المدة بين التقديم على التأشيرة وبداية الكورس

السلام عليكم ورحمة الله وبركاته

سؤالى للأخ محمد الاصيبعى : اخى لو ممكن نبيك تقولى لو ان قبولى يبدأ على اساس بداية شهر 9 امتى ناخذ موعد بالنت ع اساس المقابلة؟؟  نبي وقت اوبن عشان نلحق اندير باقى الاجراءات ويطلع فيه التفويض عشان انكون فى السليم بدايه تسعه بعون الله ..
ولك منى جزيل الشكر والامتنان

عدل سابقا من قبل Abu Mohamed في الأربعاء 18 سبتمبر 2013, 1:14 am عدل 2 مرات

عزيزتي ام تومي انا امس قدمت على التأشيرة و اقرب موعد تحصلت عليه هو يوم 20-6
وانا موعد بداية كورس اللغة في 9-1
التأشيرة تحتاج الى من 3 اسابيع الى الشهر ليتم الرد علي
يعني احتمال ايردوا عليا في 20-7 اللي هو حيكون اول رمضان وكل عام وانتم بالف خير
وانتي عارفة الليبين خدمتهم في رمضان كيف بتكون
والتفويض المالي يحتاج اقل شئ الى الشهر او الشهر و النص لكي يتم اعلانه
يعني الوقت ضيق ضيق ضيق
لهذا ننصحك تغيري موعد الكورس الى 1-10 و تقدمي اليوم على موعد السفارة لانه المواعيد زحمة عليها هلبة
وربي يوفقك

السلام عليكم

شكرا اختى لوزا ...

عزيزتى ام عائشه: شكرا ليك .. اختى بالنسبالى مش ناويه ناخذها من طرابلس نبي بعون الله نمشى لتونس .. اعتقد انها حتكون اسرع واكثر تنظيم ..لذلك نقول لو سخر ربي وكتبها لنا مش حتاخذ زى ماتاخذ لو قدمتها بليبيا والا شن رايك؟؟
ربي يوفقك ويسهلك امرك وتاخذيها قبل الكورس وتسافرى...

بارك الله فيك اخى الكريم ...ربي مايغيبك ديما حاضر للمساعده ...اشكرك

سامحيني اختي الكريمه و الله ما شفته سؤالك الا توا ... المقابه مع السفاره اختي تقدر تكون حتى 3 اشهر قبل موعد بداية الكورس متاعك ,, و الشي بالشي يذكر زي ما يقولوا,, البعض يستعجل و يقدم مثلا على التأشيرة في شهر 5 و بداية الكورس متاعه في بداية 6.. في الحاله هدي الطالب حيتأخر ممكن شهر على قرايته لان الفيزا تاخد شهر و التفويض ممكن شهر تاني.. و فيه اللي ماشي معاه المرافق متاعه بفيزة 6 اشهر و في الحاله هدي يلقى قدامه 5 اشهر بس للحصول على 4 في الايلتس .. يعني ديما خلي قدامك مده كافيه للحصول على الفيزا و كذلك التفويض المالي

om_tomy كتب:

بارك الله فيك اخى الكريم ...ربي مايغيبك ديما حاضر للمساعده ...اشكرك

وفيكِ بارك الله أختى الكريمة نحن سعداء جدا بمساعدة كل من يحتاج المساعدة. والله في عون العبد مادام العبد في عون أخيه.

بارك الله فيكم ...
اخى محد لاصبيعى : ولا يهمك .. المهم انك جاوبتنى .. بس لو سمحت ممكن تعطينى تاريخ مقرب لو سمحت؟؟؟ يعنى واحد تسعه الكورس ان شاء الله امتى ناخذ الموعد؟ اعطينى تاريخ تقريبي؟؟ وهل نبدا نحجز من توا والا مزال نستنى؟؟

وشكرا

احجزي في اقرب فرصه اختي .. المهم المدى القصوى بين بداية الكورس و التقديم على الفيزا ما تكونش اكثر من 3 اشهر .. انا فتحت موضوع امس و تكلمت على طريقه تقدري تحجزي بيها موعد بطريقه سريعه,و ياريت تراجعيه..

