هل تمنع المرأة الحامل من صعود الطائرة في مطار ليبيا

من يعرف؟
 هل تمنع المرأة الحامل من صعود الطائرة في مطار ليبيا ؟

بالنسبه لي تجربتي انا سافرت في التاسع ما كلمونيش بس نصيحه خذ معك ورقه من الطبيب اتقول انه مسموح لها السفر للاحتياط

زهرة الحياة كتب:

بالنسبه لي تجربتي انا سافرت في التاسع ما كلمونيش بس نصيحه خذ معك ورقه من الطبيب اتقول انه مسموح لها السفر للاحتياط

السلام عليكم 
يا اختي انتي على اي حطوط سافرتي ؟   وبالله بالنسبة للخطوط التركية هل هم مشددين غلى الحامل او لا     اللي عندة فكرة 
وبارك الله فيك

سافرت علي المغربيه وعلي احسابي الخاص لاني كنت نبي ننزل في مونتريال بان=لنسبه للرحله كانت موش طويله 7 ساعات والترنزيت كان ساعتين بس  اما التركه ما عندي  عليها فكره  بس هم يكتبوا في  كل شي علي موقع الخطوط اذا مسموع اما لا

نعرف صديق سافر على التركية ونفس ظروفك ومافيش اي مشكلة ... ع اية حال البسي لباس ما ايوضحش فقط لتفادي اي احتمالات .... توكل على الله

dhnos كتب:

من يعرف؟
 هل تمنع المرأة الحامل من صعود الطائرة في مطار ليبيا ؟

السلام عليكم
إذا كانت اعمر الجنين أقل من سبعة اشهر يسمح لها بالصعود ويفضل تقرير طبي من الطبيب، ولكن أغلب الخطوط تمنع صعود المرآة الحامل بعد بلوغ الجنين سبعة أشهر أو أكثر

السلام عليكم
ليها
قوانين الطيران المدني تسمح  بالسفر للحامل ما لم تتعدي 34اسبوع ي نصف الشهر الثاني لما يشكله السفر بالطائرة  لخطر على الجنين والام  وطبعا فيه نموذج يملئ من قبل الطبيبة والنوذج هذا تأخذيه من الشركة الناقلة اللي تبي اتسافري عليها وترفعيه معاك (طبعا في مطار ليبيا ولا من يسألك ولا من ايعدل علينا الله غالب لكن المطار تاني اللي تبي تطلعي منه لكندا)هذا اضمن ليك يا اختي وربي ايتمملك على خير هذا من واقع خبرتي لاني موظفة في شركة طيران

السلام عليكم .. بالنسبة لتجربتى ااشخصية واللى لاحظته فى الخطوط الافريقية انهم مش مهتمين ابدا وهدا على فكرة فى صالحنا لان الام اذا كان عارفة ومتاكدة انا السفر بيضرها هيا او جنينها اكيد مش حتسافر. . عموما اذا كنت فى اشهر متقدمة فى الحمل ومضطرة انك اتسافرى ومنعوك من الطيران فكرى فى خيار السفر بالباخرة عن طريق تونس انى هدا الخيار الاحتياطى يللى عندى وفى النهاية هيا اولويات يعنى بنسافر باى طريقة المهم قبل ما تسقط التاشيرة وفى نفس الوقت صحة الجنين فى عين الاعتبار ..موفقة يا اختى..

بالنسبه لتجربتي الشخصيه انا جيت في شهر 8 الفات وكنت في اخر يوم من الشهر الثامن يعني بدايه التاسغ جيت علي الخطوط التركيه ماحدش اهتم ولا حتي سال وكذلك صديقتي جت من اسبوعين وهي في الشهر التاسع في بدايته حتي هي ماحدش عدل عليها

بخصوص السفر كل خطوط ليها ضوابط معينة بس في الأغلب نفس الشئ
بالنسبة للخطوط اللإنجليزية في حالة الحمل بطفل واحد لا يسمح بالسفر بعد الأسبوع36 ولابد من تقرير طبي إن تجاوزتي الإسبوع 28
يعني في كل الأحوال خلي معاك تقرير طبي
بالنسبة للسفر لو لم يكن معك اي مشاكل صحية ضغط او غيره مافيشي مشاكل في الأشهر الأولى قد يصف الدكتور ليك حبة أسبرين للخوف من الجلطات للحامل في الساقين ,,لذا  ينصح إنك تشربي المية هلبا في الطيارة ,,و تلبسي الشخشير الضاغط,,,وفي الأشهر الأخيرة في يبرة يوصفها الدكتور بدل الأسبيرين تنظرب تحت الجلد زي إبرة السكر ,,,
انا عن نفسي سافرت في نص الثامن لتورنتو