السلام عليكم اخوتي الكرام وحياكم الله جميعاً اين ماكنتم
اليوم اكتب هذا الموضوع ونا لي حوال ي16 يوم في ماليزيا قدمت علي فيزا من السفاره الماليزيا بطرابلس انا والعائله واخذت مده اسبوع بعد ان تحصلت علي الابروفل او الموافقه من الكليه التي نويت الدراسه فيها وبعثولي الموافقه بعد 3 اسابيع من التقديم
توكلت علي الله وكلمت وكاله الباروني بخصوص التذاكر وحجزولي علي الخطوط الاردنيه من طرابلس وعرضت عل الموضوع لاني من سكان بنغازي واريد السفر من مدينتي . وراجعت مكتب الخطوط الاردنيه الملكيه في بنغازي وشريت منهم تذاكر العوده بحيث يكون تاريخ الرجوع قبل مده انتهاء الشهرين الي تحصلت عليهن من السفاره الماليزيا وكان قيمه الفرق تقريباُ 650 للكبار و450 للصغار ولكن انا مخذيتش تذكره عوده لاني عندي الابروفل او الموافقه من اداره الهجره الماليزيا للدراسه .
المهم بعدما توكلت علي الله وحجزت سافرنا وكان الترنزيت في عمان الاردن لمده يومين واستقبلونا في فندق 5نجوم كويس واستغرقت الرحله من بنغازي لعمان حوالي 3ساعات ونص وبعد ذلك انطلاقنا من عمان الى كولالمبور مروراً بمطار ببانكوك ترنزيت لمده ساعه ثم الى مطار كولالمبور واستغرقت الرحله 11 ساعه المهم كانت الطائره من عمان لكولمبور مليانه وكبيره وفيها من الجنسيات الاسيويه الكثير الكثير وكنا نحنا العائله الليبيه الوحيده في الطائره ومن وجه نظري الخطوط الاردنيه خدماتهم مقبوله وليست جيده من ناحيه الطعام فالطعام الاردني مش حلو ولم يعجبنا لافي الفندق ولا في الطائره وكذلك بعض الاخوه في مطار الاردن كانوا ايقولوا في عبارات تهكم واستهزاء علي الوضع في ليبيا . " المهم ياخذوا سونا جيران اليهود" مع احترامي للشرفاء منهم والمحترمين" ياخواتي لمسافرات لماليزيا عن طريق الاردن لازم الشنطه متكونش مليانه بكل ومنتفخه لانهم يفتحو الشنطه ويطلبوا منك التخفيف منها ولازم وزنها ميزيدش عن 30 كيلو .
المهم وصلنا لماليزيا الساعه 7 في المغرب وكان الدخول سهل ونا لااسف موريتهمش البروفل " الموافقه من الهجره الماليزيا رغم ان المندوب ليبي وبعثلي النسخه الاصليه بيش نخل بيها ونوريها للجوزات في المطار لكن فيه اخوه في ماليزيا نصحوني اني منوريش لبروفل في المطار بيش ميتعبونش في انتظار المندوب من الكليه بيش ايدخلنا لماليزيا وفعلاً صبيت عالبنت امتاع الجوزات ودرت روحي عبيطه منفهمش انجليزي وريتها جوزاتنا انا والعيال وزوجي ومديت تذاكر العوده امتاعهم لكن انا معندش تذكره عوده مسكينه متكلمتش وختمونا شهرين في الجوزات " المهم توكلنا علي الله وعدينا بدلنا فلوسنا في المطار بالعمله الماليزا الرنجت وافطنوا في المطار كان الدولار مقابل 2.83 رنجت يعني فيها استغلال شويه وشرينا شفرات تلفون انا وزوجي وكلمنا المندوب بعد عرف اني موريتش لبروفل زعل وعيط وقالي عليش بعثتلك النسخه الاصليه المهم جاء مندوب الكليه بعد وصولي بحوالي ساعه ونص ونا مازلت في المطار وخش عالجوزات وقاللهم ارتبكت ومعرفتش تحكي انجليزي المهم فيه شخص ليبي داير شركه خدمات كلمناه وحجزنا في فندق في منطقه الامبانق ب 65 $ ليله من الساعه 12 ليلا الى 12 صباحا ولوكان تبي اتجدد الساعه ب 10 رنجت المهم الفندق كويس لكن متريحتش لان معي اطفال فكلمنا معارفنا الي عرضوا علينا المساعده ومقصروش معانا وحصلنا سكن مؤقت لمده 20 يوم الى ان انتحصلوا علي شقه قريبه من مكان المدرسه وكذلك قريبه من مكان كليتي لانه بعيده عليا ولما مشيت درت امتحان تحديد المستوى وحاولت نبداء لكن التكسيات عندهم غاليات بكل ولازم نركب في القطار بعد التكسي بيش نوصل تعبت وصارلي احباط انا وزوجي لانه لازم ايكون معايا وقعدنا مشغولين علي اطفالنا رغم ان المنطقه امنه والامن موجود لكن مهما كان متريحتش اجلت الدراسه لعند شهر 6 علي امل انحصل مكان شقه قريبه ونقدر نوصل للكليه بسهوله المهم الكشف الطبي ايعاودوه لكم من جديد في مكان الدراسه رغم اني وريتهم الكشف الطبي والتحاليل والصور الي درتهن في ليبيا لكن معتدوش بيهن وطلبو ايعادتهن من جديد. شالونا انا والطلبه الجدد الى مستشفي ودارولنا الكشوفات والتحاليل وخذت حوال 3 ساعات وكملنا
