متحصل على قرار دورة لغة الى امريكا ..ونبي نصيحتكم على رحمت الولدين ^^

السلام عليكم ورحمة الله وبركاته 
هلا اخوتى اخواتى 
خريج ومتحصل على قرار دورة لغة انجليزي في امريكا عن طريق وزاة العمل والتاهيل 
الفترى هده اعطونا رسالة الدعم المالى وقالوا لنا بروا جيبوا قبول لغة من جامعات امريكية ..
فيا ريت من كل من يصتطيع يفيدنى ولوا بمعلومة ويقدر يزيح عنى القلق والحيره الا في راسي والله ما عرفت نتصرف وارتبكت 
ندور في قبول لغة من معهد خاص او تبع جامعة بس يكون معتمد عالميا .. وعن طريقة نتحصل على شهادة TOEFEL  OR IELTS وتكون في ولايه كويسة ومناسبة من ناحية المعيشة والدراسة والامن والسكن (الايجار)
ارجوا المساعة على رحمة الولدين 
معلومة:
ليا اسبوعين نمشي لمكتب قبولات دراسة  في البرج طرابلس كل ما نمشيلا نلقاهم اعتصامات والهواتف المقفلات لن فديت وارتبكت 

ولكم جزيل الشكر ^^

kikokalazo كتب:

السلام عليكم ورحمة الله وبركاته 
هلا اخوتى اخواتى 
خريج ومتحصل على قرار دورة لغة انجليزي في امريكا عن طريق وزاة العمل والتاهيل 
الفترى هده اعطونا رسالة الدعم المالى وقالوا لنا بروا جيبوا قبول لغة من جامعات امريكية ..
فيا ريت من كل من يصتطيع يفيدنى ولوا بمعلومة ويقدر يزيح عنى القلق والحيره الا في راسي والله ما عرفت نتصرف وارتبكت 
ندور في قبول لغة من معهد خاص او تبع جامعة بس يكون معتمد عالميا .. وعن طريقة نتحصل على شهادة TOEFEL  OR IELTS وتكون في ولايه كويسة ومناسبة من ناحية المعيشة والدراسة والامن والسكن (الايجار)
ارجوا المساعة على رحمة الولدين 
معلومة:
ليا اسبوعين نمشي لمكتب قبولات دراسة  في البرج طرابلس كل ما نمشيلا نلقاهم اعتصامات والهواتف المقفلات لن فديت وارتبكت 

ولكم جزيل الشكر ^^

شكرا يا اخي اسمعيل والله بجد ربي يفتح عليك ويحميك والله حتى انا راي نباشر في البحث بوحي وندور قبول بروحي و وكليه كلورادوا عارفها وامشيت حتى للجامعة واسالت الدكاترة امتاعى اغلبهم نصحونى ولايه كلورادوا بس .منعرفش المعهد وكيفيه برامجهم للقبول 
حسب ما ريت من مشاكل وتجارب الاخوة في المنتدى .لو نبي ندير قبول بروحى ..تقريبا السفارة تبي الاصل في القبول مش الصورة معنها فيها شركة شحن  باش ترسل الاوراق وكذلك تبي دفع من الكريدركارت حساب في امريكا ..وللعلم عندى كرت فيزا وماستر كرت بس اول مرى هده التجروبه ويا رب متحصليش اخطاء 
وحنتطلع اليوم على المعهد وبعون الله حنرسى عليه بس بنشوف شروطة 
لو تقدر خويا اسماعيل توضحلى شنو ندسر لو قررت نبدى في القبول بنفسي اوى تبي نبعتلك على ايميلك اوراقي الا تطلبها ...واى ورقة نحتاجها قولى عليها خلى نجهزهااا 
ومرى اخرى والله مانستغنوا عليك وربي يرحم الولدين خونا اسمعيل 
مشكور

kikokalazo كتب:

شكرا يا اخي اسمعيل والله بجد ربي يفتح عليك ويحميك والله حتى انا راي نباشر في البحث بوحي وندور قبول بروحي و وكليه كلورادوا عارفها وامشيت حتى للجامعة واسالت الدكاترة امتاعى اغلبهم نصحونى ولايه كلورادوا بس .منعرفش المعهد وكيفيه برامجهم للقبول 
حسب ما ريت من مشاكل وتجارب الاخوة في المنتدى .لو نبي ندير قبول بروحى ..تقريبا السفارة تبي الاصل في القبول مش الصورة معنها فيها شركة شحن  باش ترسل الاوراق وكذلك تبي دفع من الكريدركارت حساب في امريكا ..وللعلم عندى كرت فيزا وماستر كرت بس اول مرى هده التجروبه ويا رب متحصليش اخطاء 
وحنتطلع اليوم على المعهد وبعون الله حنرسى عليه بس بنشوف شروطة 
لو تقدر خويا اسماعيل توضحلى شنو ندسر لو قررت نبدى في القبول بنفسي اوى تبي نبعتلك على ايميلك اوراقي الا تطلبها ...واى ورقة نحتاجها قولى عليها خلى نجهزهااا 
ومرى اخرى والله مانستغنوا عليك وربي يرحم الولدين خونا اسمعيل 
مشكور

