سامحوني كثرت عليكم؟

السلام عليكم
انا اخر سوال طلبت نعرف شنو اندير بالزبط بشان المكتب الكندي وليش ماردوش عليا؟
طبعا بارك الله فيكم اخوتي الطلبة واخدت بنصيحة الاخت حنان ومشيت لادارة البعثات واكدت ارسال البرقية للمكتب الكندي امام عيني تم ارسالها طبعا الارسال ليه ثلاثة ايام ولا يوجد رد من المكتب الكندي.
والسلام عليكم

طالما تأكدت انهم بعثوها خوذ نسخة من الابراق اللي بعثوه للمكتب الكندي و قدم بيه ع التأشيرة و اول ما يفتح المكتب الكندي بعد العطلة ان شاء الله يبعتوهالك . المهم قدم ع التأشيرة و استغل الوقت
بالتوفيق

السلام عليكم ياأخى ابو الحسن بما انك قدمت على التأشيرة وقبلو منك الاوراق بدون دعم المكتب الكندى وطالما تحصلت على صورة الابراق جهز الاوراق التالية على سكنر وارسلها الى هذا العنوان ل جمانة رجب المسؤلة عن الطلبة الجدد فى المكتب الكندىNominee.ca@cbie.ca وانتظر الرد فى خلال اسبوع او اقل
1- صور من الشهائد عربى وانجليزى
2-صور من الجوازات ليك والمرافقين عربى وانجليزى
3-صور من دعم التأشيرة والابراق من البعثات
4- صورة من القبول ESL

وبالتوفيق ان شاء الله

السلام عليكم/ شكرا جزيلا للاخت حنان وليك يا حمودي علي اهتمامكم واسال الله ان يكون في ميزان حسناتكم امين.
نبي انوضح حاجة للاخت حنان اني قدمت في التاشيرة يوم 11/12/2012 بصورة من الابراق وطبعا اخدت بنصيحتك ومشيت للبعثات وتم الابراق عن طريق الايميل يوم الاربعاء19/12/2012 متاكد 100%.
سوالي امتي اجازة راس السنة من اي يوم بالتحديد يعطلوا غادي؟
مرة تانية شكرا جزبلا خوي حمودي؟

يعطلوا من يوم 25 تقريبا ليوم 1-1 بس هما منزلين على موقعهم انهم في يومين تقريبا يوم 27 28 بيخدموا عادي بس مش متأكدة