امتحان الايلتس بدون جواز سفر؟

السلام عليكم
انا طالبه ادرس لغه من اشهرفى بريطانياوالان انا محتاجه الى ان احجز امتحان الايلتس ولكن جواز سفرى فى الهوم اوفس
سوالى :هل من احد يعرف مدرسه او جامعه تحجز بدون جواز سفر اقصد بنسخه منه فقط
ارجو منكم المساعده لانى ف حيره من امرى
علما بانى ارسلت طلب للهوم افس ولكن لايوجد رد
شكرا

لا تحجزي لان لابد من جواز السفر يوم الامتحان

المده الزمنيه ليست مقياس لدراسة اللغه لجميع الطلاب ذلك يعتمد على دراستك اذ اجتهدتي في الدراسه فمدة 6 اشهر كافيه ان شاء الله وممكن اقل

السلام عليكم
اختى انا مريت بنفس ظرفك ومستحيل تمتحنى من غير جواز سفرك..هذى اكيدة من مجرب..
وحبيت انطمنك وانطمن اى حد قالق من الايلتس انى حديثه العهد بالدراسة ولله الحمد امتحنت بفترة اقل من شهرين وتحصلت على درجة اعلى من اللى كنت نحتاجها ..
خليك واثقه من نفسك ووالله امتحان مايستاهل الخوف ابدا_نادمة ع الايام اللى ضيعتهن بقلق وستريس_ كونى هانيه واتكلى على الله

الله ايبارك بيك اخى ابو محمد

مشكور والله

مبروك أم توني
ممكن تقترحي عليا في أي معهد خذيتي الكرس الانجليزي ؟؟؟
هل صجيج أن الكرس لايقل عدد الطلبة عن 17 طالب لتعليم اللغة الانجليزية
أنا موفدة حديثة لي بريطانيا تاشيرتي شهر 5

الف مبروك اختى والله انى خايفه ومرعوبه من الامتحان انا ليا 5 شهور نقرا فى اللغه مستوى الان upper intermediate
انا محتاجه 6.5وبجد نحسها صعبه ياريت لو عندى اى نصيحه اتفيدنى قبل الامتحان ومشكوره

راجية الجنه كتب:

الف مبروك اختى والله انى خايفه ومرعوبه من الامتحان انا ليا 5 شهور نقرا فى اللغه مستوى الان upper intermediate
انا محتاجه 6.5وبجد نحسها صعبه ياريت لو عندى اى نصيحه اتفيدنى قبل الامتحان ومشكوره

أختي لو مستواك upper intermediate مش حيكون صعب عليك تجيبي 6.5 مع شوية تحظير وتدريب لعى الامتحانات السابقة والكتابة اللي هو لازم منه قبل الامتحان وحطي في بالك تجيبي 7 عشان لو ماجبتيش 7 تاخذي 6.5

السلام عليكم ورحمة الله وبركاته
الاحت الكريمة فيه مدرسة في ادنبرة دارت امنحان لشخص جواز سفره في الهوم اوفيس هذا كان في شهر 12-2012 طبعا تشددو في بادي الامر وبعدين طلبوا الرسالة متاع الهوم اوفيس اللي تؤكد استلام الابليكيشن وكان اسم الشخص غير موجود لانه مرافق بعدها الموفد طلب من الفيزا ادفايزر انه يعمل رساله فيها اسم المرافق لان الموفد يدرس في جامعة جلاسكو والاوراق مبعوثة عن طريق الجامعة للهوم اوفيس وارسل الرسالة مع ورقة الهوم اوفيس للمدرسة بعدها طلبت المدرسة التي تعمل في امتحان الايلتس صورة جواز سفر المرافق مختومة من الجامعة من الانترناشنول استيودنت وتم التنسيق مع المدرسة وعمل امتحان لكن الشي الصروري هو انك تنسق مع المدرسة تنسيق كامل قبل الامتحان بيش ماتحصل اي مشكلة واي ورقة تعمل منها نسختين بيش ترفع نسخة احتياطية من كل ورقة يوم الامتحان
اسم المدرسة basil paterson
http://www.basilpaterson.co.uk/
,وفيه صينيين داروا امتحان في لندن وهم في جلاسكو سالتهم ليش تسافروا للندن قالوا على شان جوازت السفر في الهوم اوفيس بس ماني متاكد في اي معهد وهل هذا هو سبب سفرهم ام ان هناك سبب اخر وهذا كان رمضان العام الماضي
هذا قبل اما الان ممكن هناك قرار جديد

