رد المكتب الكندي اليوم حول تفعيل ملفات الطلبة الجدد وحول السيولة

السلام عليكم منذ 3 ايام قمت بارسال رسالة الى المكتب الكندي CBIE بخصوص امكانية السفر وبداية تفعيل ملف هناك بعد ارسال السيوله وحل مشكلة المكتب طبعا رد عليه بالرسالة التالية ولكم التعليق على الرسالة(ملخص الرسالة بداية كويسه قال ابعت لنا صورة من التاشيرة وصورة من الابراق البعتات بعد ذالك قال لى اسمك لم يكون في القائمة حاليا ولا نستطيع تفعيل ملفك الان وننصحك بتاجيل دراستك الى شهر 9 القادم احسن حتى اعطاء الوزارة وقت للارسال السيولة وقوائم جديده للطلبة ) لم التعليق وهذا تص الرسالة بالانكليزية

Kindly send me a copy of your Personal Decree issued by the Ministry of Higher Education – not from the Ministry of Finance (sample attached) and a copy of your visa.

Please note that your name is not on the list sent to us by the Ministry of Higher Education in Libya. The Ministry sent us funding for the names on the list only. Please note that we are doing our best to secure funding for you and other student’s names that are not on the list. Unfortunately, we cannot activate your file when you arrive in Canada or enroll you in health insurance coverage until we receive the funding. I advise you to defer your course to September 2013 to give the Ministry more time to send the funding and the new lists.

قعدنا زي الكورة بين المكتب الكندي و البعثات و التعليم
حسبنا الله ونعم الوكيل فيهم

بالله هذا كلام مفروض نديرو حل مع الوزارة معقولة الواحد واتي وقرايته تراجي فيه لا والتاشيرة بتطيح قريب ويقولوله لشهر 9 ليش؟ عشان نخلو الوزارة على راحتهم يوتو القوائم ويبعتو الفلوس ماهو هم كل يوم يبعتو جنيه وكل يوم يكتبو اسم في القائمة بالله هذا كلام والله كرهونا في الايفاد وساعته

مع العلم ان الدراسة تبدا 28/4/2013 وقد قمت بارسال رسالة للمعهد بتاجيل الدراسة شهر 9.........
يعنى مشكلة لازالت قائمة بين المكتب الكندى والتعليم بخصوص السيولة لان حسب الرسالة الوزارة بعت لهم السيولة للشهور معينة وشهر اضافى للشركة التأمين ..... والله الواحد يغير الساحة وخلاص شنى رايكم

لا حول ولا قوة الا بالله

عليك بالاستخارة وان شاء الله الى فيه الخير رب يقدره... الله المستعان

هذا الايميل اخى هل تريد التاكيد اوكى ممكن انت تجد اسمك بالتوفيق للجميع

nominee.ca@cbie.ca

السلام عليكم اخوتى
انا ايضا راسلت المكتب الكندى و ردو عليا نفس الرد ولكن اسمى موجود فى القوائم التى موجودة فى موقع الوزراة هل هذة القوائم نفس القوائم التى بعثت الى المكتب الكندى وما هذا الاخبار المتناقضه كليا من الوزير من جهه ومن المكتب من جهه اخرى فنرجو من الاخوة الجدد المتواجدين بكندا ان يخبرونا حقيقة الواقع
والله يسخر ما فية الخير وييسر امورنا

الحقيقه اننا في كندا مزال ننتظر وا انا في التفويض واحد ولا جديد يذكر مزال الفلوس يمشوا في الطريق.

إذا ماهو الحل ... هل تغيير الساحة قرار صائب بدل ان يسهل علينا الإجراءات نجدها تزداد تعقيدا تمنيت فقط ولو لدقيقة ان تكون وزراة التعليم العالى على قدر من المصداقية والمسؤولية ترانا نسير وإلى أين الله اعلم ..........والله خير معين ...

المشكلة أنهم فجأة أكتشفوا أن هناك تجاوزات من المكتب الكندي يعني شنو دخل الطالب ، سبحان الله علي ما شفت حورات الطلبة الموفدين من الدول الأخرى في صفحات مختلفة لم أجد مثل المشاكل لدى الطلبة الليبين ، نسأل الله أن يسهل علينا الأمور وتحسن بينا الوزارة وتتحمل مسؤلياتها وتنهي مشكلة المكتب الكندي مش غير أكثر من شهران والموضوع محلك سر من ناحية المنحة ومن ناحية الطلبة الجدد وأن الله شاء ربي يسهل الأمور ويفرج علينا

السلام عليكم اخي، تصيحتي أنك تفهم المكتب الكندي أنك طالب جديد وخصوصا أذا كنت في التفويض رقم 2 أو رقم 4 اللي قوائمهم نازلة في موقع الوزارة... شخصياً اني في امريكا من شهر 2 واسماي في التفويض رقم 2 ويوم الثلاثاء امس قالولي ان اسمي مش في القائمة زي حالتك فوضحتلهم اني مش طالب قديم وما نيش في القائمة امتاع الربع الثاني اللي فيها اكثر من 1000 اسم . خصوصا بعد ما أكتشفت ان بعض اللي معاي في التفويض رقم 2 نزلتلهم المنحة وفعلولهم ملفاتهم وبعثلهم ايميل ثاني امس بيش نعرق شن المشكلة بالضبط، فردت علي مشرفتي اللي في المكتب الكندي وقالتلي ان ملفي تم تفعيله ومنحة شهر 4 حتنزلي هاليومين ان شاء الله... بالفلاقي ابعت القائمة اللي انت فيها مع اللينك وقوللها ان قوائمة الطلبة الجدد بروحها غير الطلبة اللي يقروا من قبل...موفق أخوي وسامحني على الايميل الطويل بس حبيت نوصلك الاخذ والرد اللي صار امس بيني وبين المكتب الكندي لان حالتك شبيهة لحالتي غير انت قاعد مازال ما طلعتش من ليبيا. في امان الله