المهم انجو لاجراءات فتح ملف في المكتب الشؤون الطلبيه كانوا متعاونين وخدومين ولازم كل واحد ايكون معاه شهاده التخرج وكشف الدرجات وتعريف طالب واذن الصرف وصور جوازات السفر وصور شخصيه لكل افراد العائله خلو عندكم صور شخصيه واتيه وصوروا الاوراق لانهم ياخذوا صور ميخذوش الاصل
المهم الكليه خذت جواز السفر امتاعي عليشان الفيزا وفتح حساب بنكي لازم من وجوج جواز السفر اي واحد فيكم لازم ايقول لمكان الدراسه خلولي الجواز نفتح بيه حساب وبعدين نعطيه لكم .
مكتب شؤون الطلبه يعطيكم رسله للمصرف لفتح الحساب راهوا المصرف يطلب في رساله قرنتي لتر " رساله التفويض المالي من السفاره للمعهد الي بتدرس فيه " لازم لما اتعدوا تفتحوا حساب ايكون امعاكم جواز السفر ورساله مكتب الشؤون الطلبيه وراله القرنتي التفويض "
المهم انجو للمعيشه والحاجات الي ياريت اتجيبوهن امعاكم من ليبيا لان والله والله والله الخير والمحبه والتعاون الي في لييبا اول شئ تفقده لما تخرج من ليبيا هي خيرات ليبيا والغريب ايعيش فيها بسهوله .
المهم ياخواتي الموفدات جيبن امعاكن ملابس لااطفالكن بزياده ملابس صيفيه و قبلات وسبابيط لانها مهمه وجوهم كثير الامطار وحامي ورطب لكنه يمشي مش ملل ومعندهمش عجاجات وجوهم نظيف وبلادهم حلوه وركزن علي ملابس النساء فهي غير متوفره مثل الجلابيب والعبايات والمحارم الكبار الي يعني جيبن الملابس العمليه والشناطي والاحذيه عادي جيبن امعاكن لان ملابسهم غاليه مقارنه بينا نحنا في ليبيا ياخواتي الموفدات وزوجات الموفدين جيبن طنجره وكسكاس وطناجر عاديات لان عنهم الطنجره ثمنها ميقلش عن 30$ وجيبن فناجين قهوه وصفاي وساقم " مغرف طعام وملاعق وسكين ومفرش اكل وفوط " انسولات ووجوه امخاد "عليشان تستعمليهن اول الايام لعند اتمشي امورك وتعرفي السوق الي ايحب القهوه العربيه ايجيب والشاهي الحمر امتاع الزهرات القوي السمح وحرارات ليبيا والاعشاب العطريه لوكان اتحبي جيبي امعاك البردقوش وتفاح الشاهي " التيه " وجيبن امعاكن شويه ادويه لاسامح الله مرات يمرضوا العيال كيف مصار معايا بسبب تغيير الجو" دواء حراره ودواء دوار الجوا تخذيه قبل الركوب في الطائره بساعه ودواء كحه وبندول ومضاد حيوي " ومقياس حراره لااطفال المهم ركزن وبالورقه والقلم بيش اترتبن للسفر ومتنسنش شئ وتقولن ياريتنا جبنا معانا المهم انتمنى اني انكون وفيت معاكم وارجو من مر عل الموضوع يدعيلي ان ربي ايسر امري ونحصل سكن مريح لي ولااطفالي لانا بصراحه مازلنا حاسين بالغربه ولكن متوكلين علي الله ربي اسهل امركم وتوصلوا بالسلامه جميعاً
اليوم اكتب هذا الموضوع ونا لي حوال ي16 يوم في ماليزيا قدمت علي فيزا من السفاره الماليزيا بطرابلس انا والعائله واخذت مده اسبوع بعد ان تحصلت علي الابروفل او الموافقه من الكليه التي نويت الدراسه فيها وبعثولي الموافقه بعد 3 اسابيع من التقديم
توكلت علي الله وكلمت وكاله الباروني بخصوص التذاكر وحجزولي علي الخطوط الاردنيه من طرابلس وعرضت عل الموضوع لاني من سكان بنغازي واريد السفر من مدينتي . وراجعت مكتب الخطوط الاردنيه الملكيه في بنغازي وشريت منهم تذاكر العوده بحيث يكون تاريخ الرجوع قبل مده انتهاء الشهرين الي تحصلت عليهن من السفاره الماليزيا وكان قيمه الفرق تقريباُ 650 للكبار و450 للصغار ولكن انا مخذيتش تذكره عوده لاني عندي الابروفل او الموافقه من اداره الهجره الماليزيا للدراسه .
