لأخواني في ماليزيا الرجااااااااااااااااااااااااااااااااء مساعدتي

ناجايه الاسبوع الجااي لماليزيا وكل اجراءاتي كامله من التأسيره للتذاكر لكل ما يمكن نحتاجه غادي بس المشكله بعد خذيت التأشيره سمعت انه الاطفال لازم يكون لكل واحد منهم جواز بمفرده مع العلم أن اولادي مدرج اسمائهم في جواز زوجي _ ياريت تأكدولي هل صحيح انهم فالمطار ممكن يقفوا اجراءات دخولي بسبب اند اولادي ف جواز سفر زوجي - ساعدووووني الله يبارك فيكم بجد ضاقت بينا الدنيا كي سمعنا هك كلام __ ولكم مني جزيل الشكر مقدما

ياريت ياخوي وربي يبارك فيك معليشي نتعبوك معانا اشويا متوكله ع الله ثم عليك بخصوص هالموضوع _مشكور

السلام عليكم ورحمة الله وبركاته
اهلا بيكم اخوتي بالمنتذى
بخصوص سؤالك يااختى لو مازال عندك وقت تقدري تديرلهم جواز ات سفر تعبيلهم نماذج وترفقي صورة من قرار الايفاد وتدخلي على رئيس قسم الجوازات وراح يقدر ظروفك ان شاء الله
لانه الحقيقية راح تواجهك مشكلة مش من ناحية الدخول لانك راح تدخلى بتأشيرة سياحية ومدام عبيتلهم نماذج فى السفارة ان شاء الله مافيش مشكلة فى الدخول بس عندما تديرلهم اقامة راح تواجهك مشكلة ويريدون جوازات سفر تكون بيها الصور الشخصية لكل شخص وراح يعطلوك فى الاجراءات
وان شاء الله ربي يفرج عليك ويسهل لك امورك ان شاء الله
والله المستعان

اختى الكريمة بالنسبة لسؤالك مفيش اى مشكلة فى دخولكم الى ماليزيا سواء كانو الاولاد مدرجين فى جواز بوهم او كل واحد وجوازه اهم شى تقولى انك جاية لماليزيا سياحة وردى بالك تقولى لو سئلوك عن سبب الزيارة انك جاية لغرض الدراسة انى عندى صديق مليشى شهر دخل لماليزيا واولاده فيه منهم عنده جواز بروحه وفيه منهم مع بوهم فى الجواز وربى يوفقكم

يسترالله وخلاص _مشكور ياخوي ع الايضاح_بجد ربي يفرج تعبناااااااااااااااااااااا

مشكور خوي ايمن ربي يطمنك ويبارك فيك بس خوي خالد قال مافي مشكله فالدخول بس المشكله ح تواجهني فالاقامه ماعادش فهمت شن ندير واللهي _نفصلوهم ف جوازات برواحهم والا نخلوهم مع بوهم-بجد احترت

ان شاءالله مافيش مشكلة

ابني مرفق في جواز امه وخشيت عادي بدون مشاكل والاقامة مافيها مشكلة اذا كان المعهد يعطي في اقامة للعائلة

وبعدين لو في مشكلة السفارة الماليزية مش حتعطيك التأشيرة من الاساس

توكلي على الله ومعاش اضيعي وقتك

مشكور خوي الانصاري تعبناك معانا _وخوي اجباره تسلم اصلا نا واخذه قبول من معهد الكاستوري لأنه قالو يعطي في اقامه للمرافقين _يستر الله واللي فيه الخير يجيبه ربي عليه اتكالنا _تسلموا يارب وجعلها ف ميزان حسناتك

اختى الكريمة انا فى ماليزيا وعندى بنت فى جواز امها والامور مية مية بصراحة هيا اجراءات الفيزة تعطل شوية فى ماليزيا لكن ان شاء الله مفيش مشكلة

السلام عليكم : إخوتي الكرام .. هل استطيع تأجيل دراستي لبضعة أشهر وأنا متحصلة على قبول لغة .. ولو أستطيع هل أغير موعد القبول .. أرجو الرد جزاكم الله خيرا .

معيدة كتب:

السلام عليكم : إخوتي الكرام .. هل استطيع تأجيل دراستي لبضعة أشهر وأنا متحصلة على قبول لغة .. ولو أستطيع هل أغير موعد القبول .. أرجو الرد جزاكم الله خيرا .

نعم تقدري تاجلــــــي دراستك و نعم تقدري تغيري موعد دراستك