المدة بين التقديم على التأشيرة وبداية الكورس

khaled2010 كتب:

ان شاء الله خير 

الاهم في التقديم هو قبل الكورس بشهر وانت تقدمت بشهر ومعها ايام .

المهم دائما لا يوجد مشكلة عندما تتحصل على التاشيرة في تغير وقت الكورس .

ولكن مشكلتك هي كيف تكمل بقية اوراقك ما بعد التاشيرة لان تاخذ وقت اكثر من اسبوعين .

لهذا انت في جميع الاحوال سوف تتاخر على كورسك .

المهم انتظر التاشيرة اولا حتى تكتمل الفرحة وبعده كل شي سهل .

المفروض دائما تخلوا 3 شهور بين التقديم وبداية الكورس وهذه أقصي مدة يمكن التقديم فيها على التاشيرة قبل بداية الكورس
في تاشيرة طالب زائر لايوجد مشكلة في تاجيل الكورس ولكن في تير 4 ممكن تكون صعبة أنك تأجل (على حسب المعهد).

انا نفس حالة خالد  موعدي فى السفارة البريطانية يوم 29 -8-2013 وتبدا الدراسة 1-10-2013 - وحسب ما قالى احد الزملاء لازم يوم 1-10 توقع فى الجامعة ومش عارف شن بيصير -- والمكشلة يا ابو محمد التاخير مش منى من الدولة واجراتها -
شفت فى احد الردود انك لو عارف روحك تتاخر خاطب الجامعة واعلمهم وخلى واسحب نسخ الايميل بيش لو فى المطار قالولوك علاض تاخرت وريهم مراسلاتك من الجامعة والله أعلم

اخي عزالدين

حسب الجامعة , هناك اشخاص تاخروا على بداية دراسة الماجستير اكثر من اسبوعين .

وحصلت مع اكثر من جامعة ولم يحصل اي شي سواء في المطار او عند وصولهم الجامعة .

السلام عليكم اخوتي اخواتي الافاضل والكريمات
ارغب في السؤال عن اقل مدة للتقديم على التأشيرة البريطانية وماذا سيحدث :-
اذا كانت المدة بين التقديم على التأشيرة وبداية الدراسة في بريطانيا  هي شهر فقط؟
شنو قرار السفارة بخصوص التأشيرة في هذه الحالة؟
في انتظار رد
شكرا

المهم ماتزيدش عن تلات اشهر ... واعتقد انه تمشى الامور مافيش مشكلة .... بس العائق هو التفويض المالى لو انت موفد هدا بياخد منك وقت قريب شهر ونص ...

farag85 كتب:

السلام عليكم اخوتي اخواتي الافاضل والكريمات
ارغب في السؤال عن اقل مدة للتقديم على التأشيرة البريطانية وماذا سيحدث :-
اذا كانت المدة بين التقديم على التأشيرة وبداية الدراسة في بريطانيا  هي شهر فقط؟
شنو قرار السفارة بخصوص التأشيرة في هذه الحالة؟
في انتظار رد
شكرا

أرجو منك عدم فتح مواضيع مكررة وأيضا لاحظت أنك فتحت موضوع بخصوص كشف الحساب رغم أنك فاتح موضوع لنفس المشكلة منذ فترة قريبة وتم دمجهما حاليا.

السلام عليكم اعضاء المنتدى الكرام .....
باه الله انى احجزت على التقديم على تاشيرة تاير 4 يوم 10/10/2013 وانى بداية الكورس يوم 13/1/2014 يعنى بنقدم قبل الكورس ب3 اشهر وتلاتة ايام وهو ما ينافى انك لازم اتقدم قبل الكورس بى 3 اشهر ...
فهل تنصحونى انغير الموعد والا لا لانى خايف من الرفض ......

عدل سابقا من قبل ahmed.kawan في السبت 07 سبتمبر 2013, 4:13 pm عدل 1 مرات

ياريت تفيدنوني انا ايضا لاني بنعرف كم المدة المسموح بيها من اخذ التاشيرة لبدايه الكورس 
وموفق ياخوي

عليكم السلام
من تجربتي بمراسلات مع الجامعة.. ان الكاس نمبر اصلا لا يمنح الا قبل 3 اشهر من بداية الكورس وبالتالي طبيعي ان تقدم قبل الثلاثة اشهر... 
اعتقد يجب تلغي الموعد الاول وتحجز موعد جديد خلال الثلاث اشهر... لان الانجليز على سبلة

قصدى متلا لو نحجز يوم 13/10/2013
والا لازم انخش فى 3 اشهر  يعنى بعد 13/10/2013
وانى اوصلنى الكيس نومبر

المفروض تحجز يوم 14-10 او بعده ... 
موفق إن شـاء الله

يعنى لو قدمت بتاريخ 10/10/2013 ناخد رفص

خوي ماتستعجلش وتخاطر على خاطر اسبوع، مرات اتقدم يوم 10 وتاخد التأشيرة اكتر من شهر ومرات اتقدم يوم 16 وتاخد التاشيرة اسبوعين.