الف شكرا لكم على معلوماتكم القيمه والله من كثرت التفكير فى انه انا نمتحن ايلتس لدرجه الوقت يضيع منى بدون مانحس
اتمنى لو اى شخص عنده معلومه اضافيه بخصوص الامتحان بدون جواز يفيدنى ولكم
كامل الشكر

جواز السفر مهم ولايمكن الدخول الا به

الشكر لله الاخ ابومحمد ربي يعينكم على عمل الخير ومساعدة الناس

السلام عليكم ورحمة الله ،،،

بالنسبة لمعهد باسل باتيرسون اللي في أدنبرا ،،، اليوم مشيت لهم وسألتهم ، قلتلهم عندي صديق جوازه عند الهوم أوفيس ويبي يدخل امتحان الآيلتس ، تحدثت مع المديرة وقالتلي ضروري يجيب جواز سفره في أي يوم حتى قبل الامتحان ، يكلم الهوم أوفيس يعطوهوله ويجيبه نتأكدوا من شخصيته ونصوروه ويرجعه في نفس اليوم ، و وفي الامتحان لو ما حصلاش مش لازم يجيبه ،،،

هذا للعلم !!!

شكرا وبارك الله فيك اختى .المدرسه اللى انا ندرس فيها فيه مكان لامتحان الايلتس وهما شايفين جوازى من قبل لما شرحتلهم الظرف قالوا للاسف لازم من الجواز يوم الامتحان
والله اعصابى ومش عارفه معادش قادره انركز ان شالله خير
وشكرا على التعاون مره اخرى

وفيك بارك الله أختي الكريمة ،،،

طبعاً هذا كان رد المدرسة اللي تدير في امتحان الآيلتس في أدنبرة ،،،

بالتوفيق إن شاء الله !!!

الاخ المتوكل على
السلام عليكم ورحمة الله وبركاته
ممكن تغيرت الحالة اما بالنسبة للموضوع اللي كتبته في الموفد هذا مؤكد تم الاتصال بالهاتف موش حتى مشالهم لكن كل شي نصيبات انا لما كتبت شعرت بالموقف لما يكون جواز سفرك في الهوم اوفيس وتبي تعمل امتحان لكن نأسف بشدة انهم رجعوك مع ان الواحد موش من اول مايقول له مايصيرش يروح لان الكلام اللي تكلمت عنه كان في شهر 12 -2012 وحتى الشخص دار امتحانه وخذا حتى النتيجة عموما ياخ المتوكل على الله كان عندك كيف تحاول معاهم دير محاولة اخرى وليش تكلم في المدير فيه قسم خاص بالايلتس لكن انقولك علي راي انت ادخل على الموقع وعبي ابليكيشن اون لاين وماتخلصش الفلوس احكي معاهم بالوضع مرات يطلبوا منك ورقة الهوم اوفيس اذاكان اسمك
فيها ابعثلهم صورة من الورقة واذاكان باعث الجواز عن طريق جامعة جيب حتى ورقة من الجامعة عموما هذا هاتف 01312439994
اتصل بيهم وحاول تحكي امعاهم

بالله نبي نضيف معلومة المدرسة لاتقبل التقديم بالورق العادي يعني ضروري تسجل اون لاين وعندك خمسة ايام للدفع والا يلغو اللابليكيشن اذا اي واحد يبي يقدم ماهو خاسر شي يدخل على الموقع ويعبي اون لاين وبعدين يكلمهم ويحكي معهم بالتفصيل مايقولش جواز سفري موش معاي وخلاص يقوللهم عندي ورقة من الهوم اوفيس واذا كان باعث من جامعة يقول للجامعة اعطوني اثبات باني مقدم على التاشيرة من خلالكم لان استرجاع جواز السفر الله اعلم ساهل والله صعب وانشالله ربي يوفقكم

بارك الله فيك أخ أبو شهاب على كلامك الطيب ،،، وأرجوا أنك ما تفهمش أني لما مشيت للمعهد اني أطعن في كلامك ،،، استغفر الله أن أفعل ذلك ،،، آني لما مشيت للمعهد حبيت نسأل عن الإجراء بالضبط للأخت اللي طرحت السؤال وعندها المشكلة ،،، لأني أقيم في مدينة أدنبرة و المعهد اللي قلت عليه تقريبا نمر من جنبه تقريبا كل يوم ...

بالتوفيق لك وللأخت السائلة وللجميع إن شاء الله !!!

بارك الله فيك ياخي المتوكل ومافيش اي مشكلة

مادا عن التقديم علي امتحان الايسل بدون جواز سفر في ليبيا اقصد في يوم الامتحان

NOOR2014 كتب:

مادا عن التقديم علي امتحان الايسل بدون جواز سفر في ليبيا اقصد في يوم الامتحان

أعتقد نفس الشئ