اخر مستجدات السفارة الكندية ...

tunis.immigration@international.gc.ca
آسفة علي التأخير نصيحة أبعث الإيميل فأوقات العمل الرسمي وأبعتها أكتر من مره لين يبعتولك رسالة الكونفيرماشن و هي رسالة التأكيد بأن رسالتك وصلت لأني أنا أكتر من مره نبعت علي نفس الإيميل. يردو عليا بفيلير و هي فشل أستقبال الرسالة فكنت نتوقع الايميل لعندي غلط بس بعد أكتر من 10 رسالات ردو وربي موفق الجميع فيما يرضاه

السلام عليكم
كل الايميلات اللي بعثهن عطاني كونفرميشن بس دون رد يذكر
عموما بارك الله فيك
وجزاك الله خير

خيركم مكسدين مافيش اخبار حلوة

الف مبروك لكل من حصل التاشيرة ...وعقبالنا اللي مازلنا نستنوا في رحمة ربي

amro_mat كتب:

خيركم مكسدين مافيش اخبار حلوة

السلام عليكم اخي
للاسف السبت والاحد عطله في السفاره الكنديه في تونس والجمعه يشتغلوا نصف يوم لعند ساعه واحدوتقريبا عمل داخلي
يعني من الاثنين الي يوم الخميس ان شاء تسمع اخبار طيبه
وان شاء نستلموا كلنا رسائل التوجه الي طرابلس

معلومة اكيدة ...اليوم هناك كم لاباس به من التاشيرات جاهزة في السفارة الكندية بطرابلس..للاسف لم اتاكد من وجود اسمي؟ وانشالله غدا ماشي للسفارة بادن الله تعالي...

ابوالحسن كتب:

معلومة اكيدة ...اليوم هناك كم لاباس به من التاشيرات جاهزة في السفارة الكندية بطرابلس..للاسف لم اتاكد من وجود اسمي؟ وانشالله غدا ماشي للسفارة بادن الله تعالي...

هل يعنى هذا انه ممكن توصل التأشيرة لطرابلس ومافيش قبلها ايميل من تونس؟؟؟؟؟؟؟؟

والله هدا الي محيرني يا اختي...هدا الي وصلني ومعلومة اكيدة بادن الله ؟

ابوالحسن كتب:

والله هدا الي محيرني يا اختي...هدا الي وصلني ومعلومة اكيدة بادن الله ؟

زعما شن رأيك يأخ ابوالحسن نصبر شوية ونستنا الايميل من تونس ولا نشوف حتى انى السفارة غدوة.والله شى ايحير اعتقد عمرها ماصارت..ولكن ممكن من الزحمة دارو هكي

والله يا اختي اني ماشي بادن الله غدوة الصبح الساعة 10؟؟معاش نقدر نستنه.. لو تبي تمشي غدوة باش نتكلموا علي نفس الموضوع مع بعض.. وبالنسبة للمعلومة انه في زحمة عليهم بالنسبة للتاشيرة.

عندى محاضرة فى الجامعة في نفس التوقيت نحاول انجى بعدها بإذن الله

يارب ان شاء الله يسهل امور الجميع

لو قدرتي توفقي جيبي معاك جواز سفرك...والله الموفق انشالله

السلام عليكم
اليوم السفارة الكندية في تونس عطلة ولهدا السبب مابعتوش ايميلات.

أخي أبو الحسن
انا بكرة بإذن الله معاك في السفارة
الساعة 10 صباحا
لا رجوع إلى الامام
تأشيرة .. تأشيرة .. تأشيرة

ان شاء الله بالتوقيق
قلوبنا جميعا معكم وعيوننا تترقب الفرج العاجل ان شاء الله
ان شاء الله

نوري نوري نوري كتب:

السلام عليكم
اليوم السفارة الكندية في تونس عطلة ولهدا السبب مابعتوش ايميلات.

هل الخبر اكيد ؟؟؟وهل العطلة ليوم واحد فقط ؟؟

علاش عطله سادهم يوم السبت والاحد عطله ونص الجمعه
في موقعهم علي النت هم يشتغلو من الاثنين الي الخميس واغلب رسائل التأشيرات يومين الاربعاء والخميس واحيانا الثلاتاء
كان شي عطله بسبب مناسبه وطنيه لتونس او كندا؟؟؟

بالنسبة لأميل من السفارة التونسية انا وصلني يوم الجمعه 5 مساء العشيه
والله ولي التوفيق

للأسف لم اتمكن من الذهاب ولكن قمت بالاتصال بالسفارة في ليبيا وبعد عدة محاولات ردو عليا وقاللولى لازم يوصلك ايميل من تونس اى مافيش تأشيرة من غير ايميل.
في انتظار الاخ ابو الحسن ليخبرنا شن صار معاه؟؟؟؟

انى اليوم كنت فى السفارة قالتلى مارغريت نفس كلامك ياام احمد استنى الاميل

للاسف لم اجد اسمي من ضمن الاسماء الصادرة بحقهم التاشيرة...فطلبوا رقم الابلكيشن الي بعتوهولي عند اجراء الكشف الطبي لي ولاسرتي...وقالولي حنتصلوا بيك خليتلهم ايميلي ورقم تليفوني؟هدا الي صار معاي اليوم بالضبط لغاية الساعة1...

السلام عليكم كيف سار فيك اخي ابو حسن ؟؟؟
اختي ام احمد امتا اتصلتي ؟؟؟ الساعة ؟؟ وهل اتصلتي بي د. سراج او بي موظفه الاستقبال
ارجوا الرد الان ضروري اي قبل نهاية الدوام

laina كتب:

السلام عليكم كيف سار فيك اخي ابو حسن ؟؟؟
اختي ام احمد امتا اتصلتي ؟؟؟ الساعة ؟؟ وهل اتصلتي بي د. سراج او بي موظفه الاستقبال
ارجوا الرد الان ضروري اي قبل نهاية الدوام

اتصلت الساعة 12:30 تقريباً بموظفة الاستقبال. انى عادة انكلم في مارغريت والداخلى امتعاها ماحصلتاش

تعميم هام...جاني اتصال الان قبل دقيقة من السفارة. (مدام مرغريت)..
وطلبت مني ابلاغ الطلبة الي ((قبولاتهم تحتاج تجديد)) احضار قبول جديد يعني موعد جديد نفس القبول الاول وضرورة احضاره للسفارة بطرابلس مع كتابة رقم الابلكشن. علي ورقة القبول.
والله الموفق