نصيحة مني توكل ع ربي وقدم يوم 16 والا بعد.

خودها بالمرتاح مش حتخسر شي.

ان عندس قبول الغة لدراسة في ابريطانيا يوم 6/1/2014 وقد حجزت موعد لتاشيره يوم 10/10/2013 فهل هذا جائز لعدم وجود اي تاريخ فارغ عدى هذا التاريخ كذلك سؤال عن معاهد اللغه في ليفربول هل هي جيده والمعيشه هناك جيده من ناحية السكن والاسعار وبارك الله فيكم

من حقك ان تتقدم على التاشيرة قبل  موعد الدراسة ب3 اشهر .

وحسب تاريخ موعدك فانه مناسب .

ليفربول مدينة جميلة ومناخه مناسب والمعيشة جيده .

ان شاء الله سوف تعجبك وخصوصا الاسواق و وسط المدينة .

benomran كتب:

ان عندس قبول الغة لدراسة في ابريطانيا يوم 6/1/2014 وقد حجزت موعد لتاشيره يوم 10/10/2013 فهل هذا جائز لعدم وجود اي تاريخ فارغ عدى هذا التاريخ كذلك سؤال عن معاهد اللغه في ليفربول هل هي جيده والمعيشه هناك جيده من ناحية السكن والاسعار وبارك الله فيكم

كما أخبرك أخي خالد تماما
ما اسم المعهد الذي تحصلت على قبول منه؟

السلام عليكم
هل فعلا من شروط التقديم على التأشيره لبريطانيا أن يكون بين وقت التقديم (موعد المقابله) وبداية الدراسه ثلاث شهور أو أقل؟؟
ياريت اللي عنده معلومه أكيده يسعفني بيها

عدل سابقا من قبل Abu Mohamed في الإثنين 16 سبتمبر 2013, 11:51 pm عدل 1 مرات (السبب : العنوان لايعبر عن المضمون)

هدا الكلام صحيح

يعني مافيش حد جرب ايقدم على التأشيره لبريطانيا قبل موعد الدراسه بأربع شهور مثلا وعطوها له؟؟

هذا الشرط فقط للتاشيرة تاير4 لانها تبي كاس نمبر و الكاس نمبر ما يعطوه الا قبل الكورس بثلاث شهور و انا بعثوه ليا قبل الكورس بي شهرين و نص تقريبا

التأشيره اللي مقدمين عليها تأشيرة طالب زائر
وهكي قالولنا الشرط
فمعاش عرفنا كيف والله

بالنسبة ليا قدمت عالتاير٤ و كان هذا شرطها .. ممكن ينطبق على تأشيرات الطلبة على كلا هالفترة كافية جداً لإتمام الإجراء فلا داعي للقلق ...

ينطبق ع كل انواع التاشيرات ، وبصراحة هو شئ منطقي جدا ، لانه هما مافيش سبب يبررلهم تواجدك في بريطانيا قبل تلاتة شهور من بداية الكورس.

يا أستاذي الكريم أنا مش قصدي إن نبي ندخل بريطانيا قبل بداية الكورس بأربع شهور
لأ لأني نعرف إن القوانين عندهم فيها إنه يعطوك التأشيره بحيث يكون مسموحلك تدخل البلاد قبل بداية الكورس بشهر بس ثلاثين يوم يعني
نحنا بس قدمنا قبل موعد كورس الدراسه بأربع شهور قلنا بش تطلع التأشيره بدري وانقدموا بيها عالتفويض وانلحقوا على بقية الإجراءات في ليبيا
لأن إجراءات الإيفاد مازالت تطول
لكن اتصلوا بينا من السفاره البريطانيه في ليبيا
بعد تقديمنا عالفيزا لنا قريب شهر توا وقالولنا اسحبوا طلبكم وإلا حيُقابل طلبكم بالرفض لأن مقدمين قبل موعد الكورس إنتوا بأربع شهور
وللأسف الرسوم اللي دفعناها للتأشيره عدت علينا
وتوا المفروض انقدموا من جديد عالتأشيره مع إن توا خلاص مازال ثلاث شهور على بداية الكورس لكن هما حسبوا المده من موعد المقابله اللي درناه زي ما قالولنا

أنا والله قبل قلت ممكن يتحججوا وخلاص معادش فهمت
كيف يسمحولنا معناها من الأول ناخذوا موعد ونحنا كاتبين بداية الكورس أمتى بتكون!!!!