اخر مستجدات السفارة الكندية ...

ان شاء الله خير قدر الله وما شاء فعل اسفه توا بس انتبهت لرسالتك اخي ابو حسن
كل تأخيره فيها الخيره ان شاء الله

لو سمحت اخى ابو الحسن القبول الجديد معادش عرفت فى اما شهر بنديروه لان حتا لو طلعت التاشيرة مش عارفة قداش بياخد التفويض باش يطلع و الله معاد عرفت فى اما شهر ؟؟؟



ربى يفتحها قدامنا (ساعة الفرج تاتى و العبد ما يدرى)

بالنسبة ليا بنغيره في شهر 09 بادن الله تعالي...وبالنسبة للتفويض المالي ياخد من 20 يوم لشهر.

بعد ماشفت رد الاخ ابو الحسن على طول كلمت مارغريت.
طبعاً بالنسبة لاسمي شافاته وماوصلتش تأشيرتى ولكن طلبت منى نبعثلها القبول الجديد وقاللتلى نفس الكلام اللى قاله الاخ ابو الحسن بارك الله فيه انى انقول لكل الطلبة يجيبو تجديد جديد ويجو يستلمو تأشيرتهم.
دعواتكم لنا بوصول التأشيرة قريباً

سيدرا طارق كتب:

لو سمحت اخى ابو الحسن القبول الجديد معادش عرفت فى اما شهر بنديروه لان حتا لو طلعت التاشيرة مش عارفة قداش بياخد التفويض باش يطلع و الله معاد عرفت فى اما شهر ؟؟؟



ربى يفتحها قدامنا (ساعة الفرج تاتى و العبد ما يدرى)

الاخت سيدرا رديت عليك في الايميل وانى قبولي في شهر 9.

الحمدلله تاكدت من كلامي...اسال الله ان يوفق الجميع..
فيه مشكلة تانية واجهتني انشالله خير بس؟ موضوع تجديد القبول الخاص بي اكتر من مسج بعته للمعهد الي خديت منه القبول ومافيش رد الي الان....مالعمل برايكم بالله عليكم.

سيدرا طارق كتب:

لو سمحت اخى ابو الحسن القبول الجديد معادش عرفت فى اما شهر بنديروه لان حتا لو طلعت التاشيرة مش عارفة قداش بياخد التفويض باش يطلع و الله معاد عرفت فى اما شهر ؟؟؟



ربى يفتحها قدامنا (ساعة الفرج تاتى و العبد ما يدرى)

بالنسبة لي انا قبولي انتهت صلاحيته منذ اسبوع واليوم بنبعث للمعهد للتجديد ونحاول نجدد لنهاية شهر 7 اوبداية شهر 8 والمعهد المسجل فيه عنده مواعيد مرنة مع ان كورس فصل الخريف يبدأ في 9

اختي ام احمد اتصلي بالرقم الداخلي 3402 انا من اول قالولي نفس الكلام لازم رساله من السفاره في تونس وان تاشيرتي جاهزه بس هذا الكلام كان الساعه 12 و وحكيت له ان تونس اتصلوا بيا يوم الاربعاء الماضي علي اساس انهم يبعثولي رسالة التوجه لي طرابلس خلال يومين بس الي الان ما فيش رد قالي د. سراج لازم انراسل السفاره في تونس و اسئل عن التاخير وانقول ان التاشيره في طرابلس جاهزه بس نستنا في الرساله التوجه الي طرابلس المهم وبأختصار الساعه 2 هم اتصلوا (د. سراج بارك الله فيه) قريب 3 مرات النقال كان بعيد عني ورديت بعد رابع مكالمه وقال تعالي استلمي التاشيره في اي وقت ومافيش داعي تستني رسالة تونس
هذا الي سار معيا
وانشاء عقبال جميع المنتظرين

معقولة ....مافيش رد علب سؤالي؟؟؟؟؟؟؟؟؟؟

إخوتي ربي يكون في عونكم إن شاء الله ربي يسهللكم الامور, أخي أبو الحسن ننصحك كلمهم بالتليفون
أو إمشي لمكتب IDP في الدور الارضي برج طرابلس الاستاذ وجيه وإسأله مرات يتعامل مع هذه المدرسة اللي جبت منها
قبولك يكلمهملك هو خير, والله الموفق.
أختي سيدرا ديري قبولك شهر 9 أني رأي لان التفويض وعوالته تبي متع 3 شهور.
إخوتي جميعا جددوا قبولاتكم حتى من غير مايقولولكم أني هكي درت جددت قبولي وبعته على سفارة
كندا في طرابلس وبعد 10 أيام جتني التأشيرة.
والله مقدرة شعوركم كلكم وربي يعاونكم وتحصلوا التأشيرة قبل نهاية الاسبوع لاني لاحظت إنهم
دائما يبعتوا في التأشيرات نهاية الاسبوع.
آسفة على الإطالة وفقكم الله

نبي رقم السفارة في تونس لو تكرمتوا

مبروك أختي لينا والله فرحتلك

اخي ابو حسن ابعثلهم اليوم لان السبت والاحد عطله عندهم تقريبا حتي الاثنين وحتي انا بعثت لهم من يوم الجمعه عشن انجدد قبولي امتع المكتب الي نتعامل معه في كندا قال انهم في عطلة نهاية الاسبوع الي الان ما فيش رد

الله يبارك فيكي اختي الكريمه

ربى يكون فى عون كل الموفدين يصراحة هدك مابعده هدك

أخي ناصر هذا رقم السفارة في تونس 0021671268080 إتبع التعليمات وكلم البدالة قوللهم نبي قسم التأشيرات

هذا الرقم الي اتصلوا بيه عليا يوم الاربعاء
0021671268080 بس مفروض ايكون في رقم داخلي والله ما نعرفه

مبروووووك التاشيرة اختي لينا.......

زعمك الواحد كان جاب قبول جديد يعطوه التأشيرة على طول
والله يستنى الدور

قبل قليل استلمت هذه الرسالة من السفارة الكندية في تونس



Dear applicant,

To finalize your file, we kindly ask you to provide us with a new acceptance letter.

Thank you for your cooperation.

Regards,
Visa section

الله يبارك فيك اخي ابو حسن وان شاء الله عقبالك وعقبال كل المنتظرين

اخي عمرو هذا يعني سقد روحك اتجيب التجديد تستلم التاشيره
وان شاء الله الف مبروك مقدما

[صديقتي العزيزة لينا الف مبرووووووووووووووووووووووووووووووووووووووووووووووووووووووووووك التاشيرة واسال الله العلي القدير ان يتحصل جميع الطلبة على التاشيرة في هذا الاسبوع فانه ولي ذالك والقادر عليهcenter]

amro_mat كتب:

قبل قليل استلمت هذه الرسالة من السفارة الكندية في تونس



Dear applicant,

To finalize your file, we kindly ask you to provide us with a new acceptance letter.

Thank you for your cooperation.

Regards,
Visa section

الف مبروك مقدما يا ريت تقوللنا يوم التقديم للفيزا امتا كان؟ و العبة لينا اللى نستنو على احر من الجمر

الله يبارك فيكي والله في بالي كان صبرتي شويه اتصلت بيكي وخبرتك وان شاء الله عقبالك وعقبال الجمبع والله ذهبولنا شيرتنا هرمنا من اجل هذه اللحظه التاريخيه

بس مازال فرحتي مش حا تكتمل الا لما كل المنتظرين يستلموا او علي الاقل يبلغلوا بان تاشيراتهم جاهزه لان كلنا ذقنا مرار الانتظار وان شاء ربي يفرج علي الجميع