Qs about ilets registration

انا ماشية اليوم للتسجيل إن شاء الله بس ممكن لو سمحتو تساعدوني في :
العنوان بالتفصيل
هل في امكانية ينسقولي موعد speaking نفس يوم باقي sections باعتباري من خارج طرابلس
و App.form لازم يكون جاهز او عادي نعبيه عندهم لاني مالحقتش نزله
بالنسبة للكتاب اللي عندهم هل فعلا يساعد يعني تنصحوني ناخذه وفالاخر ياريت اي احد عنده نصيحة عن الامتحان مايبخلش علينا
بارك الله فيكم

عندي نفس الأسئلة ومحتاجة إجابتها

السلام عليكم .....بالنسبة للمكان السياحية طرابلس اما السبيكننج فتقدري تطلبي منهم انه يعملوولك في نفس اليوم لو انهم مخططين يقسموا الممتحنين علي يومين في السبيكنيج  لان هدا اللي صار معاي واني عملت الامتحان كله فيوم واحد  بالنسبة للكتاب اللي عندهم منعرفاش بس اني استخدمت كتب فيها نمادج امتحاات مع الحل ونحاول نحل حسب الوقت باش نتعود وعلي فكرة فيه كتب عالنت ممكن تحمليها اني عندي كتاب منعرفش نبعته للاسف تعرفي كيف قوليلي واني نبعتهولك واي سؤال تفضلي

السلام عليكم 
اختي الكريمة البرتش كنسل عادة يوم الامتحان يديروا السبيكنن للطلبه اللي من خارج طرابلس في نفس اليوم 
ولو تبي تتاكدي اكثر يمكن انك تتصلي بيهم وتبلغيهم بذلك 
اسال الله لك التوفيق

بارك الله فيكم اخواتي عالردود طبعا مشيت وللاسف ماصار شي ماعدا اننا عرفنا المكان وين بالزبط واخذنا بعض المعلومات والتسجيل لازم بداية تعبي Applic.Online وبعدين في ظرف ثلاثة ايام تعالي اكدي الحجز وادفعي الرسوم والله يسامحه المكتب اللي نتعامل معاه من حوالي شهر وانا نقوله احجزلي واخذ نسخة من جواز السفر وقالي معادش تفكري فالموضوع يومين بالكثير تكوني حاجزة موعد وهو عارفني مستعجلة وناخذ عندهم في دورة ايلتس ونبي ندخل الامتحان في شهر 10 وبعد هذا كله نمشي لطرابلس مشوار طويل ونسال على اسمي ولا اجده في الحجوزات ومشوار عالفاضي وخايفة منحصل موعد الى شهر 12 لاحول ولا قوة إلا بالله
اختي سارة اشكرك على روحك المتعاونة بس انا ايضا لا أعرف كيف لكن ممكن تقولينا خبرتك فالامتحان بما انه سبق دخولك ليه لو مافيش تثقيل عليك

اختي الابليكيشن تقدري تعبيه بروحك لو عندك شوية لغة ....ولو معرفتيش راسليني عالخاص بمعلوماتك واني نحجزلك موعد...بعد ما تعبي بري قبل 3 ايام للبرتش كونسل وممكن تحصلي موعد اقرب...بالنسبة للامتحان بس جهزي نفسك وجربيه من كتب وحسب الوقت المتبع...لازم تجربيه ضروري اني جربته كان شوية 10 مرات والحمد لله كانت درجتي كويسة

بارك الله فيك اختي سارة انا مشكلتي في النت الضعيف والمتقطع عندنا!!؟ حاولت امس ندخل على موقعهم ونشوف مواعيد الامتحان المتوفرة بس كل مانبحث يطلعلي تاريخ 2014Jan اذا تموا مواعيد السنة هاذي تبقى كارثة ليا وانا كنت مخططة نعمل الامتحان في10 اوبالكثير11 وبعدها نبدا اجراءات التأشيرة لان ماعاد عندي وقت خايفة يلغولي قراري والله انا حائرة ايش الحل توا وبعدين حاولت حتى نكمل خطوات التسجيل بس ماقدرتش مش عارفة ايش المشكلة
ياريت اختي سارة او بقية الاعضاء حديساعدني في معرفة اذا فيه مواعيد قريبة للامتحان