شكرا ليك خونا اسمعيل والله ما قصر 
اليوم ان شاء الله نشوفوا المعهد وبكرة او نجهزوا الاوراق ونحاول مبدائيا بنفسي وربي يسهر ..باش منتعبكش لو احتاج الامر الى تدخلك نبلغك على طولمنور وبارك الله فيك وان شاء الله من ميزان حساناتك ^^


بس في شي نسمع فيه ..في نوعين من التدريس للغة فيه اكاديمي وجينيرااال 
وانا الحق نفضل الجينرااال هل هدا الاختيار يسال ليا لما نتقدم القبول او اجبارى نقراء ببرنامجهم اكاديمي فقط  
ومشكور اخونا اسمااعيل

كولورادو معبية ليبيين،، و جوها مصقع،،، بصراحة لو كنت مكانك و عندي كورس لغة بس كنت حنمشي لكاليفورنيا،،، كاليفورنيا معظم مدنها غالية،، لكن فيه مدينة تكلفة المعيشة فيها معقولة و مش غالية،، اللي هى عاصمتها ساكرامنتو،،، 

الجو في كاليفورنيا معتدل زي ليبيا،، و ما عندهمش ثلج في سكرامنتو،،، و المدينة آمنة و ما فيهاش هلبة ليبيين،،،

بالنسبة للجامعات ففيها جامعة الساك ستيت

http://www.csus.edu/

و قريب منها في مدينة ديفيس فيه فرع لجامعة ديفيس وحدة من أقوى الجامعات الأمريكية...

برا لساكرامنتو و مش حتندم بإذن الله

أنا نشتغل في شركة الواحة و عندي زملائي مشولها زمان و الحق ما فيش حد منهم ذمها سكرامنتو،، و أحسن حاجة غادي مش حتلقى هلبة ليبيين

ساكرامنتو مش غالية و عندي أكثر من 7 زملاء في العمل مشولها و كلهم يشكروا فيها،،، و كل واحد و جوه،،، أنا نفضل عدم وجود هلبة ليبيين، و أهواء الناس تتفاوت يا ولد عمي،، و عن نفسي لا أرى سبب يميز كولورادو عن غيرها،،، في الرخص،، هلبة ولايات أرخص منها،، في الموقع جاية في نص أمريكا و كل شيء بعيد عليك،،، كولورادو جبال و فيه هلبة ولايات أجمل منها بهلبة،،، غير الليبيين ينقلوا من بعض،، و كلهم يمشوا لنفس المكان اللي مشوله أسلافهم..

هذه وجهة نظري و أتمنى التوفيق للجميع

مساء الخير وانشاء اله تكونوا بافظل الاحوال يا رب 
اولا نتشكركم للمساعدة ولو بكلمة وشكرا للنصيحة من كل من الاخ رضار او اسمعيل 
بس يا اخوتى انا لما نختار الولايه الى عدة معيير واسباب والله من ناحية الطقس ما ندور ..بس في سبب رئيسي اولهم المعشة والناحية الامنيه 
وبعدين كثرة الجامعاات في تلك الولايه ..يعنى لو عملنا مفاضلة بين كلاورادوا والولايه الاخر اخوتى .. نجد كلاورادوا معظم مدنها ساهلة في المعيشة وتقدر تعتمد على نفسك لو حصلك امر لا سمح الله .وكذلك فيها فرص قبوا اكثر من انى مدينه ولايه اخرى بمانهااا مدنهااا معبيا جامعاات 
اما ولاية الاخرى اخى رضاء حسب كلاك انه في مدينة واحدة فيها المعيشة ساهلة وامنه .يعنى فرص التعليم مفتوحة ومحصورة في تلك المدينة فقط 
وانا صارحتا مش عالم الا بيصير معااي غادى ف والله نصائحكم و اراكم تهمنى و مشاركتكم لى في الري مثل الجميل عليا ونحسبه عند الله في ميزاان حسناااتكم يارب 
فحسب راي انه فرص والنقاط التفوق ترجع الى ولايه كلورادو 
بس عندي تعليق للاخ اسمعيل .سيد اسماعيل انا امس فضلت نقلب ونشبح في المعهد والجامعة في ولاية كلارادوا كليز في نقطة مهمة حبيت نفهمهااا قبل ما نتخد القرار 
وهو نظام التدريس عندهم جامعى او اكاديمي او عام وكذلك مدة الدرااسة عندهم تقريبا زي ما فهمت 6 سمستراات ..او6 اشهر 
فياريت توضحلى  الامر هدا لانه عندى اصدقاء نصحونى بانه يجب نختار معهد يدرس  لغة لمدة 11 شهر وتكون حصيلة الاستفاادة مكثفة في التدريس 
فا بالله على رحمة الولدين تشوف الامر هدا وتبلغنى 
اذا كانوا 11 شهر فنستخير الله فيها الجامعة وحنتعبوك في القبول ^^ 
واخيرا مشكور خونا رضاء و اسماعيل لللمساعة والنصيحة والله يرحم ولديكم اجمعيين ^^