اوكى ,,,
بارك الله فيك اخى ..اشكرك

السلام عليكم

انا عندي قبول يبدا يوم 23/9 متي احجز على السفاره يعني يكون قبل الموعد بكم يوم
لاني تحصلت على دعم التأشيره ويقولو له مده وتنتهي .. اريد نصيحه منكم متي افضل موعد للحجز . وهل احجز في شهر 4 عادي ام ان التأشيره تنتهي..

وعليكم السلام
تقدر تحجز عالتاشيرة قبل موعد الدراسة بثلاثة أشهر
وتحط موعد المجيئ للبريطانية قبل دراستك باسبوع
وهو حيكون بداية تاشيرتك

وبالنسبة لدعم التاشيرة تقدر عشن تحول الشك تقدم علي واحد جديد قبل الموعد اللي محدده بشهر مثلا
والله الموفق

عدل سابقا من قبل محمد الحاسي في السبت 23 مارس 2013, 11:14 pm عدل 1 مرات

السلام عليكم ،،،

يكون موعد حجز التقديم على التاشيرة شهرين (60 يوم) فأقل من موعد بداية لكورس ...

بالنسبة للأخ المسماري اللي قبوله يبدأ في 23/9 ، أول موعد تقدر تقدم فيه هو 23/7 وأنت طالع ...

المشكله التي لاتعرفوها هي انا مرافق مع اختي وانا الان سنه رابعه جامعه اخر سنه ونهايه دراستي في شهر 7 قدمت على قبول في شهر 9 بالزايد حتي يكون معاي وقت .. ولعلمكم انا عندي قبول من بريطانيا والان اريد ان احصل على قبول من امريكا .،
انا عندي اسئله وهي ..
ما هي مدة التأشيره
مالسبب الذي لا يجعلني ان اقدم على موعد قريب من الان مثلا شهر 4 احجز موعد مع السفاره هل في مشكله مع السفاره ام ماذا .. يعني اريد ان اضمن حقي فى السفر من الان ./

السلام عليكم

لو الطالب قبوله الأكاديمي الغير مشروط في الساحه البريطانية يبدأ شهر 9 القادم فهل من الممكن أن يراسل الجامعه ويطلب منهم الكاس نمبر من الأن؟

لأن زي ما تعرفوا للبدأ في أجرأت التفويض المالي لابد من توفر أو حصول الطالب علي التأشيرة ومن دونها لا يستطيع الطالب البدا في أجرأت التفويض المالي ... وطبعا يبدأ الطالب الأجرأت من الأن وان شاء الله يلحق يكون هو والحق سواء.

بالله عليكم الي عنده معلومه يفيدني

وان شاء الله في ميزان حسناتكم

عدل سابقا من قبل Abu Mohamed في السبت 30 مارس 2013, 2:16 am عدل 1 مرات (السبب : العنوان غير واضح)

نفس السؤال

السلام عليكم ورحمة الله
حياكم الله اخوتي واخواتي
اختنا سومة / الحمد لله على سلامتك . نسال الله ان تكون عمرة مقبولة . واهم شئ دعيتي لنا والا
حسب علمي تقدر . لان الجامعة حيعطيلك الكاس وتكون بداية قبل الكورس بشهر تقريبا . وان شاء الله مافيش مشكله

الله يسلمك اخى هيثم .... اكيد دعيتلك من غير ماتوصى ....بارك الله فيك ع الرد

جزاك الله خيرا

لو كورس اللغة يبدا شهر 8 معناها امتى يكون تاريخ الكاس وامتى نقدم ع التاشيرة

شكرا أخي

Inception

بس علي الحال هذا ما نقدرش نبدأ في اجرأت التفويض المالي الا بعد 6

وهذه تعتبر مصيبه كلنا نعرف قداش التفويض المالي يأخذ

فكيف ... يعني ما دام نقدر ناخذ الكاس نمبر ليش ما نقدر انقدم علي الفيزا الأن؟

ويقدروا هما في الفيزا يحددوا الموعد المناسب لدخول بريطانيا

أسف ثقلت عليك أخي بالأسئله بس والله أمشوش مش عارف كيف التصرف