كل مايتعلق بطب الأسنان في بريطانيا

هدا للاسنان لاكن ننتظر حد قام بالتجربة
http://www.guardian.co.uk/education/table/2013/jun/04/university-guide-dentistry?INTCMP=SRCH
والكثير يقولون جلاسكو ممتازة

بارك الله فيك اخي   بس والله اهو نستنو حد يقرا في في واريك ويعطينا الجواب الشافي  او حد يعرف صديق يقرا  فيها ويعطينا رايه

بالتوفيق للجميع

the_bright_star كتب:

ادا لم تجد الرد فهدا دليل علي ان الاخوة لا يريدون اعطاء اي اجابة يريدون اعطاء اجابة دقيقة فقط

بالضبط هذا سبب لأن ممكن أنا توة ماعندي إجابة ولكن قاعد نبحث عنها في مكان آخر وسألت حد آخر ومازال ماجاوبني والسبب الآخر والأهم هو مش لازم المشرف هو اللي يرد عليك لأن الوظيفة الأساسية للمشرف هو العمل على تنظيم والإشراف (مراقبة) مواضيع المنتدى والرد بما يعرف في حدود استطاعته وفي حدود وقته ولذلك يجب أن نعلم أن المشرفين كيفهم كيفكم يا أخواني واخواتي يعني حتى هم طلبة وعندهم ظروف عائلية واجتماعية ودراسية وعملية وغيره والبعض في ليبيا كيف خونا Inception ماعنداش حتى خط نت وفيه اللي مازال حتى هو قاعد يكمل في إجراءات إيفاده وعنده مشاغل في العمل والبيت خاطي أنه حتى هو ماشي جاي عشان يتم إجراءاته ويجهز للسفر فما تتوقع لما تكتب سؤال أنه على طول يجاوبوا عليك في نفس الوقت أو حتى بعدها بيوم يعني المطلوب حتى باقي لأعضاء يشاركوا يعني أنت لما أشتركت في المنتدى وسألت واستفدت وخذيت حاجتك باهي خلي الناس الثانية يستفيدوا من خبرتك على الأقل ليش الأنانية.

بالنسبة ليا كنت لما نبقى موجود على النت ندخل كل حوالي ساعة مرة على المنتدى ولكن وجدت أن هذا الأمر يستنزف في كثير من وقتي وبعض الأعضاء سامحهم الله لقوها سمحة لما تجاوبهم على سؤال يعطيك سؤال ثاني مرات حتى يكون مش مستعجل وفي نفس الوقت مايبيش يتعب روحه ويشوف المواضيع المثبتة ولا السابقة في المنتدى وبالتالي يتكل عليك ومرات يكتب سؤاله في المنتدى وفي نفس اللحظة يبعث بنفس السؤال للمشرف ومرات حتى أكثر من مشرف وهذا خطأ كبير وأنانية في نفس الوقت لأن زي ماقنا حتى المشرف إنسان وعنده إلتزاماته يعني نحكي عن نفسي المنتدى خلاني نقصر حتى في دراستي وحق أسرتي عليا بل وحتى في ساعات نومي يعني الواحد يبي يقدم مساعدة لوجه الله مش معناها تستغلها أنت أو غيرك وتأخذ وقت المشرف كله ووقت حتى ناس ثانية في حاجة للمساعدة وهذا يعتبر سرقة مافيش فرق بينها وبين سرق مال عام أو خاص لأن الوقت يعني المال وهذا خلاني في اليومين الأخيرين ماندخل للمنتدى إلى في ساعات متأخرة تجنبا للاحراجات رغم أني لما ندخل نلقى صندوق الرسائل الخاصة ممتلئ ونقعد نجاوب ونخزن الرسائل في الكمبيوتر عشان نرجعلهم وقت الحاجة (وهذ بروحه ياخذ وقت طويل) وخلاني نرد ردود سريعة لأن ماعندي وقت نرد على كل واحد بالتفصيل وعلى سبيل المثال فيه بعض المواضيع مرات يقعد الواحد يوم كامل ويكتب فيهن ويحطهن ويثبتهن عشان يجي أي واحد ويشوفهن ومايسألش إلا في نقطة صغيرة ماعرفهاش أو مش مغطية في الموضوع  ومع ذلك شبه يوميا يخشوا أعضاء جدد ويقولي مثلا أنا مش عارف شي ونبيكم تعطوني كل شئ على التاشيرة البريطانية باهي شوف بروحك قبل وأسال.
زيادة عن هذا لازم نرد على الإيميلات اللي يجني على إيميلي الشخصي لا ومش هكي وبس ومرات فيه ناس تتصل حتى على الهاتف في أوقات مرات مش مناسبة يعني مرة نذكر وحدة من الأخوات مانعرفها من قبل سامحها الله اتصلت بيا الساعة 7 الصبح ونوضتي من النوم عشان تسألني بس هل المرافق الأخ يحقله يمشي مع أخته أولا؟ وتوة وأنا مازلت نكتب في الكلام هذا ومازال ماحطيته في المنتدى (عشان ماتقولوا بالك شافك موجود في المنتدى) واحد دزلي رسالة على الهاتف تخيل الساعة 3:30 في الليل يسأل على موضوع ممكن يتأجل لعند الصبح على الأقل يعني الواحد شنو يقول

