الكشف الطبي

وعليكم السلام

ربي يسهلك أخي في الحقيقه يجب أن تذهب للسفاره في طرابلس وتخبرهم إن بنتك لم يصلها الكشف الطبي ربما كان خطأ في البريد الالكتروني المكتوب في نموذجها

لأن هذا ما حدث في تأخر الكشف الطبي لزوجي وبعد شهر من ارسال ايميلات لكل من تونس وطرابلس ودون جدوى ذهبنا لطرابلس والموظفه ساعدتنا وراسلت تونس وتحصلنا على الكشف الطبي

وفقك الله

مشكور على الرد و ان شاء الله نمشي للسفارة يوم الاحد

أخي العزيز كيف نقدر نتأكد ان البصمة وصلت او لا؟ بصراحة خوفتني قصتك اني لما درت البصمة في مكتب التأشيرة الموظف قاللي انت أول واحد وقعد حاير كيف ايديرلها ويتصل ويردوا عليه اكثر من ساعتين وبعدين قاللي معاش ادورها فكيف تنصحني أخي كيف الراي توة؟

أخي الزرقاني أني معرفتش مشكلتك في البصمة ولا في الكشف الطبي لانك بديتها بالبصمة ونهيتها بالكشف الطبي؟

أخي الزرقاني أني معرفتش مشكلتك في البصمة ولا في الكشف الطبي لانك بديتها بالبصمة ونهيتها بالكشف الطبي؟ بعدين أني من الاول قلتلك برا قدم في المكتب (حي الاندلس) لكن أنت ربي يهديك شوف شن صار فيك

أخي الزرقاني نحس فيك تحسست من التعليق متعي وأني أسف المفروض نخش علي المنتدى ونطلع علي التعليقات والمشاركات ونشوف لو فيه مشكلة شبيهة بالي عندي وناخد الحلول والنصائح متع الاخوة والاخوات ( بالعربي ناخد مصلحتي) وشن دخلني مش هكي خير ؟
ياسيد زرقاني أني عبيت أونلاين وعجبتني من ناحية السرعة لكن صارلي موقف (غلطة في الابليكيشن) كلفتني أكثر من ستة شهور أنتظار قبل متقدم أنت بالتحديد نصحتك تاخد موعد في المكتب في حي الاندلس وحكيتلك شن صار معاي لان الموعد في المكتب فيه كيف تاخد وتعطي ولو عندك نواقص تكملها ولو عندك غلطة تصححة مش زي الاونلاين الغلطة بورطة وتقعد عايش علي أعصابك لكن أنت خديت النصيحة بالعكس وشوف شن صارلك

اولا مشكور اخي طارق على الرد و لا ان متحسستش من ردك بالعكس ان متفهم جدا جدا لوضعك و ضعي، صح انت نصحتني و شكرا علي النصيحةز
المهم حتى المكتب الكندي فيه مشاكل و مشاكل هلبة نعرف واحد معي في العمل قدم عن طريق المكتب و صارلت مشاكل نسوله حولوله مستندات 3 من اطفاله و البقي عطلهم او شي من هذا
و اكيد انت سمعت بالقصة ايضا. المه في النهاية ان شاء الله ربي يوفق الجميع الخيرة فيما اختاره الله
سلام

في البصمة شن يرفع معاه ووين بالزبط في حي الاندلس ؟؟؟؟

في البصمة يبو الورقة الي جاتك من السفارة و جواز السفر و تمشي للمكتب في حي الاندلس وراء مركز شرطة حي الاندلس

mzorgani كتب:

في البصمة يبو الورقة الي جاتكمن السفارة و جواز السفر و تمشي للمكتب في حي الاندلس وراء مركز شرطة حي الاندلس






ايه تسلم اخي .... بس لازم يكون عندك موعد باش تمشي تدير البصمة والموعد لين تمشيلهم وياخدو رقم تلفونك واسمك ويتصلو بيك يحددولك امتي تجي تدير البصمة ... لمعلومات باقي الاعضاء ...
وبارك الله فيك مرة اخري

شكرا أخي مستر زرقاني انا هذا الكلام اللي قاله لي الموظف اللي في مكتب التأشيرات عموما انا ما لقيت شي في حسابي في CIC والله حسك خوفتني!!!!! لا فيه انها وصلت ولا فيه انها ماوصلتهمش كيف الراي في نظرك؟ علي اي ايميل ممكن نراسلهم ؟ ممكن تفيدني جزاك الله الف خير ان شاء الله

السلام عليكم
يا ريت اخوانا يقولي كيف نعرفوا ان البصمة وصلت ليهم ولا لا
انا درتها من يوم 3\12
وقاعدة جملة انهم محتاجين للبصمة موجودة زي قبل
على اي ايميل انراسل السفارة باش نعرف وصلت البصمة او لا
امتى تبعت الرقم الي اعطوهولي مكتب الي درت فيه البصمة يطلعلي هكي ان حوله على مكتب الفيزا في كندا  يوم 4\12 يعني تاني يوم الصمة  هذا الي فاهمته , لو حد عنده تفسير تاني ايقولي لو سمحتم.

Visa application, tracking ID No.000000 Your processed passport has been forwarded to the Canada Visa Offlice, EMTU on 04/12/2013.To know more, please call VAC helpline number or visit VAC website.