المشكلة هذه اصبحت خاص يتفويض 1 و2و4 او حتى تفويضات اقدم الذين لم يسافروا الى ساحات امريكيا الشمالية قبل بداية الاشكال ومنهم اشخاص موجودين هناك ولم تفعل الملفات لان الوزارة الجميلة ارسلت قوائم للطلبة الدراسين وثم ارسلت الاسماء التي سقطت ما الطلبةالجدد لم ترسل الا مجموعة معين على مايبدو من تفويض 1 و 2 و4 لان في اشخاص تفعلوا واشخاص لا.... والمشكلة ان عددهم قليل لذا المتحث باسم اقل
وهذا يدل على ان المشكاة لم تحل لان من قبل الطالب يسافر ويتفعل ملفه لكن الان يفعل الا اذ كان اسم موجود وهذا على حسب مافهمت
ليس امامنا الا مراسلة المكتب الكندي الا الوزارة لا ادري كيف نوصل لها صوتنا
وما عاش عرفن شن ديروا

السلام عليكم ، يعني الطلبة الموجودين في التفويضات الجديدة والبعثات مازالت لم ترسل بيهم قائمة هل يجوا لأمريكا وكندا ولا شنو المطلوب منهم وهل المكتب الكندي بعد وصول الطالب الجديد يقوم بتفعيل ملفاتهم و مازال المشكلة قائمة ، وبارك الله فيكم

فعلا حتى انا بعتولي نفس الرسالة بس في الاول قالولي اجل قرايتك لشهر 11 وهده الرسالة

Thank you for your email.



Did you obtain your visa yet? If not, please note that the Canadian Embassy has suspended visa issuing for the time being.



Kindly
note that you must defer your LOA to November 2013 or after, it will
give you more time to figure out the if you can come to Canada if the
funding
issue is resolved. July is 2 months away and I am not sure if the issue
will be solved by then. Please let me know what you intend to do.




If you no longer want to go to the University of Ottawa or University of Alberta, please contact Ms. Rachelle Tessier at:
placement.ca@cbie.ca and inform her.



All the best,



Jumana Rajabجمانه
رجب -

Program Administrator (9:00am – 5:00pm)

Libyan-North American Scholarship Program

Tel: 613-237-4820 Ext. 206

Email:
nominee.ca@cbie.ca

الطالب أول ما يوصل أمريكا أوكندا حيبعث صورة من رسالة بداية الصرف والابراق بالاضافة لبعض الاوراق الموجودة على موقع المكتب الكندي، بعدها المكتب الكندي حيراسل ادارة البعثات حتى يبلغهم بوصول الطالب والتأكد من أنه موفد ويطلب تفعيل الملف... المشكلة كلها في البعثات، عليكم وعلى مندوب المكتب الكندي اللي في البعثات لان لو في اي خبر حتلقوه عنده...المشكلة اللي صايرة ان وزارة التعليم العالي نزلت قوائم الطلبة اللي في التفويض رقم 2 ورقم 4 وعلى اساس انها حولت فلوسهم كلهم مع ان في اللي منهم ما زال ما جاش وفي اللي كيف جاي طازة والمكتب الكندي ايقول انه اساميهم ما وصلتش بس فلوسهم أكيد وصل؟ وهنا الصداع...موفقين خوتي واسال الله ان يرفع عنا وعنكم هذه الغمة

السلام عليكم
باختصار شديد وباقل كلام
والله مافيش حاجة معروفة ولا واضحة
اليوم خوي مشي للبعثات والسادة اللي في الساحة الكندية اللي في البعثات
وقالوله حاجة غريبة ق
قالوله جيب صورة من بداية الصرف اللي اني اصلا واخدتها منهم وهما حيرسلوها للمكتب الكنديي وبالتالي حتنحل المشكلة
واما جمانة في المكتب الكندي لما اتصلت بيها وقلتلها اللي صار قالتلي انه كلامهم متناقض وانه الاسماء اللي مارسلوهاش في القائمة الاولى حتى فلوسهم ما تحولتش وماتتوقعيش القصة بهذه البساطة

فحسبنا الله ونعم الوكيل في كل من يتاجر بمصير الطلبة

وندعوا الله ان يصلح لنا ولكم الحال

عاى جميع الطلبة الي اسمائهم مش موجدا في القائمة امتاع التعليم العالي بالتوجه الى وزارة التعليم العالي و فتح باب الاعتصام . علينا عدم السكوت . الطالب كمل جميع اوراقه و جهاز للسفر و يقولها اسمك مهناش
قمة المهزلة
اعتصام اعتصام حتى يسقط وزير الظلام

السلام عليكم أنا في تفويض رقم 1 والمنحه مازال ما نزلتش ما فهمتش وين المشكلة من المكتب أو البعثات والي عنده ألقائمه بلهي يبعتها أنا في امريكا من نص شهر 4 الرجاء المساعده

السلام عليكم ورحمة الله وبركاته

ياخوتي اللي عنده القائمة يرفعها لنا على الصفحة بالله عليكم.... احنا في كندا... الله المستعان على اللي ظالنا اني تفويضي من شهر 1 ... حسبي الله ونعم الوكيل

إن شـاء الله ربي يسر الامور