ارجو الاجابة عن تمديد دراسة الماستر ببريطانيا لمن لديه تجربة

السلام عليكم
اخوتي ياريت حديجاوبني انا موفدة للدراسة ببريطانيا
والان في السنة التانية من دراسة الماستر وتحديدا في الرساله
ونبي ناجل وندير تمديد لاني حاسة روحي متعترة في الرساله...فهل بامكاني التمديد من واقع تجربتكم ؟؟؟
من طرف الجامعه شنو يلزمني لدلك؟؟؟ وهل سهلة ام لازم تكون عندي اسباب قوية للتمديد؟؟؟؟ وكدلك من جهة المكتب الشعبي؟
طبعا من حقي سنة زيادة لانه البعته تلات سنوات للماستر

بس حايسة ومش عارفه نتخد قرار شهر تسعه قرب الي لازم نسلم فيه ونحس في روحي مازال ماتمكنت من الرساله وكتابتها وهلاامور؟؟؟

من وين نحصل رقمهم كل معرفتي بيهم رسائل الكترونية وفقط؟؟؟وبعتت بلا رد؟

يا أختي أطلبي أتصال وأختاري أحد مشرفي الماجستير وفي الملاحضات أكتبي أرجو منكم الاتصال علي الرقم (رقم الهاتف الخاص بيك) حيكلموك أكيد بس تأكدي من هاتفك مايكونش علي الصامت او مقفل
طبعا الكلام كله عبر المنضومة في موقع الشؤون الثقافية أكيد عندك فكرة علي استخدامها
لو تبي اي توضيح بخصوص المنضومة نحاول نوضحلك اي حاجة

بارك الله فيك وجزاك الجنة وفيت وكفيت

راسلناهم ولا حد عبرنا؟؟نعرف في غيري واجدين طلبة والله يعينهم بس نبي نحدد مصيري ع بدري قبل اطيح الفاس في الراس

كيف؟؟؟
انا مبتعتة تلات سنوات
وتوا خلصت سنتين
ومازالي سنة
وكان نبي تمديد نبيه فقط لتلات اشهر لااكتر ولااقل؟؟؟
يعني مايصيرش؟؟؟
بالله غير زيد تاكدلي وشوف؟؟؟؟انا جارية دراستي يعني مش توا مبتعته؟؟؟

أختي الكريمه
أنا لم أقل بأنه مايصيرش
لأني أعرف مجموعه من الطلبه ممن كانت بداية التفويض لهم سنة 2008 والمده المتبقيه لا تكفيهم و سيقدمون طلبات عسى أن تؤخد الطلبات بعين الأعتبار أو يلغى قرار التوقيف فتكون طلباتهم جاهزة وقد وصلت للبعثات

يا أختي بدل ما تحيري وتدوخي روحك أطلبي اتصال من الشؤون الثقافية
وتوا يردوا ويقولولك كيف يصير
وحكاية ماردوش عليك انتي تأكدي من طريقة استعمال المنضومة والله ما فيه مرة بعثتلهم الا ردوا عليا اقل شي نلقي مكالمة فايته ونلقاها في النشرة الخدمية تم الاتصال ولم يتم الرد!!!
وللامانة مش بس انا نعرف عدد كبير من الطلبة قالولي نفس الكلام علي طول يردوا
حاولي لن تكلميهم و اشرحي الوضعية يللي انتي فيها بالزبط وخوذي الكلام من مكانه
و ملاحضة يللي تتكلمي عليه مش تمديد المعروف ان
التمديد بعد الثلاث سنوات


عدل سابقا من قبل khalid1122 في الخميس 15 يوليو 2010, 8:39 pm عدل 1 مرات (السبب : توضيح)

عفوا اين منظومة ؟ انا نستخدم في طلبات الالكترونية نعبي في فورم ونرسل فيه؟
في طريقة تانية غير هكي؟

عبي الفورم زي ماقلتي بس في المساحة الكبيرة اكتبي رقم هاتفك و أطلبي أتصال هاتفي
وصدقيني حيكلموك بس خلي هاتفك قريب منك ومفتوح وجاهز لانهم في اي وقت ممكن يتصلوا

لو ما كلموكش او ما ردوش عليك
فيه امكانية تكلمي الخبير التعليمي مباشرة حتلقي في الموقع هذه الامكانية ونعرف من بعث للخبير الدكتور سعد مناع ورد عليه شخصيا ودارله حل لمشكلته

معناها على هكي انا دزيت لتوا طلبين بالاتصال وشي ماحد عبرني؟؟؟
وبعدين مشكلتي مش بكل كبيرة لين نشغل بيها الخبير التعليمي (متواضعه)

بس برضو بنبعت رساله اخرى لانه التالته تابته
ولاني كان نعرف رقمهم نتصل بيهم ليش كل هاللفة..والانتضار
ونقالي نرعى فيه ليل نهار نقول بالك يتصلو تي حتى هلي نقول مش مطولة معاهم لعل وعسى مكتب يتصل
والله حالة...
كانه متصل بالبيت الابيض راهم ردو علي

عدرا راهو نمزح
مكتب الشعبي فيه الخير غير يكمل جميله ويعبر رسالتي ويتصلو علي

يارب

الخبير مداير وسيلة اتصال لهذه الأسباب وباش تقوليلة مارد عليا حد

معناها هكي توريطة ...وايباري
ربك يسهل ...توا نشوف رقمه في الموقع ...
بصراحة لما نشوف موضوعي واتصالي بيه نلقاها كبيرة ...(ماله ريحي روحك وخلاص)

بكرا بندير اخر محاولة وبعدها علي وعلى اعدائي (ولت حرب)

وسعي بالك

انا عندي اقراح لك ممكن تستفيدي منه

شنو الاقتراح؟.