kikokalazo كتب:

مساء الخير وانشاء اله تكونوا بافظل الاحوال يا رب 
اولا نتشكركم للمساعدة ولو بكلمة وشكرا للنصيحة من كل من الاخ رضار او اسمعيل 
بس يا اخوتى انا لما نختار الولايه الى عدة معيير واسباب والله من ناحية الطقس ما ندور ..بس في سبب رئيسي اولهم المعشة والناحية الامنيه 
وبعدين كثرة الجامعاات في تلك الولايه ..يعنى لو عملنا مفاضلة بين كلاورادوا والولايه الاخر اخوتى .. نجد كلاورادوا معظم مدنها ساهلة في المعيشة وتقدر تعتمد على نفسك لو حصلك امر لا سمح الله .وكذلك فيها فرص قبوا اكثر من انى مدينه ولايه اخرى بمانهااا مدنهااا معبيا جامعاات 
اما ولاية الاخرى اخى رضاء حسب كلاك انه في مدينة واحدة فيها المعيشة ساهلة وامنه .يعنى فرص التعليم مفتوحة ومحصورة في تلك المدينة فقط 
وانا صارحتا مش عالم الا بيصير معااي غادى ف والله نصائحكم و اراكم تهمنى و مشاركتكم لى في الري مثل الجميل عليا ونحسبه عند الله في ميزاان حسناااتكم يارب 
فحسب راي انه فرص والنقاط التفوق ترجع الى ولايه كلورادو 
بس عندي تعليق للاخ اسمعيل .سيد اسماعيل انا امس فضلت نقلب ونشبح في المعهد والجامعة في ولاية كلارادوا كليز في نقطة مهمة حبيت نفهمهااا قبل ما نتخد القرار 
وهو نظام التدريس عندهم جامعى او اكاديمي او عام وكذلك مدة الدرااسة عندهم تقريبا زي ما فهمت 6 سمستراات ..او6 اشهر 
فياريت توضحلى  الامر هدا لانه عندى اصدقاء نصحونى بانه يجب نختار معهد يدرس  لغة لمدة 11 شهر وتكون حصيلة الاستفاادة مكثفة في التدريس 
فا بالله على رحمة الولدين تشوف الامر هدا وتبلغنى 
اذا كانوا 11 شهر فنستخير الله فيها الجامعة وحنتعبوك في القبول ^^ 
واخيرا مشكور خونا رضاء و اسماعيل لللمساعة والنصيحة والله يرحم ولديكم اجمعيين ^^

كويس جدا خويا اسمعيل وعلى بركة الله 
نكمل اوراقي ونترجمها ونختمها من الخارجية وبعدين نبلغك على اي نظام دراسي نستقر عليه ....بس ممكن ناخد الاكاديمي يالله نخلها على التسخير من الله 
مشكور خونا اسماعيل

أخي الكريم أنا جاوبتك على أساس أنك متحصل دورة "لغة فقط" و مش حتقرأ دراسة أكاديمية،، و عموماً بالنسبة لمستوى الجامعات، جامعات كاليفورنيا في قمة هرم الجامعات الأمريكية، لكن يعاب عليها تركزها في المدن الغالية زي سان فرانسيسكو و لوس أنجلس و سان هوزي،، فمن ناحية قوة مستوى الجامعات من الظلم مقارنة جامعات كاليفورنيا بجامعات كولورادو

