الكشف الطبي

مالسلام عليكم 
اود الاستفسار عن المدة بعد تقديم التاشيرة كي تصلني نماذج الكشف الطبي وهل من المفترض ان ارسال السفارة بالخصوص اذا مرت علي تقديمي اكثر من خمسة اسابيع

وعليكم السلام 
اختي المدة تختلف من شخص لاخر قد تأتيك بعد4او5 اسابيع وقدتصل حتى ل9او10 اسابيع وهدا عن تجربة .
ونعم من المفترض ان تقومي بمراسلة السفارة بالخصوص وإن شـاء الله بالتوفيق    

السلام عليكم
ممكن توضحونا خطوات مراسلة السفاره في تونس ولكم جزيل الشكر

السلام عليكم طبعا بعد 6 اسابيع اذا لم تستلم نماذج الكشف الطبي ارسل ايميل للسفارة الكندية في طرابلس علي الايميل :
trpil.immigration@international.gc.ca

ويكون عنوان الايميل :

Inquire about the medical examination forms

يحتوي هذا الايميل علي معلوماتك وهي :الاسم بالانجليزي كما في جواز السفر : تاريخ المقابلة : رقم جواز السفر : تاريخ الميلاد
submit on :
Name : 
Passport number: 

Date of birth :

شكرا جزيلا

ياريت تبعتيلهم كان فاتو الشهر من موعد التقديم زي مانصحك الأخ قبلي,,,انا صار معايا نفس الشئ,,وبعدها بيومين من الإيميل بعتولي النماذج,,موفقة إن شاء الله

االسلام عليكم 
وصلني بالامس الكشف الطبي الخاص بي اما بالنسبة لاخي لم يصل والمشكله ان اخي رشح من جهة العمل للايفاد واختار كندا بحكم اختياري لها ولكن اجراءاته تعطلت حتي يعرف وضع التاشيرة التي قدمها معي 
بنعني هل سيتم رفضه فيعاود التقديم علي التاشيرة من جهة العمل لديه او يقبل فيكمل اجراءاته 
ماالحل هل ارسل لهم ام انتظر يومين او ثلات ممكن يبعثولي 
مع العلم ان الايميل نفسه اللي كتبته في الابيكشن

بالله يا ساندي امتي قدمت بالتحديد علي التاشيره وهل كان التقديم اونلاين والا باليد
وربي يوفقك انشالله

بالله يا ساندي امتي قدمت بالتحديد علي التاشيره وهل كان التقديم اونلاين والا باليد
وربي يوفقك انشالله

السلام عليكم اخي انا قًدمت علي التاشيرة باليد وليس اون لاين يوم 8-7-2013 والكشف الطبي الخاص بي وصل يوم 23-8-2013 ام لاخي فلم يصل حتي الان
اسال الله لك التوفيق

sande كتب:

السلام عليكم اخي انا قًدمت علي التاشيرة باليد وليس اون لاين يوم 8-7-2013 والكشف الطبي الخاص بي وصل يوم 23-8-2013 ام لاخي فلم يصل حتي الان
اسال الله لك التوفيق

بالله هل راسالتي السفارة في طرابلس او تونس؟

السلام عليكم اخي 
راسلت سفارة طرابلس كم مرة دون رد واخيرا راسلت التونسيه ولم تمضي ساعه حتي بعثا الرد وكان رفض اخي 
قدر الله ماشاء فعل

يا ساندي شكرا علي الرد وانشالله ربي يسندك في مشوارك... ومعليشي علي قدر ربي مافيش اعتراض... وياريت لو تساعديني اذا كانت لغتك كويسه تبعتيلي نص الرساله اللي بعتيها باش نبعتهالهم طبعا بعد التحوير في الاسم والارقام لاني توا ليا 4 اسابيع مقدملهم اونلاين ولا من يجيب.. وبارك الله فيك.