ياشباب لازم الواحد يبذل مجهود ومايتكل على الغير يعني هذ المنتدى خدمي خيري تطوعي ومافيش حد راهو ياخذ في أي قرش أو أجر إلا من رب العالمين فما تبقوا أنانيين تخربوا علي غيركم والأعضاء اللي يدخلوا ويستفيدوا أكرر لازم ماتبقوا أنانيين وتستفيدوا وماتفيدوا يعني للأسف بعض الأعضاء مايدخل للمنتدى إلا لما يبي يسأل وكان واحد سأله وإلا بعثله رسالة خاصة مايرد وفي بعض الأعضاء وصلت بيهم الدرجة انه لما كان محتاج يبعثلك مرات 10 إيميلات يوميا وواحد مرة ساعدته (وهذا مش جميل أو من) وحجزتله بيت رغم أنه كان فيه صعوبات لأن الوكالة طلبت أن لازم يجي حد يشوف البيت وبعد صعوبة حصلت حد عن طريق شخص آخر مشى وشاف البيت وساعدته حتى بعد الوصول ومع ذلك بعد اموره تستقر مايرد حتى على إيميل تبعثه لك أو يبعثلك معايدة في الأعياد. وتلقاه لما يبي أي حاجة يدخل المنتدى ويسأل باهي المنتدى هذا بيتنا كلنا لازم نهتموا بيه كلنا يعني كل واحد عند دور.

وعليه من اليوم أي واحد يكتب سؤال في المنتدى لازم أولا يكتب في العنوان شئ يدل على الحاجة اللي يبي يسأل عنها ومايكتب عاجل أو مستعجل إلا للضرورة وممكن يستخدم الخيارات اللي جنب العنوان (يعني مهم أو عاجل أو حصري أو غيره)

وأرجو عدم مراسلة المشرفين إلا للضرورة الملحة وعدم كتابة أي رد أو عتاب في الموضوع انه ماحد رد عليه (أو يبعث للمشرف على الخاص يبي رد على سؤاله) قبل 3 أيام وأي حد يبعث لأي من المشرفين بسؤال عام سبق وأن تم شرحه في المواضيع المثبتة (يعني زي ماقلنا يسأل عن كل شئ عن التأشيرة دون تحديد السؤال) فللمشرف حرية الإجابة عن سؤاله أو لا؟ وممكن تتأخر الإجابة.

عندي معلومة قديمه طلبة اذا كانت زوجتك من طلبة طب بنغازي فيمكنها ان تكمل دراستها بالسنة الرابعة في بريطانيا لان جامعة طب بنغازي تعتمد النظام الانجليزي وهذه المعلومة قديمه منذ ان كنت طالبا هناك اي في جامعة طب بنغازي سنة1990

تي يا ريت حد يشوفلنا احد الليبيين اللي يقرو في جامعة واريك طب الاسنان ماجستير   Warwick University   ويوقلنا شن مستوي الكليه  والدراسة والعملي   . لان المعلومات ناقصة علي هده الجامعه   طب الاسنان.   وبارك الله فيكم

السلام عليكم انا من موفدي قرار 502  اريد رايكم في جامعة شيفيلد في تخصص ماستر اسنان اكلينيكي  اذا برايكم ممكن انكمل اجراءات قبل انتهاء المهلة اللي قالو عنها  انا معنوياتي في الحضيض وماصدقت خوي اقتنع بمرافقتي وانا الى الان حتى قبول لغة ماحصلتش واموري ملخبطة و مش عارفة وين انلف او اندور وبديت نفقد فالامل تدريجيا في اني انحقق حلمي .






واهمهات لتخصص ماستر اسنان اكلينيكي  وهل برايكم في امل ظقت نلحق نحقق حلمي اللي استنيته سنينوهلافيلمرافقفعيل20ابعد ماتخلص وانا  جامعة شيفيلدحلمهم تو نبيكم تتفاعلو معاي لو سمحتو  وتعطوني رايكم كيف بديت اندور في قبول لغة  واصلا انا مش
ف فاهمة فيالاجراءات ا

اختي ،، شيفلد هـــادي في بريطـانيـأ ؟؟؟ صراحة لا علم لي أين تقع ـ،، 

يس لو كانت في بريطانيـا وانتي دراستك اكلينيكي معنـاها ممكن تصيرلك عرقلة ،،، 

لأن بريطانيـا مقفلة للتخصصـات السريريـة 

موفقة أختي ،، 

وبالنسبـة للخيـار متع السنة تخويفي أكثر منه تنفيذي ، لأنه من الصعب تنفيذه في ظل الظروف الحاليـة

بارك الله فيك خوي ج.شيفيلد في UK وتصنيفها 9 حسب الغارديان والاول في طب الاسنان 2011 وعندها معهد لغة كويس حسب علمي وياريت حد عنده معلومة يشاركنا بيها ومافيش مشكلة يصححلي

lalasalim كتب:

السلام عليكم انا من موفدي قرار 502  اريد رايكم في جامعة شيفيلد في تخصص ماستر اسنان اكلينيكي  اذا برايكم ممكن انكمل اجراءات قبل انتهاء المهلة اللي قالو عنها  انا معنوياتي في الحضيض وماصدقت خوي اقتنع بمرافقتي وانا الى الان حتى قبول لغة ماحصلتش واموري ملخبطة و مش عارفة وين انلف او اندور وبديت نفقد فالامل تدريجيا في اني انحقق حلمي .

