الكشف الطبي ماليزيا

السلام عليكم ورحمة الله وبركاته
اخوتي واخواتي ...................................
تحياتي ...
عندي استفسار بخصوص الكشف الطبي ..طبعا سمعت انه ادراة الهجرة الماليزية مش طالبه نمودج وانه السفاره الماليزية هيا يلي طالبة النمودج فياريت من عنده معلومة ياكدلي دوة وهل نمودج مطلوب ع الموفد فقط او مرافق لا ؟؟؟؟؟؟؟؟؟؟؟؟؟؟؟؟؟

نقدر نأكدلك إنه السفارة في ليبيا مش طالباته ... يقال إنه الفحص يتم بعد الوصول هناك فيا ريت حد في ماليزيا يفيدنا ويفيدك  بالموضوع

عدل سابقا من قبل Lubna R. Mansor في الثلاثاء 10 ديسمبر 2013, 6:26 am عدل 1 مرات (السبب : خطأ إملائي)

السلام عليكم
الكشف الطبي اديريه بعد ما توصلي بالسلامة الي ماليزيا , والمعهد او الجامعة اللي اعاطتك الفيزا عندها معامل تتعامل معهم في هذا الخصوص .

وعليكم السلام ورحمة الله وبركاته
اخوتي بارك الله فيكم ع ردودكم ...
وبنسبة للكشف الطبي عارفة انه يتم بعد وصول الي ماليزيا بس لما  لقيت موفدة  قدمت ع سفاره قالتلي انه مطلوب هني وغادي فنبي نتاكد منها حاجة هدي ولو تعرفو هل كشف مطلوب من قطاع خاص يكون او عام متلا مستوصف او مستشفي وبوركتم...

أنا قدمت أوراقي للسفارة بداية الأسبوع ومش مطلوب الكشف الطبي

بارك الله فيك اخت لبني هكي ريحتيني ... انا مكتب يلي نتعامل معاه راسل الهجرة الماليزية وقال انه مش مطلوب وفيه موضوع موجود هني في منتدي مكتوب انه كشف طالبينه هجرة الماليزيه وكل واحد يقول كلام معاش عرفت تلخبطت ... مهم بارك الله فيك وموفقة اختي ..

إخوتي أين اتحصل على النماذج المطلوبة للتأشيرة الماليزية  وهل الكشف الطبي مطلوب أم لا حسب ماسمعت قد تغيرت الكثير من الإجراءات فيما يتعلق بالتأشيرة لدى سفارة ماليزيا بليبيا  ؟؟

أخ محمد الطلحي رجاءاً ارسل لي ايميلك الخاص وان شاء الله نرسله لك

شكراااااااااااااااااااااااااااااااا

لا شكر علي واجب

السلام عليكم شباب .. الاخوة اللي يسألو علي الكشف الطبي نبي نوضحلكم انه الكشف مطلوب منكم هني في ماليزيا .. النمودج تاخده من الجامعه اللي سجلت فيها وهما هني عندهم قائمة بالمختبرات اللي يتعاملوا معاها واللي بدير فيها التحليلات المطلوبة بش ايديرولك الفيزا النهائية علي جواز سفرك اللي مدتها سنة قابلة للتجديد