طلاب جامعة كونكورديا

السلام علسكم
والله يا أخي اني ليه 10أيام في مونتريال وقدمت على قبول اللغة وتحصلت عليه
إجراء عادي حاجة واحدة بس إذا لم يكن لديك رسالة الدعم المالي من المكتب الكندي فسوف تدفع 625 دولار ترجع لك عندما تحضر رسالة الدعم المالي من المكتب
اما القبول الاكاديمي للدكتوراه فلازلت أجمع المعلومات من الطلبة هنا ولكن مبدئبا أنك تشوف موقع الجامعة وتراسل الدكاترة في تخصصك وبعدين تعبي ابليكيشن القبول غير دير بالك راهي زي حال دكاترنا فيه اللي متجاوب وتكمل معاه بسرعة وفيه اللي يوريك نجوم الظهر وتكمل المدة وما تكمل دراستك

ولو حصلت معلومة نفيدك انشا الله

بارك الله فيك خوي على هذه المعلومات

السلام عليكم اخي الكريم
knsa71
مبروك نزول المنحة وان شاء الله بالتوفيق
فقط حبيت نسالك عن وصولك لمونتريال ماهي الخطوط التي ذهبت عليها
وهل هي جيدة
لاني ارغب في الدراسة بجامعة كونكورديا
ان شاء الله
جزاك الله خيرا

يا أخ ناصر اني جيت على الخطوط الانجليزية
طبعا بعد ما اكدلي الاخ في وكالة امازون ان المبيت على حساب الخطوط
ولكن للاسف لم يكن الامر كذلك قالو لي في مطار هيترو بانه ليس لديك حجز فندقي
وهذا الحال نحن الليبيين تعودنا داما ان ندفع ثمن اخطاء غيرنا
المهم حجزت في فندق المطار وهو عبارة عن حجرة صغيرة جدا وحمام-اكرمك الله -
ووجبة عشا وفطور بي 120 باوند
يعني غلطة الاخ كلفتني حوالي 250 دينار ليبي
بس فيه اخ اخر جاء على نفس الخطوط وقال انه حجزوله المبيت وفي الشيرتون معاها
فأنت تحرى بالشوي ويمكن حتى تدور واسطة لمتاع الوكالة لأننا كيف ما قتلك احني الشغب الليبي المسين حتى حقوقنا ما ناخدها الا بالواسطة
وربي يوفقكك

الاخ اللي تكلم على مستوى جامعة كونكورديا
هي صح مش من الاوائل في كندا والتصنيف اللي يحكي عليه صاحبك مثل الجودة عندنا في ليبيا عني حتى فيه حديقة والا لا
يدخل في ترتيب الجامعة
وهي ترتيبه على مستوى العالم 373
http://www.webometrics.info/en/Americas/North_America?page=1
وأكيدة فيه جامعات أحسن لكن للأسف طريقة التعليم اللي تلقيناه في ليبيا مش من الساهل أنه كل شخص يقدر يمشي بيه في أي جامعة
والا كنا كلنا مشينا لجامعة ميشيغن مثلا
وأول عائق هو اللغة
فالاحسن تجي بروحك وتختار اللي يناسبك وحسب قدراتك
وبالتوفيق للجميع