لكن،، زي ما قلت إنت،،، طالما إنك تبحث على ولاية تتوفر فيها خيارات أكثر تحسباً لأي ظرف فأكيد كولورادو أنسب بكثير من كاليفورنيا.. لكن لو قارنت وفرة الخيارات فأكيد أن أوهايو أفضل لك من كولورادو،، أوهايو فيها جامعات أكثر على ما آظن،،، و فيها مدينة ديتون فيها ٢ جامعات و فيها هلبة ليبيين لو تحب كثرة الليبيين، كما أن أوهايو أرخص من كولورادو

و تمنياتي لك بالتوفيق

الل يرحم ولديك يا رضاء ...والله كنت ندور فيه اسم هده الولايه ..اهايوا تقريبا 
حتى هيا ظمن الالخيارات بس نشبح معاهد لغتها وجامعااتها وكان فيها قبول ساهل لتخصص الهندسة الكيميائية 
وعلى فكرة انا توى عندي دعم لدورة لغة فقط مش بنقراء اكاديمي ...يعنى انا قلت ناخد الامور في 2 ناخد دورة لغة في الانجليزي ولو تحصلت على الايلس و التوفل  بعون الله نقدم في القبول الاكاديمي ونقرى على حسابي  بقدرت قاتر ربي يسهل ..لانه الوزاارة بصراحة مش موضحتنا الامور الى جد توى  عطتنا قرار لغة فقط اشبح ممكن بعد ما ننجحوا تمددلنا وتعطينا قرار ماجستير 
والله ليك جزيل الشكر خونا راضااااء

بالنسبه الى جامعة ساكرمتوا في ولايه كاليروفونيا ...شفتها وريها بس ما عندهم تخصص هندسة كيميائية

أخي الكريم،،،
لدي زملاء في العمل سبق لهم الدراسة في كولورادو في مجال الهندسة النفطية،، و ذهبوا أيضاً إلي حبيبة الليبيين (كولورادو)، و درسوا في (كولورادو سكول أوف ماينز)، و هى جامعة مرموقة على ما أظن و تقع في مدينة قولدن

http://chemeng.mines.edu/

ربما يكون هذا الخيار أفضل لك،،، لكني لا أعلم إن كان لديهم معهد لغات أم لا...

بالتوفيق

شكرا ليك  خويا رضاء والله ما قصرت 
توى نشوفها ونرى شروطها هده الجامعة مشكور جدا والله يرحم ولديك

اخي العزيز انا ايضا مثلك بنفس القرارواعتقد انني سوف اقدم على معهد لغة تابع لجامعة اوريغون المعيشة هناك مناسبة وعيبها الطقس فقط وهيا ايضا مدينة امنه

واذا اردت ان نتعاون مع بعضنا معنديش مشكله ياخونا واني اسمي خالد

اخي العزيز ان عندي نفس القرار واخدت رسالة دعم المالي للقبول ارجوا ان كان لايوجد لديك مانع ان نتعاون انا عندي بعض الاخيارات مثل مدينة بورتلاند ولاية اوريغون مدينة جميلة وامنه ومعيشة فيها مناسبة جدا

جمعتكم مباركه انشاء اخوتي الاعزاء ربي يحفظكم انشاء الله عندي ابن اخي متحصل علي التفويض المالي نبي تساعدوه وتنوروه في قبول احد الجامعات الامريكيه لقبول اللغه بالله عليكم الله ينوركم ويسعدكم دنيا واخره وإن شـاء الله في ميزان حسناتكم ننتظر في ردكم تحياتي المخلصه من عمكم الشارف - طرابلس واي خدمه في اي شي في طرابلس والظواحي من كل شي تفظلوا

جمعتكم مباركه ربي يحفظكم انشاءالله حتي انا زيكم عندي قبول لغه في امريكيا بالله نورونا الله ينوركم انا قاعد ما درت شي نبي نبداء من الاول نبي نسال علي افظل الجامعات منة كلشي في ولاية كاليفورنيا وهل نمشي لمكتب في البرج او نراسل الجامعات افظل نحب نتعرفوا علي بعض هنا في طرابلس لنساعدوا بعضنا البعض ربي يحفظكم إن شـاء الله اخيكم محمد - طرابلس تحياتي لكم