القضيه أصبحت قضية رأي عام يا خويgermay2 ونحنا كلنا ننتظر في الإقتراح فخليك عند كلمتك وهدا أكيد
أختي time ربي يكون في عونك ويطيحك في أولاد الحلال ويفتحها عليك
مع تحياتي
أم جوري

اختي الكريمة
انا شفت انك محتاجة لتمديد لثلاثة اشهر عشان تكملي رسالتك لو انا في مكانك والموضوع وصل لنقطة هذي حاولي تضغطي على روحك في المدة المتبقية من المنحة وحاولي توفري بحيث تقدري تصرفي منها لمدة ثلاثة شهور وهذا اللي يدروا فيه الشباب لما تكمل مدة الصرف اعتقد ثلاث شهور ليست بمدة طويلة اقتراحي كحل اخير عدم الرد على التليفون يعتبر اجابة
طبعا على حسب ظروفك الله اعلم بها

شن جوها يا ام جوري

بالتوفيق ان شاء الله

تحياتي

و أنا معاك في الحل اللي قلت عليه يا أستادي لو كان هدا أخر الحلول أو كان هدا الحل اللي يريح أعصابك ويهدي بالك فصحتك و أعصابك أهم من التفكير في 3 أشهر.
بس كيف ما قلت لو كان هدا أخر الحلول*
لأنه 3 شهور ما تعتبرش هالفتره الطويله اللي الإنسان يتعب على خاطرها لأني نشوف في مبتعتين يقطعوا عليهم المنحه لعدم حصولهم على القبول الأكاديمي بعد إنتهاء اللغه وبدل من يفكروا كيف يصرفوا مع أنها المده مش محدوده .نشوف فيهم يصرفوا من مدخراتهم ولو قعدوا على الحديده بس عشان يبوا يكملوا الدراسه.
أختي صح إنتي عندك مشكله وربي يسهل عليك بس تظل أهون من الكتير من المشاكل.
ربي يسهل أمورك
أم جوري

طبعا الدراسة تتطلب راحة نفسية وبعدين في شباب يدرسوا على حسابهم الخاص لمدة تصل لاربع سنوات بعدين ما فيش باس نتعلمم من كفاحهم المرير نحو النجاح والتفوق
يبقى مجرد اقتراح

عدل سابقا من قبل germay2 في الجمعة 16 يوليو 2010, 1:02 am عدل 1 مرات

صراحة كلمتك
عدم الرد ع تلفون اجابة ...تعني شي كايد؟؟؟

وبالنسبة للتوفير هدي مستحيله...اولا اني عمري ماوفرت ..تانيا هنا غاليه المعيشة والسكن ..ولو وفرت يادوب نمشي اموري الاكاديمية زي بروفريدنق والدي منه

بصراحة اخ هاك توقعت اقتراح اكبر من هكي
بس من طول عمره هاك مع توم لايحدف لايجيب بلح

طبعا نمزح يكفي ياخوي ردك الواحد شنو ايدير غير يدعي ربك وخلاص وان شاء الله تفرج ياروحنا احنا والشهادة او احنا بروحنا وحتى هدي كبيرة وتكفي اهم حاجة الصحه (مبردة اعصابها ع الاخير وبايعتها)

والله اتاري الي نقرو فيه في البلاد شي والي قريناه هنا شي تاني
الله يسامح جامعاتنا بس ويخلف عليهم
وومكن تكفير عن دنبهم يبعتو فينا
مايحسابوش انهم والجامعات الاروبية بينهم هوة وفراااغ السماء ع الارض
المكتب يضغط بالمدة ...واحنا ع الجهد والاعصاب وماتجيب نحاولو
صراحة فعلا العلم جهاد

مشكورين ...للمسانده

احني ماقلنا شي نتحملو غير الواحد يعرف راسه من ساسه
ساهله ويدبر اموره
الي تكيدك انك تكون مش فاهم القوانين...واطيح
غير خيره المكتب مايصدر كتيب للاستفسارات الشائعه اقل شي الواحد يدور يلقى حاله مشابه لحالته
والا المكتب يعالج فيهم كفروق فردية؟؟؟ والا شنو؟؟؟
يادوب لقيت دليل بسيط فيه معلومات عامة ولو ماحصلت موقعكم مالقيت من نسئل بصراحه..لانه حتى المنتدى التابع للمكتب مسكر ومواضيحه شحيحة
وافرحت يوم حصلت موقعكم اقل شي ننقل تجاربي لكم (ع اساس دخيرة تجارب)

الله المستعان

يا germay2 انا عمري ما سمعت بتوقيف المنحة قبل نهاية المدة
المنحة ممكن توقف لعدم الحصول علي قبول أكاديمي او توقف بعد 8 اشهر لتنبيه الطالب بالتحول لدراسة اللغة اكاديميا ولكن من غير ان يقوم الطالب بايقاف الصرف اول مرة نسمع بهذا الكلام
مش عارف مشكلة الاخت بالزبط وين بالتحديد
ارجو منها التوضيح حتي يتمكن الاعضاء من مساعدتها بالنصح و المشورة

اختى

معلومتك على هاك مش دقيقة
"بس من طول عمره هاك مع توم لايحدف لايجيب بلح"
هاك معرف عليه افى صديق لصديقه بالرغم من ظروفه

اكيد نمزح معاك

ان شاء الله ربي يفرج عالجميع
تحياتي