الحمد لله تحصلت علي موافقة الاميقريشين

تم قبولي يوم 27*-3 في احج معاهد اللغة في ماليزيا واليوم تاريخ 21-5 تحصلت علي الابروفيل

ألف مبرووووووووووووووووووووووووووك ـ وعقبالنا
ياريت عند التقديم للسفارة تقول ماهي الاوراق المطلوبة
شكرااااااااااااااااااااااااااا

الف الف مبروك ياخوي والله انا مسجل من 17 \3 والى الان مافيش شي ربي يوفقك ياريت اتقوللنا على خطواتك الجايه

السلام عليكم ورحمة الله
مبارك خوي مع اني مش عارف شن هو ال الابروفيل
ممكن اتفيدنا وتقول لنا شن هو الابروفيل

انتا لما اتقدم الاوراق امتاعك لمعهد او جامعة معينة ...المعهد يمشي يرفع الاوراق امتاعك الي مكان اسمه ادارة الجوازات والهجرة واسمه الانجليزي هو ...الاميقريشين...عشان الاميقريشين ايوافق علي منحك ورقة موافقة علي الدراسة في ماليزيا ياخد من اربعة الي ستة او سبعة اسابيع ...بعدها الاميقريشين يبعث ورقة اسمها الابروفيل للمعهد والمعهد يبعتهاليك بالفاكس وانتا تمشي تختمها في سفارة ماليزية في طرابلس وتركب الطيارة واتجي لير ماليزيا لما توصل للمطار اتقدم جوازك وورقة الابروفيل للموظف وهووا ايلصقلك التاشيرة في الجواز

ممكن نعرف شني هيا الأوراق اللي تقدمها للمعهد بالزبط

Ibn alakkari كتب:

انتا لما اتقدم الاوراق امتاعك لمعهد او جامعة معينة ...المعهد يمشي يرفع الاوراق امتاعك الي مكان اسمه ادارة الجوازات والهجرة واسمه الانجليزي هو ...الاميقريشين...عشان الاميقريشين ايوافق علي منحك ورقة موافقة علي الدراسة في ماليزيا ياخد من اربعة الي ستة او سبعة اسابيع ...بعدها الاميقريشين يبعث ورقة اسمها الابروفيل للمعهد والمعهد يبعتهاليك بالفاكس وانتا تمشي تختمها في سفارة ماليزية في طرابلس وتركب الطيارة واتجي لير ماليزيا لما توصل للمطار اتقدم جوازك وورقة الابروفيل للموظف وهووا ايلصقلك التاشيرة في الجواز

بارك الله فيك خونا على المعلومات
اسأل الله ان يجعلها في ميزان حسناتك

نجيب سالم كتب:

ممكن نعرف شني هيا الأوراق اللي تقدمها للمعهد بالزبط

حسب المعهدامتاع اللغة ايللي اني نقرا فيه مطلوب الاتي اتدير ملف بي دي اف اتحط فيه صورة شخصية اسكانر طبعا خلفية زرقا واتحط في نفس الملف صور اسكانر لجواز السفر من الجلدة للجلدة حتي الجلدات الخضر صورهم اسكانر وحطهم في الملف وبعدها في نفس الملف اتحط صورة اسكانر لشهادتك التانوية او الجامعية بعد ترجمتها وختمها بختم الجودة والخبرة القضائية وختم الخارجية

اي حد يبي سؤال يتفضل في اي وقت اني ممكن نمشي لي ماليزيا بعد تمانية ايام ان شاء الله

ماهي الاوراق اللي قدمتها الى السفارة؟
شكراااا

بارك الله فيك خوي. بس أنا عندي قبول للدكتوراة من جامعة ملايا. فهل نقدر ناخد تاشيرة الطالب من السفارة الماليزية من طرابلس و الا لازم نمشي غادي.
وفي هده الحالة, هل نفس الأوراق المطلوبة لقبول اللغة؟