اخيرا وصلت بحمد الله الي اوتاوا

السلام عليكم
الحمد لله وصلت الي اوتاوا بالامس وانا مستعد للاجابة علي اي استفسار للاخوة القادمين الجدد....

رحاء اخي الكريم لدى اكتر من استفسار اوﻻ الخطوط اللي جيت عليها وتانيا تكاليف التداكر و بالنسبه للتفويض كم المده اللى خداها من يوم قدمته الى ان صدرت التداكر

اخي حمدلله عالسلامة بنسالك انت في اي تفويض وهل تاكدت من بعت اسمك تانيا شن هي الاوراق اللي طلبوها منك في المطار اولا والمكتب الكندي ثانيا

الحمد لله على السلامة
وإن شـاء الله ربي يسخرلك الامور

السلام عليكم
الحمد لله علي السلامة ,انا شاء الله حالك وحال اسرتك بخير وعافية نتمي ليك التوفيق
سلام ليك من ارض الوطن

السلام عليكم
الف الحمد لله ع السلامة
واقامة مريحة وبالتوفيق يا رب

و عليك السلام...أخى الكريم الحمد لله على السلامة و ربى يحفظك و لو سمحت أن أستفسر منك على

الرحلة لانى فى طريقى الى أوتاوا ان  شاء الله وهل أتصلت بالمكتب الكندى قبل الوصول أو لا  و كذلك على

المستندات المطلوبة من المكتب الكندى عند الوصول لكندا و شكرا .

الخطوط الانجليزية وخدماتها ممتازة والافضل ان  تدفع الفرق وتاخد بيزنس لانها شاملة  اقامة الفندق والفرق هو 850 لشخصين وطقل رضيع وهناك من دفع اقل.... والتفويض ماياخدش وقت ممكن شهر..الاهم ان تتاكد ان الاموال تم تحويلها من الخزينة الي المكتب الكندي...

basmalibya.. انا تفويض 2 واسمي تاكدت منه انه موجود....في المطار يطلبوا في القبول والجوازات اكيد..في ال سي بي اي ايي بطلبوا في برقية التعليم والقبول وحساب المصرف وبعض ...الحساب يفتحوه في ربع ساعة..

اختي أم منتهى... انصحك بالخطوط الانجليزية ودرجة البزنس

مشكور اخي الكريم ع الردود

شكرا أخى الكريم على النصيحة و الرد السريع .من فضلكم هل CBIE يطلب فى افادة التخرج و كشف الدرجات مترجم و معتمد من الجودة عند الوصول لكندا او لا.

الحمد لله على السلامة

حمدا لله على سلامتك
بالتوفيق

الحمد لله ع السلامة اخي محمد, و انا رحلتي الاسبوع القادم بإذن الله ع الخطوط الانجليزية  ونبي نسألك عن الطقس و الملابس الايام هذه ؟ وشن رفعت معاك من ليبيا؟ اني نوتي في الشناطي ومش عارفة شن نجيب معاي