خلاصة القصه مشيت امس لبرج طرابلس نبي ناخد جوازي وعليه التاشيره لقيت برج طرابلس شبه مشلول لان مدير البرج عاطي امر بايقاف المصاعد الكهربائيه وقاطع الميه علي البرج والسبب اضراب لمدة ثلاثة ايام حتي يخرج افراد الكتيبه التي تؤمن في البرج من موقعهم ويتم تسليم الحمايه لافراد الجيش او الشرطه ... المهم طلعت للسفاره من الدروج الخدميه ما نحكيلكمش 160 درجه باهي اللي مش ماشي للتذاكر في الانجليزيه في الدور 19 وديروا الحسبه انتم في 20 درجه ... الملخص وصلت للسفاره خبطت طلعلي السكيرتي قالي احني حنصكروا حتي الخميس لان جماعة البرج موقفين الي جانب الميه والاسنسيرات كمرات المراقبه ايضا لهذا لازم تصكر السفاره لان الجانب الامني يعنيلهم هلبه قتله امتي نرجع ؟ قالي لعند ما يفتحوا البرج وينتهي الاضراب وعطاني رقم قالي اتصل قبل تجي .. حبيت نحطكم في صورة الموضوع بلكي في حد بعيد من خوتنا في الشرق او الجنوب يكون عنده موعد وما يندريش عليه ان يتاكد قبل ان ياتي ... وربي يهدي العباد ويهني البلاد .