المهم بعدما توكلت علي الله وحجزت سافرنا وكان الترنزيت في عمان الاردن لمده يومين واستقبلونا في فندق 5نجوم كويس واستغرقت الرحله من بنغازي لعمان حوالي 3ساعات ونص وبعد ذلك انطلاقنا من عمان الى كولالمبور مروراً بمطار ببانكوك ترنزيت لمده ساعه ثم الى مطار كولالمبور واستغرقت الرحله 11 ساعه المهم كانت الطائره من عمان لكولمبور مليانه وكبيره وفيها من الجنسيات الاسيويه الكثير الكثير وكنا نحنا العائله الليبيه الوحيده في الطائره ومن وجه نظري الخطوط الاردنيه خدماتهم مقبوله وليست جيده من ناحيه الطعام فالطعام الاردني مش حلو ولم يعجبنا لافي الفندق ولا في الطائره وكذلك بعض الاخوه في مطار الاردن كانوا ايقولوا في عبارات تهكم واستهزاء علي الوضع في ليبيا . " المهم ياخذوا سونا جيران اليهود" مع احترامي للشرفاء منهم والمحترمين" ياخواتي لمسافرات لماليزيا عن طريق الاردن لازم الشنطه متكونش مليانه بكل ومنتفخه لانهم يفتحو الشنطه ويطلبوا منك التخفيف منها ولازم وزنها ميزيدش عن 30 كيلو .
المهم وصلنا لماليزيا الساعه 7 في المغرب وكان الدخول سهل ونا لااسف موريتهمش البروفل " الموافقه من الهجره الماليزيا رغم ان المندوب ليبي وبعثلي النسخه الاصليه بيش نخل بيها ونوريها للجوزات في المطار لكن فيه اخوه في ماليزيا نصحوني اني منوريش لبروفل في المطار بيش ميتعبونش في انتظار المندوب من الكليه بيش ايدخلنا لماليزيا وفعلاً صبيت عالبنت امتاع الجوزات ودرت روحي عبيطه منفهمش انجليزي وريتها جوزاتنا انا والعيال وزوجي ومديت تذاكر العوده امتاعهم لكن انا معندش تذكره عوده مسكينه متكلمتش وختمونا شهرين في الجوزات " المهم توكلنا علي الله وعدينا بدلنا فلوسنا في المطار بالعمله الماليزا الرنجت وافطنوا في المطار كان الدولار مقابل 2.83 رنجت يعني فيها استغلال شويه وشرينا شفرات تلفون انا وزوجي وكلمنا المندوب بعد عرف اني موريتش لبروفل زعل وعيط وقالي عليش بعثتلك النسخه الاصليه المهم جاء مندوب الكليه بعد وصولي بحوالي ساعه ونص ونا مازلت في المطار وخش عالجوزات وقاللهم ارتبكت ومعرفتش تحكي انجليزي المهم فيه شخص ليبي داير شركه خدمات كلمناه وحجزنا في فندق في منطقه الامبانق ب 65 $ ليله من الساعه 12 ليلا الى 12 صباحا ولوكان تبي اتجدد الساعه ب 10 رنجت المهم الفندق كويس لكن متريحتش لان معي اطفال فكلمنا معارفنا الي عرضوا علينا المساعده ومقصروش معانا وحصلنا سكن مؤقت لمده 20 يوم الى ان انتحصلوا علي شقه قريبه من مكان المدرسه وكذلك قريبه من مكان كليتي لانه بعيده عليا ولما مشيت درت امتحان تحديد المستوى وحاولت نبداء لكن التكسيات عندهم غاليات بكل ولازم نركب في القطار بعد التكسي بيش نوصل تعبت وصارلي احباط انا وزوجي لانه لازم ايكون معايا وقعدنا مشغولين علي اطفالنا رغم ان المنطقه امنه والامن موجود لكن مهما كان متريحتش اجلت الدراسه لعند شهر 6 علي امل انحصل مكان شقه قريبه ونقدر نوصل للكليه بسهوله المهم الكشف الطبي ايعاودوه لكم من جديد في مكان الدراسه رغم اني وريتهم الكشف الطبي والتحاليل والصور الي درتهن في ليبيا لكن معتدوش بيهن وطلبو ايعادتهن من جديد. شالونا انا والطلبه الجدد الى مستشفي ودارولنا الكشوفات والتحاليل وخذت حوال 3 ساعات وكملنا
