تاشيرة الطالب الموفد لدراسة في تركيا

كم من الوقت لازم لستخراج التاشيرة التركية للطالب الموفد على حساب الدوله وطريقة التقديم

التأشيره تأخذ من 20الى25يوم
الاوراق المطلوبه :
قبول لغه من معهد معتمد لدى السفاره مثل active languages
تعبئة application وهذا تأخذه من السفاره وتملى المعلومات إلي فيه
ومافيش مقابله شخصيه ترفع الاوراق للسفاره وترجى هم يكلموك ع رقمك ويقولولك جيب صوره لك شخصيه وللمرافقين
وإن شاء الله ربي يوفقك

اختى ايمان هل تستطيعى مساعدة فى الخصول على قبول من هدا المعهد ... او تقولى لنا ع كيفية الحصول ع قبول او تعطينا الموقع الالكترونى متاع المعهد ...

السلام عليكم
أختي أنا جاني القبول عن طريق مكتب
لكن تقدري تعطي أي مكتب يراسلك المعهد هذا وفي صفحه ع facebook تتبع لطلبه ليبيين في تركيا إسمها النادي الليبي للخدمات والتسوق وإن شاء الله هتلاقي الإيميل التابع للمعهد فيه وإن شاء الله نحاول نبحث عنه لك
وانا مازلت متواجده في ليبيا ننتضر في باقي أوراق البعثات

ونسيت إنقولك إنه ترفع مع الأوراق صور من جواز السفر ساري المفعول وأربع صور شخصيه للموفد وهذه هي الاوراق وإن شاء الله نكون أفدتكم

معليش ســـــــــؤال أختي   Iman82  هل من الضروري ف الساحة التركية أن الطفل اللي عمره أيام لابد من أنديرلة جواز أبروحه أو يضااف مع والديه

بالنسبه ليه ضفت الأطفال ع الجواز وعادي طلعتلي التأشيره ما فيش مشكله إن شاء الله

اختى ايمان ياريت تعطينى رابط الصفحة يلى ع الفيس لانى بحتت ومالقيتهاش

https://www.facebook.com/groups/151040181734320/
هدا الرابط

السلام عليكم أختي الكريمه zwara 1 أنا لما قدمت عليها ماخذوش إلا الاوراق الي قلت عليهن وماطلبوش لا شهاده صحيه ولا شهادة الحاله الجنائيه وطلعتلي في 3 أسابيع وشكرا

شكرا لكم على المعلومة وبارك الله فيكم بالتوفيق

السلام عليكم أنا طلعتلى التأشيرة يوم 24/9 وقعدت حوالي 32 يوم لكن فيه إلى طلعت لهم قبل والأوراق المطلوبة هى شاهده صحيه وحاله جنائية وقبول لغه تركه وورقه دعم مالى وابليكشن تعبئه عندهم وصوره شخصيه

ياريت يلي قدم علي التاشيره في شهر 9 يقولنا شن هيا الاوراق المطلوبة  وشكرا

كيفية الحصول على شهادة الحالة الجنائية وكم تاخذ وقت باش تطلع

أنا قدمت على التأشيرة من اسبوعين ومازلت انتظر في ردهم وهما قالولي تطلع التاشيرة بعد 3 اسابيع من التقديم والاوراق المطلوبة
صورة شخصية و التفويض المالي وقبول لغة والحالة الجنائية والشهادة الصحية وتعبئة النموذج يلي تعطيهلك السفارة اما بالنسبة للمرافقين فمايحتاجوش تأشيرة في تركيا

علااش الموفد يبي تأشيرة ؟

علشان الاقامة

بس تركيا باش يخشولها بلا اقامة ؟ 
به والمرافقين ؟ 

وهل تعرفوا جامعات كويسة فيها ماجستير صيدلة بالانجليزي

تاشيرة للطالب بس لانه بعد ماتسافرى لو ماعندكش تاشيرة مش راح يعطوك اقامة يعنى 3 شهور وتروحى فهمتى عليا يادكتورة .........والتاشيرة مطلوبة من الطالب فقط المرافقين لا

السلام عليكم 
انا خريج معهد عالي تحكم الي نبي  انحضر ما جستير في اسهل جامعه واقصر مده مع العلم انا لغة الانجليزيه ضعيفه وكدلك متزوج  اريد منكم النصحه جزاكم الله كل خير

هل فيه احد قدم على التاشيرة التركية المدة الماضية وكم اخدت من الوقت

هما يقوللك 3 اسابيع لكن انى طلعتلى فى 32 يوم

ان شاء الله خير

نبي جميع تفاصيل الدراسه في تركيا وكيف الاجراءات من البدايه اللي يعرف ياريت يقولي ؟؟؟؟ وهل الدراسه كويسه فيها ؟؟؟