السلام عليكم اخوتى الاعزاء ..اسف امس ما كان عندي نت
الا بيك خويا الطياري و الشارف ومحمد .تشرفت بمعرفتكم وربي يقدرنا نكون رفقة 
انا متحصل على قرار ورسالة دعم المالى ولدورة في اللغة في امريكا 
صراحتا انا بواصطا وبمعرفة صديق تحصلت على رقم سكرتير وكيل الوزير القوة العاملة وصارحنى بانه حتكون دورة فقط وصراحتا انا كنت طامع حتى يدعمونا لدراسة ماجستير في امريكا  وخصيصا تخصصي موجود في امريكا 
عموما انا تحصلت على نصائح من اصدقاء و معارف ليا في امريكا وكذلك من الاخ اسمعيل و رضاء الله يخلف عليهم بالخير (كان لهم دور كبير وجيد  من نصائحهم المفضلة و فعالة ) ربي يجازيهم خيرا ويحفظهم ربي (اسماعيل ورضاء)
المهم قبول اللغة ساهل وبسيط بس انت شنو تبي تقرى .. في انواع من المعاهد .فيه خاصة  وفي عامه(تبع جامعة يعنى) والاثنين معتمدااات 
بس الخاص متخصص  معهد لغة يدرس كل الوافدين له وكل الطرق و اجودها وبطريقة مكثفة 
وطرق التدريس تختلف فيه (دورات اكاديميه , فيه عامه مكثفة .فيع نصف مكثفة .وفي للسفر ممكن )
والغرض من اللغة انه تعرف تتعامل بيها وتكلم بيها وتقراء بيها وتوصل الى مستوى تتمكن من انك تنجح في امتحان ( التوفل و الايلس)
سوى من معهد عام او خاص 
المهم كيف تستفيد من دراستك في امريكا 
انواع الدراسة ..عاى ما اعتقد الاكاديمي نظام سمسترات .6 سمسترات طوال السنه تكملهم وتنجح فيهم تكون مووهل وتستطيع تدخل على الامتحان التوفل او الايلس 
اما  الخاص نظام مستويات 12 مستوى لك مستوى شهر وتقرى 72 ساعة في الاسبوع 
بصراحة انا في الاول كنت مخمم نكمل قرايتى بس انا معدلى ضعيف ما اضنيش نحصل قبول جامعى لذلك قررت ناخد في معهد خاص ومعتمد وياهلنى ناخد التوفول وبعدين نحاول من غادي لو حصلت قبول نكون ربي سخرلى وفتح عليا 
اما بنسبة الولايات فانا قارنت ولايات ودرست عليهم ( منهم كولورادوا و فلوردا و بلينوا و ريتشاردسون) 
وافضلهم من ناحية المعيشة و الضرائب (بلينوا وريتشاردسون)
اما من ناحية التعليم ف(كولورادوا و فلوردا )
صراحتا انا طايح على كلورادوا ...دكاترا قرونى نصحونى بيها ...فيها مدينت ( دنفر و فورت كولينز)

اما بالنسبة الى اتمام الاجرات والمراسلة للجامعاات ف حقيقة شكرا للاخ اسماعيل وبارك الله فيه عرض عليا يساعدنى ويتملى عن طريق صديق ليه معانا في المنتدى 
بس انا ما نبي نتعبه الحق هو اجراء حصل وكفى و وفى بنصيحته القيمة ... لذلك قررت نتم القبول في مكاتب قبول بس بشروط منى انا وانا نختار المعهد 
لانه فيها برنامج شحن والاقبول الاصلى عن طريق  الدتشالا 
لانه السفاة ما تعتمد الا القبول الاصلى ... ومرات خوتك الليبين في الوزارة ما يكملوا يعطوك التفويض لن يبدى عليك السمستر تطر الى تمديد موعد القراية مثلا فالمكتب يسهل العمل فيها 
عموما ما اطيل عليكم انا عبدالباسط هندسة كيميائية 
اي خدامة ..ياريت نتلاقوا بالكى نمشوا مع بعض نترافقوا خير ^^
ومشكورين اخوتى

السلام عليكم : اخي العزيز kikokalazo  انا اسف لأني لم اتشرف بأسمك لكن كلامك مفيشي مشكله اني رقمي 0912170015  وبعدين فيه جامعات تقبل في معدل ضعيف وحتى في الدبلوم العالي كلمني ونتلاقو ا ان شاء الله ونشاورو ونصلو لحل 


عدل سابقا من قبل altayari في الأحد 08 ديسمبر 2013, 2:48 am عدل 1 مرات

السلام عليكم
ياريت من الاخوة يساعدونا
ما الجامعات الامريكية التى تقبل طلبة دبلوم عالى ؟
شكرا لكم

السلام عليكم
كيفكم يا جمااعة
خونا خالد ..انا (عبدالباسط خريج هندسة كيميائية )
الرقم الا كتبته ناقص ياريت تصحصة باش نقدر نكلمك