ما نقدرش نقولك أيهما افضل لكن علوم الحاسوب هو أعم و أشمل و منه تقدر تتفرع لأبحاث واجد يعني لو درست علوم حاسوب ممكن بعدها تخش على هندسة البرمجيات أو على هندسة الحاسوب ، لكن لو درست هندسة حاسوب حتقعد في نفس المجال ...
و هذا كله يعتمد على الجامعة اللي حتدرس فيها ، فيه جامعات يعطوا في مواد رياضيات لطلبة علوم الحاسوب و فيه جامعات تعطي في دوائر كهربائية لطلبة هندسة الحاسوب ...و أنت شوف شن اللي ممكن تنسجم فيه الرياضيات او الدوائر الكهربائية والهارد وير ...
اللي يحكوا فيه الطلبة ان هندسة الحاسوب أسهل ، طبعا لأنها تعتبر دراسة تطبيقية بينما علوم الحاسوب هو علم مجرد و دائما التطبيقي أسهل من العلم المجرد ...
بالنسبة ليا أنا نشوف في الدراسات العليا كلها تتطلب إجتهاد ووقت في اي تخصص كان