اخي الكريم اسال الله لك التوفيق 
وبصراحة الرساله اللي بعثتها كما اوضحها اخي moh
وهي كاالتالي 
عنوان الايميل يكون 
Inqure about the medical  examination forms 
ونص الرساله يكون 
Submit on والمفروض تكتب تاريخ التقديم 
Name 
اسمك كما في جواز السفر 
Passport number رقم جواز سفرك 
Date of birth   تاريخ الميلاد 
وطبعا ممكن تذكر انك قدمت عن طريق النت يعني بعد تاريخ التقديم تكتب online 
وان شاء الله انكون ساعدتك اخي

كفيتي ووفيتي ساندي.

sande كتب:

السلام عليكم اخي 
راسلت سفارة طرابلس كم مرة دون رد واخيرا راسلت التونسيه ولم تمضي ساعه حتي بعثا الرد وكان رفض اخي 
قدر الله ماشاء فعل

انا قدمت يوم 16-7 والي الان لم استلم شي هل تنصحني بارسال ايميلات لهم؟

ساندي بالله نبي ايميل السفاره في تونس لان الايميل اللي معروض لسفارة كندا في طرابلس لاني زي ما فهمت من حضرتك ان سفارتهم في تونس اهتمت بشكل اسرع

اخي osama
انا راسلتهم بعدما وصل الكشف الطبي الخاص بي ولم يصل الذي يخص اخي وكانت فترة وصول الكشف الطبي تقريبا بعد شهر واسبوعين واعتقد اني عندما راسلتهم كان اجراء اخي جاهز لذلك كان الرد سريع علي ايميلي وان اردت ان تجرب وتراسلهم فلا ضير في ذلك 
بالتوفيق

عنوان السفارة في تونس
tunis.immigration@international.gc.ca

بعتت توا ايميلين واحد لسفارة كندا في طرابلس والثاني لسفارة كندا في تونس نستفسر علي تأخر نماذج الكشف الطبي... بالنسبه للسفاره في تونس مشي الحال يعني تم الارسال لكن لسفارتهم في طرابلس نا يبيش تمشي الرساله وجتني رساله طولها ميتروا بعد الارسال مباشرة من قوقل ترجمتها تقول ان الارسال للايميل هذا نوقوف بشكل دائم... فمش عارف شن القصه لو حد صار معاه نفس الشئ يفيدنا لان مرات تكون غلطه في الايميل او لانهم وللو يتعاملوا مع الوسيط الجديد فوقفوا ايميلهم هذا .

مش مشكلة اخي علي نفس الشئ صارلي انا بس مادام التونسية هي اللي حتعطيك الرد مافي داعي تراسل سفارة
طرابلس

على الدين الديب كتب:

بعتت توا ايميلين واحد لسفارة كندا في طرابلس والثاني لسفارة كندا في تونس نستفسر علي تأخر نماذج الكشف الطبي... بالنسبه للسفاره في تونس مشي الحال يعني تم الارسال لكن لسفارتهم في طرابلس نا يبيش تمشي الرساله وجتني رساله طولها ميتروا بعد الارسال مباشرة من قوقل ترجمتها تقول ان الارسال للايميل هذا نوقوف بشكل دائم... فمش عارف شن القصه لو حد صار معاه نفس الشئ يفيدنا لان مرات تكون غلطه في الايميل او لانهم وللو يتعاملوا مع الوسيط الجديد فوقفوا ايميلهم هذا .

اخي على. بالله في انتظار الرد من السفارة في تونس لما يوصلك

انشالله يا اسامه

Osama Salah كتب:

sande كتب:

السلام عليكم اخي 
راسلت سفارة طرابلس كم مرة دون رد واخيرا راسلت التونسيه ولم تمضي ساعه حتي بعثا الرد وكان رفض اخي 
قدر الله ماشاء فعل

انا قدمت يوم 16-7 والي الان لم استلم شي هل تنصحني بارسال ايميلات لهم؟

اخى اسامة قدمت يوم 15-7  اليوم بعتولى نمادج الكشف الطبى   لم ارسل لهم شى  قدمت فى السفارة

السلام عليكم
الحمد لله اليوم وصلوني نماذج الكشف الطبي بعد مرور 6 أسابيع بالتمام والكمال
وأسأل الله العلي العظيم التوفيق للجميع