جامعة Unimap بمدينة بيرليس

السلام عليكم
انا طالب موفد لدراسة الماجستير وتخصصي هندسة كهربائية والكترونية شعبة القوى الكهربائية ونبي نستفسر عن جامعة Unimap لان ممكن انكمل فيها فياريت لو حد عنده عليها معلومة او يقرا فيها ايقدمنا نصيحة

وعليكم السلام يا خوي
جامعة برليس فيها التخصص امتاعك واعتقد انهم يقرو في 6 مواد ونظامهم فصل مغلق يعني هما اينزلولك المواد الفصل الاول 5 مواد اعتقد والثاني مادة وبحث
و الدراسة فيها سنة تكمل لو سخر ربي وعندهم دور ثاني لقدر الله وما صفيت في اي مادة والدور الثاني على الامتحان النهائي بس يعني اعمال الفصل نفسها
وما يطلبو في الايلس في القبول يعني لو ما عندك الايلس يقولولك دير امتحان لغة معانا والامتحان مرة وحدة في السنة وهو امتحان ساهل واتديره بعد ما اتكمل قرايتك عادة شهر 11
واي معلومات اضافية تلقاها في موقعهم هذا
http://cgs.unimap.edu.my/postgraduate-regulations/
وان شاء الله تلقى اللي يفيدك في الملف الاول
General Information for Postgraduate Degree Programmes

والسلام عليكم

بارك الله فيك ياخي