكتني خوي عبدالناصر و شكرا لكلمة استاذة ان شاء الله نكمل الماجستير على خير و نولي استاذة حق بس الحق بعد حصلت القبول النهائي من جامعة واترلوا ولله الحمد بنستقيل من منصبي كمستشارة وبنركز على قرايتي و البركة في باقي اعضاء المنتدى

خوي ابو الحسن اذا وصلهم الابراق من البعثات اليوم ممكن بكرا يبعتولك الرسالة لانهم ما يحبوش ايخلوا شغل في العطلة

مبارك اخوي ناصر 75 عقبال التاشيرة بس حبيت نسالك كيف خديت موعدمن السفارةالكندية لاني من خارج طرابلس وخديت موعد بالننت قالولي 6 1 وقالو الباقي كله مليان انت كيف حصلت موعد من امتى حاجز

hanan_canada كتب:

عبد الناصر كتب:

والله انتوا جماعة كندا ديما تفرحونا...مرة تاشيرة طالعة...مرة كشف طبي..مرة واحد حيتزوج كندية..ههههههههههههههههه.. وفي ناس من فرحتها بالتأشيرة تفكر في تجديدها فبل السفر..هههههههههههههههه..بالتوفيق لكم ولمستشارتكم الاكاديمية استاذة حنان...

ههههه ضحكتني خوي عبدالناصر و شكرا لكلمة استاذة ان شاء الله نكمل الماجستير على خير و نولي استاذة حق بس الحق بعد حصلت القبول النهائي من جامعة واترلوا ولله الحمد بنستقيل من منصبي كمستشارة وبنركز على قرايتي و البركة في باقي اعضاء المنتدى

مبرووووووك حصولك على القبول من الجامعة وموفقة ان شاء الله ... ومش لدرجة الاستقالة المنتدى ما يستغناش عليك


ومبرووووك خوى ناصر75 والعقبال عندنا ان شاء الله

الف مبروك والعقبى للبقية

اخوتي
ابو الحسن
ام كلثوم
nona light
الله يبارك في الجميع
بالنسبة لسؤالك اختي ام كلثوم بخصوص موعد السفارة
اتصلت بهم بالهاتف وردت علي موظفة الاستقبال وخذيت موعد وكان الاتصال قبل حوالي اسبوعين فاتوا
بس اهم شي تحاولي تتصلي بهم قبل الساعة 9 الصبح وممكن مايردوش عليك طول بس حاولي انا حاولت قريب 4 او 5 مرات
هذا رقم السفارة الكندية
0213351633

لو ممكن ياريت نفهم منكم
يعني المقصود إن بعد ما يتحصل الطالب الموفد على رسالة الدعم المالي لغرض التأشيره من البعثات لازم ايراسل المكتب الكندي عشان يبعثله رسالة دعم لغرض التأشيره ثانيه صادره من المكتب الكندي
عشان يبقى قادر ايقدم عالتأشيره لكندا؟؟
وشن هيا الورقه اللي لازم ترسلها البعثات للمكتب الكندي بش ايردوا عالطالب
ياريت حد ايفهمني الموضوع هذا بالتفصيل

السلام عليكم

عزيزي الفاضل

المفترض ان البعثات لم يعطوك ورقة الدعم المالي للتأشيرة يرسلوا منها نسخة بالايميل للمكتب الكندي ويعطوك صورة من الابراق اللي بعثوه

وانت المفروض ماليكش علاقة بارسال الورقة هذه

اتوماتيكيا اذا المكتب الكندي استلم الايميل بخصوصك ثاني او ثالت يوم يرسلك رسالة دعم مالي للتأشيرة ترفقها مع ملفك وتقدم للتأشيرة

ولكن يمكن انك تقدم بصورة الابراق فقط ولكن هذا لايعني انها كافية ويجب انك تجيبلهم رسالة الدعم المالي متاع المكتب الكندي في ظرف شهر من تقديمك للتاشيرة