نصيحة الرجاء المسااااااعدة

السلام عليكم ورحمة الله وبركاته 

رجاء يا اخوتي شن تنصحوني اني اندير تاشيرة سياحية ونجي بيها لماليزيا وبعدين نقلبها تاشيرة دراسية 
ولا ندير تاشيرة دراسية من هني ونصبر خيرلي 


شن رايكم ولو درت تاشيرة سياحية مش حنتعب مع الاجراءات لانه بجد اني ماعنديش صبر نقعد نستنى شهرين 

يعني القصد انه مافيش مشكلة مع الماليزيين ومش حيقولولي برا ولي لبلادك وبعدين دير تاشيرة وتعالا 

وطبعا اني نبي نقرا في معهد els لغة انجليزية في فرعهم في جامعة upm يا ترى هل نحصل قبول بما انه الفرع 

مش في العاصمة وبعيد عن الزحمة 


رجااااء يا خوتي انصحوني 


وشكرا

طبعا نسيت انقوللكم اني ماشي على حسابي الخاص

السلام عليكم خوي ...
انا لي فتره في ماليزيا .. وكل القوانين تغيرت .. يعني لو تبي تقراء في معهد ELS  اللي في جامعة UPM او اي فرع اخر .. لازم اتحصل علي الموافقه قبل من المعهد ويبعتلك المعهد قبول الفيزا .. رد بالك اتجي ابروحك معهد ELS  تغيراً في الشروط بالكامل وتما مستحيل انهم يقبلوك بفيزا سياحية .. حذاري من الغلط هذا ... اصبر لاعند ايجيك القبول .. رد بالك تسرع وتجي .. احتما انك مش حتطلع من المطار . وتقعد في الحجز .. رد بالك .. رد بالك .. رد بالك تغلط وتجي بروحك .. اصبررررررررررررررررررر علي القبول .. وبعد ايجيك القبول المعهد حيرسل حد يستقبلك في المطار بيش ايطلعك منه .. لازم اللي يبي ايسجلك اينسق مع المعهد .. في النقطة المهمه هذي ..
ســــــــــــــــــــلام ,,

اني نبي نسجل على المعهد وبعتلهم كذا رسالة هاليومين لكن للاسف مافيش رد مش عارف ممكن على خاطر عيد راس السنة مسكرين الله اعلم عاد انت غادي وتعرف الوضع هذا اولا 

وثانيا اني سئلت انه نقدر نجي بتاشيرة سياحية وبعدين نمشي نقدم على المعهد من غادي وهما يحولولي 
التاشيرة لتاشيرة طالب ولا لا ؟؟

خوي انا قتلك .. هذا شي مستحيييييييييييييييييييييييييييييييييييييييييييييييييييييل .. انك اتجي ELS  وتغير فيزا .. لانه المعهد تغير بالكامل ...

اها باهي صحيت بارك الله فيك يعني نستنى لين تطلع تاشيرة الطالب وخلاص 

خوي ختروشة ولو كثرت عليك لكن سمعت في منتدى ثاني انه دارو نظام جديد ف ماليزيا لدائرة 
التاشيرات والهجرة وانه الفيزا معش تطول زي قبل شهرين وانها اتم خلال اسبوعين لكن ارتفعت 
الرسوم هل هذا صحيح ولا لا ؟؟؟

بصدق المعلومة اللي عندي ان في شركة جديده هي اللي تكون الوسيط بين Emigration و المعاهد والجامعات فقط من اجل التنظيم وليس التسريع ..
اي سؤال تفضل انا قاعد امكسد .. او اتصل بي ع Skype اذا عندك

اها صحيت باهي ماتعرفش شن اسمها الشركة لو سمحت وشكرا

هي شركة حكومية ومتعاملش مع الطلبه انا النعلومه عندي من مواقع النت عليها فقط ..
خوي من الاخير انت شن تبي انا انساعدك .

اها صحيت بارك الله فيك 

خوي اني بعتت اكثر من رسالة ل معهد els ونبي نسجل عندهم لكن مافيش رد وبعتلهم على الفيس ونفس الشيء قولي ليش ممكن مرات على خاطر الكريسمس وعطلة هما مدايرين تسجيل اونلاين والامور تمام لما جيت بنسجل اني نبي فرع كلية upm ف التسجيل الالكتروني مافيش ف قلت انسجل عن طريق الايميل لكن مايبوش يردو واني لتوا قاعد نختم ونترجم ف الورق متعي يعني لو نبي نسجل يبيلي ممكن اسبوع تاني لكن اللي نبيه توا ليش مايردوش عليا

نقدر انا انسجلك .. ونتملك اجراءاتك بالكامل .وفي شهر ايجيك قبول الفيزاء ..

صحيت خوي بارك الله فيك 

خلي انتم وراقيا قبل وبعدين انكلمك

Right

سلام عليكم خوي ختروشة اني درت دورة على النت في المنتديات وبصراحة دخت معش عرفت واحد يمدح في ال els وواحد يقول ماينفعش وقاعد حاير باللهي شن تنصحني في اي معهد نقرا لغة ولو عندك معلومة مافيش جامعات عندهم مراكز لتعليم اللغة من غير هالمعاهد 

وشكرا