واهمهات لتخصص ماستر اسنان اكلينيكي  وهل برايكم في امل ظقت نلحق نحقق حلمي اللي استنيته سنينوهلافيلمرافقفعيل20ابعد ماتخلص وانا  جامعة شيفيلدحلمهم تو نبيكم تتفاعلو معاي لو سمحتو  وتعطوني رايكم كيف بديت اندور في قبول لغة  واصلا انا مش
ف فاهمة فيالاجراءات

أخت ليلى بالنسبة لشيفلد مدينة هادئة ومليئة بالعرب والليبيين وأخي الوحيشي الأسنان لا أعتقد انهم يعتبروا فيه من التخصصات السريرية وفيه ناس واجد مازالت تجئ وتخصصهم أسنان وممكن حتى تراسليهم اخت ليلى وشوفي هذا الموضوع حتلقي بعض منهم
http://www.almofad.com/t14399-topic
وهذا أيضا
http://www.almofad.com/t18946-topic

أختي ماتلخبطي روحك مش مطلوب منك توة تبحثي عن قبول أكاديمي أهم شئ توة تجيبي قبول لغة من اي مكان وتكملي إجراءاتك بسرعة وتجئ هنا وبعدها تختاري براحتك
مش عارف شنو مستواك في اللغة وهل عندك امتحان أيلس وكم جايبة فيه ولكن لو تبي قبول لغة ممكن تراسليني على الخاص ونحاول نساعدك بما يسمح بيه الوقت.

عدل سابقا من قبل Abu Mohamed في الثلاثاء 18 يونيو 2013, 12:39 am عدل 2 مرات

شكرا للتوضيح أخي أبو محمد ،،

مشكور خوي ابو محمد
انا قدمت على قبول لغة عن طريق مكتب قالولي خلال اسبوعين نجيبولك قبول لغة وتوا شهر كامل ومافيش نتيجة طلبت منهم قبول لغة من اي معهد في مدينة شيفيلد لان المدينة عجبتني والاولوية و الافضلية من المعهد التابع لجامعة شيفيلد حتى نقدر بعدين نحصل قبول اكاديمي طول ان شاء الله او على الاقل قبول مشروط لمن الجامعة وبالنسبة للايلتس نفكر نقدم عليه في ليبيا بس عشان التاشيرة ومستواي في Eng. معقول واسمي لالا مش ليلى

السلام عليكم 
انا طالبه موفده درسة لغه لمدة سبعة اشهرالماضيه فى بريطانيا وامتحنت الايلس وتحصلت على درجه 6
ولكن انا تخصصى طب اسنان وانا محتاجه للحصول على 6.5
سوالى هل من احد منكم لديه معلومه عن اى جامعه فبريطانيا تخصص طب اسنان تبدا فى شهر يناير القادم (1)
ارجو مساعدتى فى اقرب وقت لانى محتاجه لمساعدتكم وشكره

عدل سابقا من قبل Abu Mohamed في الخميس 27 يونيو 2013, 10:11 pm عدل 1 مرات (السبب : العنوان غير واضح)

السلام عليكم

بما اني تخصصي متلك طب اسنان في بريطانيا 

لا يوجد اي جامعة حسب علمي تبدا في يناير .  كل الجامعات تبدا في نصف شهر ٩ او نهايته

نبي نسالك هل تدوري في تخصص لازم يكون فيه كلينك شوي ولا تبي public health?

فيه جامعات ممكن ان تحصلي منها قبول 

واي استفسار بادن الله حنجاوب

شكرا اخى على الرد
انا عندى قبول من اكثر من جامعه ولكن الدراسه تدا فى 9 وانا مثلما ذكرت لم اتحصل على الدرجه المطلوبه
وبصراحه لا اوريد مادة مثل dental public health اتمنى ماده افضل حتى ولو لم تكن كلينك

الاخت راجية الجنة

كم الدرجة التي تحصلتي عليها حتي الان؟

تحصلت على 6 overall

راسلت جامعة liverpool من الممكن ان تبدا الدراسه فى يناير ولكنى لست متاكده تماما

هل يوجد تخصص تقنية اسنان في الجامعات البريطانية وان وجد ارجو كتابة اسم الجامعة وشكرا

اخي اريد ان اسألك انا تخصصي تقنية اسنان هل استطيع الحصول على قبول اكاديمي في بريطانيا او الحصول على هدا القبول صعب مع العلم انني خريجة دبلوم عالي