إخوتي أرجو مساعدتي! !! هل في حد يعرف أشخاص يخدموا في السفارة الليبية في بريطانيا

مشكلتي إني في أيام الاحداث عملت تفويض في بريطانيا وذلك على أساس أنه لدي جواز أمريكي
مش محتاجة للتأشيرة وذهبت لتونس لاطلب تأشيرة لزوجي وإبني ولكن رفضوهم نتيجة لوضع البلاد
في ذلك الوقت. فغيرت البعثة على كندا شهر يناير اللي فات وبالفعل تحصلت على التأشيرة
والان رافضين يفوضولي في البعثاث قالولي لازم نبعتوا برقية إستفسار للسفارة في بريطانيا
هل صرفتي أو لا, وطبعا أني مامشيتش أصلا وطبعا تعرفوا هادي الاجراءات تاخد وقت فنصحوني لو نعرف
شخص يخدم غادي نكلمه ويشوف الموضوع فقط لتسريع الموضوع. وجزاكم الله خير

لونا انى نفس وضعك والحمد الله تحصلت على البرقية انى لم افتح ملف ولم يصرف عليا وقعدت شهرين من شهر 12 الى 2 ولكن كلمت السفارة وفصلت عليهم  وقلتلهم انتم عارفين الاتصالات  وغلائها  وانتم مش متعاونين ولكن فى شخص ااالله يبارك فيه قالى موضوعك يلاى  وتم الموضوع خلال 2 يومين نصيحة بكى اتصلى بالسفارة  وسوف احاولى ابعثللك على الخاص رقمه الخاص ايميلى

قصدى رقم هذا الشخص واميله

والله ياأخت ميار إتصلت بالسفارة كثيرا ومافيش رد وقالولي تاليفونهم عاطل وأني مامشيتش أصلا لبريطانيا لكن مابوش ينزلولي إسمي في التفويض وموقفين ملفي بالله عليك أعطيني إسمه وتليفونه هذا الشخص

اوكى بالتوفيق راسلت ليك على الخاص

يا ست لولي
لو تخشي علي منتدي جماعة بريطانيا ممكن تلقي من يفيدك اكثر كونهم. اغلبهم قاعدين غادي ايضا فيه صفحه علي الفيس تخص طلبة بريطانيا توا انحاول انشوف رابطها ونبعتهولك
وربي يساعدنا واياك.

شكرا يا أخي علي

اختى شنو مازال ماصار معاك شئ التليفون مقفل ولا شنو وزى ماقال الاخ شوفيه منتدى بريطانيا بالك فيه شخص يكون قريب من لندن يقدم خدمة لوجه الله ويمشئ حتى الى السفارة الناس الخيرة مازالت موجودة وطمنينى عليك

والله يا أخت ميار تليفونه مقفل فرج وبعتله إيميل ماردش عليا وربي يستر

ربى يسهل الصعاب