تذاكر السفر

السلام عليكم اخواني اريد ان اسال على تذاكر السفر لي استراليا ماهيا الخطوط التي تتعامل معها البعتات و كم تكلفة السفر لو على حسابي الخاص و ماهي الخطوط التي توفر السفر الى استراليا من ليبيا و كم مدة التذكرة

قداش مدة التذكرة سنة 6 اشهور كم بتحديد و انا بنقدم على التذاكر كيف راح اكون بزبط من البعتات قصدي البعتات بتحجز التذاكر على اما خطوط
وكيف راح اتكون الرحلة ياريت حد من المبتعثين الجدد اقولي
و لو على حسابي بنحجز التذاكر كم حق التذكرة

و التنزيت كيف راح اكون طرابلس دبي استراليا و لا في ترنزيت اخر يعني ماليزيا او سنغافورا
نبي نعرف من كيف تطلع من طرابلس لين نوصل بيرث في غرب استراليا اما اقصر خطوط يعني مافيهاش ترنزيت هلبة

نبي نعرف كيفية الرحلة بتفصيل من اول ماتقدم عل التفويض و التذاكر اللي مشا كيف دار بزبط

بالنسبة لغرب استراليا الرحلة كالتالي طرابلس دبي دبي بيرت والخطوط هي الامارتية عن تجربة شخصية والسلام عليكم .

السلام عليكم
ممكن نسأل كم الوزن المسموح به على الطائره
وفى حالة الزيادة فى الوزن كم التكلفه ارجوكم ان تفيدونى
والسلام عليكم

koka كتب:

السلام عليكم
ممكن نسأل كم الوزن المسموح به على الطائره
وفى حالة الزيادة فى الوزن كم التكلفه ارجوكم ان تفيدونى
والسلام عليكم

الوزن المسموح على الافريقية هو 48 كيلو بشرط مقسمين على شنطتين كل واحدة 24 كيلو وهو الاعلى بين شركات الطيران
اما الامراتية فالوزن حاليا هو حد أقصى 30 كيلو ويسمح بشنطة يد واحدة لا يتجاوز وزنها 14 كيلو وشنطة اللاب توب بالتأكيد
القطرية تسمح ب 24 كيلو فقط وبدون تسامح والتركية 30 كيلو
ولا تنسى انه ممنوع الشنطة الواحدة تزيد على 32 كيلو حتى لو تدفع الزيادة وذلك لتسهيل عملية المناولة
وبما أنك طالع من طرابلس أعتقد حيكون فيه شوية تساهل في الوزن خصوصا في الرحلات الطويلة
والتكلفة على كل كيلو تعتمد على بعد المسافة وشركة الخطوط أذكر مرة في رحلة من بكين في الصين الى دبي على الامراتية طلبوا حوالي 100دينار على الكيلو

السلام عليكم
أخي اليومين الماضيين كنت في مبنى البعثات وسألت على قصة ارجاع قيمة التذاكر قالوا لي لانه ليس بالامكان استرجاع القيمة فهذا كان في السابق ويمكن ان تستفسر منهم شخصيا وشكرا

السلام عليكم

نبي نسأل هل لما انقدم على التفويض انقدم على التذاكر في نفس الوقت ولما يطلع التفويض متى تصدر التذاكر وهل ايقدرو اللي الكورس متاعه يبدا قريب ولا لا .. ياريت حد ياجماعة ايفهمني الخطوات بالتفصيل من التقديم للتفويض إلى صدور التذاكر ,

وبارك الله فيكم

السلام عليكم

أختي أخصائية التغدية بارك الله فيك خليك معاي شويه شويه لاني والله خايف هلبا من الموضوع هدا .... أنا كورس اللغة يبدا في 22 \11 ويوم الإلتحاق في 18\11 وأنا نستنا في السي او أي باش انقدم على التأشيرة والتفويض معا بواصل الفيزا بس أنا نبي نسأل كم تاخد التذاكر مدة باش تصدر ياريت تشرحيلي الخطوات متاع التفويض والتأشيرة

السلام عليكم
في الوقت الحالي وحسب تجربة العديد من الطلبة التأشيرة قعدت شهر وبالنسبة للبعثات لما يبدا الكورس قريب هلبا زي حالاتي تمشي الأمور حتى بالواصل وهدا كلام مؤكد والدكتور عبد السلام النويصري طمني بأنه لوتأخرت 10 أيام عن يوم الألتحاق عادي بالنسبة للجامعة بس أنا خايف من المفاجأت وحسب مواعيد الكورس وبإختصار ياإما نبدا اللغة توا ياإما شهر 4 أو سبعة 2011 , بس نبي نعرف قصة التذاكر كيف وأمتا يطلعو .

بالنسبة للكورس الاكاديمي master of laboratory medicine ما بوش يعطوني إلا midyear intakeيعني شهر سبعه ياإما 2011 أو 2012 يعني لو مابديتش توا عندي إحتمالين ياإما نبدا اللغه فيشهر 7 2011 والأكاديمي 7 2012 وهدا متأخر هلبا وبعدين حنفقد ميزة إني إختصرت مدة اللغة بالأيلتس . أو إني نترجاهم وايقدرو ظرفي وهدا مش مضمون وايدخلوني في السمستر الاول 2012 وهدا يعني إني نبدا اللغة في شهر 4 ولو بنحسب الأيلتس يعني نبدا في شهر 7 . أنا كنت متوقع إنهم يعطوني 20 أسبوع حسب نظامهم يعني شهر 1 2011 بس تفاجأت بيهم ولونطلب التأجيل مش حيجيني قبل اسبوعين .يعني هما بالهم واسع هلبا رغم الإيميلات اللي نبعتلهم فيها كل يوم ونقعد سهران للصبح على شان لوكان بعتولي انرد عليهم على طول ومانضيعش وقت .. وبصراحة مع أني عندي قبول حتى من كوينزلاند لكن ما نبيش انضيع الكورس هدا لأنه ممتاز جدا جدا نادر حتى في جامعات تانيا .. إدعولي بس ربي ايوفقني في صراعي هدا مع الوقت ..وبارك الله فيك أختي الأخصائيه على مجهوداتك وتعاونك