السلام عليكم....اولا ضروري تحجزي موعد اون لاين وتعبي النمودج بعدين قبل ثلات ايام بري للبرتش كونسل مع صورتين والقيمة المالية  وقوليلهم بالك فيه موعد اقرب وبأدن الله تحصلي لان فيه ناس تلغي في حجوزاتها فتلقي انت مكان اني صارت معاي وحصلت موعد قبل اللي حجزته بشهر ....كلميني عالخاص لو تبي مساعدة في تعبئة النمودج ...علما بأنه ساهل بأذن الله ومفيشي مشكلة معاش تضيعي وقتك اكتر وسجلي الااااااان.....

السلام عليكم
يا خوتي كيف يتم الحجز فالايلتس انا كلما ندخل على المواعيد يطلعولي closed وبعدها معاد فيه شي انديره ومافيش مواعيد جديدة عشان نحجز فيها مافهمت شي !!! مش زي الدول الثانية المواعيد متوفرة بس اختار واحجز حتى لشهر 4

انا كمان تعرضت لنفس المشكلة كنت عابية نخش في بداية ابريل لكن طلعلي الكل مغلق ياترى ممكن نحصل في شهر ابريل وشن تنصحوني نمشي شخصيا نحصل او نلقي عن طريق النت

اختي بتول الموضوع يبدوا ليه مدة محدش امشارك فيه واضح من تاريخ اخر مشاركة

شكرا اختي رنا

السلام عليكم
اختي بتول انا شفت مواعيد الايلتس في ليبيا وكلهم محجوزين لتاريخ 6/12 بالنسبة ليا اجلت موضوع الامتحان بعد تحصلت عالتأشيرة والحمد لله وحنديره في بلد الدراسة وخلاص ، ونصيحتي ليك انك تمشي تعملي الامتحان في تونس اذا مستعجلة لان متوفر عندهم يوم 4/5 و 5/17 او تمشي للملحقية في طرابلس وتشوفي ممكن تحصلي موعد ملغي  ، وموفقة ان شاء الله

السلام عليكم
اختي رنا ممكن لو سمحت تعطينا معلومات اكثر عن المركز : العنوان بالزبط والتسجيل اون لاين او بالحضور الشخصي ورسوم التسجيل يعني اي معلومات تفيد الجميع ومشكورة جدا

lalasalim كتب:

السلام عليكم
اختي بتول انا شفت مواعيد الايلتس في ليبيا وكلهم محجوزين لتاريخ 6/12 بالنسبة ليا اجلت موضوع الامتحان بعد تحصلت عالتأشيرة والحمد لله وحنديره في بلد الدراسة وخلاص ،  ونصيحتي ليك انك   تمشي تعملي الامتحان في تونس اذا مستعجلة لان متوفر عندهم يوم  4/5 و  5/17  او تمشي للملحقية  في طرابلس وتشوفي ممكن تحصلي موعد ملغي  ، وموفقة ان شاء الله

بارك الله بك بالفعل كلهم محجوزين لكن اي ملحقية تقصد ...هل تقصد البريتش كاونسل او السفارة التونسية ...بالنسبة للبريتش كاونسل قالولي مفيش مجال وتونس بنخلي الخيار هذا للآخير نه حيكون مكلف عندي امل نحصل قبل وربي يسهل 



اشكرك اختي رنا لمساعدتك لكن كيف ايليت قالولك اقرب موعد في شهر مايو لأنهم رفضوا اعطاء اي معلومة قبل 20/3  عندي امل حد يأجل لو عندك معلومة عن امكانية وجود اماكن شاغرة قبل منتصف شهر مايو ياريت تبلغيني مأجورة






























م3

السلام عليكم: اختي انا حاليا ناخذ في كورس في المركز وللتأكيد "مركز ايليت/طرابلس" ،المهم لما سألت البنات اللي يخدموا في الرسبشن قالتلي اقرب امتحان ايلتس يوم 5/15 ويبدوا التسجيل من يوم 3/20.

شكرا اخت رنا حتي انا لما اتصلت قالولي نفس الكلام ...بس ياترى بالك الواحد يحصل حدج بيعتذر عن امتحانه يوم 5/4 او 26/4 .... يا ريت ربي كريم