التأشيرة الكندية في 5 أيام بدون معلم

اتصلت بالسفارة وقالوا لي انه لا يمكن بأي حال من الأحوال منح التأشيرة في 45 يوم مع احترامي للأخ الكريم قالوا لي حتي تأشيرة الدبلوماسيين تستغرق شهرين علي اقل تقدير أي 60 يوم وليس 45 يوم ... والله المستعان

السلام عليكم
مافيش داعي للاساليب الصباينية في المنتدى هذا لانه يجمع بين شباب اكاديميين فحاولي ترتقي باسلوبك الى اسلوب افضل من هكي

والله انى لما طرحت الموضوع ماطلبتش من حد يصدقني مجرد نبي ان غيري يستفيد 
شن قالولك او شن بيقولولك هدا شئ مايخصنيش اللى نعرفه التأشيرة الملصقة على جوازي تشهد بصحة كلامي
واخيرا مافي حد طلب منك تصدقي وياريت لو ترتقي باسلوبك الى اسلوب بني ادميين

ماعليش أخي الكريم بارك الله فيك علي مجهوداتك و كتابتك لهذا الموضوع يدل علي أن معدنك أصيل وكريم كنت تقدر تحتفظ بالموضوع فقط لنفسك فلا تبالي القافلة تسير والـ ........ مش عارف شني ادير ........ مانبيش نذكر ألفاظ مايليقش المقام لذكرها أنت بموضوعك فتحت لنا ابواب الأمل ونورتنا زادك الله نورا ومعرفة و جعله في ميزان حسناتك ... وفقك الله أخي الكريم .

انا التمس الصدق في قولك اخي hm1897. والتمس انت عذرا لاختك في الله
شكري واحترامي لجهودك اخي.

الله يخليك اخي على الدين الديب واعتذاري لاني انفعلت شوية وبارك الله فيك على كلامك الطيب

تي غـــــر وســـــع بـــــالك 

شكرا بارك الله فيك خوي Mr.cold 
ان شاء الله حصل خير و ماكانش المفروض يصير هكي...علاش السلبية ؟؟؟ طول قبل لا تجرب الاخت مشت قالت ان السفارة قالو كذا وكذا؟ هي بس لو كانت قرت موضوعي كامل وبانتباه راه عرفت ان انا ذكرت ان الموظفين في السفارة تفاجأوا لما عرفوا ان حصلت على التأشيرة أونلاين.

في ناس هكي تحب السلبية والاحباط بدون سبب هكي وخلاص
ربي يشفي ان شاء الله
aimen الحمد لله اه البال توا واسع , ان شاء الله خير 

انا اصدق الاخ فى كلامه والدليل ان اللى فى السفاره ما لهمش علاقه بكندا ومش فاهمين شغلهم فيه تخبط واجد فى التقديم وعدم وضوح فى الاوراق المطلوبه  والدليل الورقه المرفقه لما اتجى تاخذ موعد تختلف تماما عن الاوراق الموضوعه فى الموقع وتختلف عن الاوراق اللى يطلبوا فيها يوم الموعد  يعنى سلاطه بالزيت   والله المستعان   وانا حابب اشكر صاحب المشاركه  ولو فيه امكانيه ونفسية ومش متوتر من تميل الاخت انه يشرح لنا طريقة فتح الحساب وانا شخصيا اود التقديم على اولان ولا مشاوير السفاره     والشكر  مسبوق  بدعاء بالصلاح والفلاح