المهم انجو لاجراءات فتح ملف في المكتب الشؤون الطلبيه كانوا متعاونين وخدومين ولازم كل واحد ايكون معاه شهاده التخرج وكشف الدرجات وتعريف طالب واذن الصرف وصور جوازات السفر وصور شخصيه لكل افراد العائله خلو عندكم صور شخصيه واتيه وصوروا الاوراق لانهم ياخذوا صور ميخذوش الاصل
المهم الكليه خذت جواز السفر امتاعي عليشان الفيزا وفتح حساب بنكي لازم من وجوج جواز السفر اي واحد فيكم لازم ايقول لمكان الدراسه خلولي الجواز نفتح بيه حساب وبعدين نعطيه لكم .
مكتب شؤون الطلبه يعطيكم رسله للمصرف لفتح الحساب راهوا المصرف يطلب في رساله قرنتي لتر " رساله التفويض المالي من السفاره للمعهد الي بتدرس فيه " لازم لما اتعدوا تفتحوا حساب ايكون امعاكم جواز السفر ورساله مكتب الشؤون الطلبيه وراله القرنتي التفويض "
المهم انجو للمعيشه والحاجات الي ياريت اتجيبوهن امعاكم من ليبيا لان والله والله والله الخير والمحبه والتعاون الي في لييبا اول شئ تفقده لما تخرج من ليبيا هي خيرات ليبيا والغريب ايعيش فيها بسهوله .
المهم ياخواتي الموفدات جيبن امعاكن ملابس لااطفالكن بزياده ملابس صيفيه و قبلات وسبابيط لانها مهمه وجوهم كثير الامطار وحامي ورطب لكنه يمشي مش ملل ومعندهمش عجاجات وجوهم نظيف وبلادهم حلوه وركزن علي ملابس النساء فهي غير متوفره مثل الجلابيب والعبايات والمحارم الكبار الي يعني جيبن الملابس العمليه والشناطي والاحذيه عادي جيبن امعاكن لان ملابسهم غاليه مقارنه بينا نحنا في ليبيا ياخواتي الموفدات وزوجات الموفدين جيبن طنجره وكسكاس وطناجر عاديات لان عنهم الطنجره ثمنها ميقلش عن 30$ وجيبن فناجين قهوه وصفاي وساقم " مغرف طعام وملاعق وسكين ومفرش اكل وفوط " انسولات ووجوه امخاد "عليشان تستعمليهن اول الايام لعند اتمشي امورك وتعرفي السوق الي ايحب القهوه العربيه ايجيب والشاهي الحمر امتاع الزهرات القوي السمح وحرارات ليبيا والاعشاب العطريه لوكان اتحبي جيبي امعاك البردقوش وتفاح الشاهي " التيه " وجيبن امعاكن شويه ادويه لاسامح الله مرات يمرضوا العيال كيف مصار معايا بسبب تغيير الجو" دواء حراره ودواء دوار الجوا تخذيه قبل الركوب في الطائره بساعه ودواء كحه وبندول ومضاد حيوي " ومقياس حراره لااطفال المهم ركزن وبالورقه والقلم بيش اترتبن للسفر ومتنسنش شئ وتقولن ياريتنا جبنا معانا المهم انتمنى اني انكون وفيت معاكم وارجو من مر عل الموضوع يدعيلي ان ربي ايسر امري ونحصل سكن مريح لي ولااطفالي لانا بصراحه مازلنا حاسين بالغربه ولكن متوكلين علي الله ربي اسهل امركم وتوصلوا بالسلامه جميعاً
