ماالفرق بين خدمات السفارة الليبية والمكتب الكندي؟

السلام عليكم//

بالله نبي حد يقولي شنو الخدمات الي يقدم فيها المكتب الكندي لحل مشاكل الطالب؟ دوره (ساعي بريد) كان وزارة التعليم بعتتله الفلوس يصرفها علي الطلبة..معقولة ماتقدرش سفارتنا تقوم بهدا الشغل..علي الاقل لما تتاخر الحوالة من ليبيا السفارة تتصرف ودير في حلول ... وثاني حاجة وين دور اتحاد الطلبة بالخصوص..

ابوالحسن كتب:

السلام عليكم//

بالله نبي حد يقولي شنو الخدمات الي يقدم فيها المكتب الكندي لحل مشاكل الطالب؟ دوره (ساعي بريد) كان وزارة التعليم بعتتله الفلوس يصرفها علي الطلبة..معقولة ماتقدرش سفارتنا تقوم بهدا الشغل..علي الاقل لما تتاخر الحوالة من ليبيا السفارة تتصرف ودير في حلول ... وثاني حاجة وين دور اتحاد الطلبة بالخصوص..

وعليكم السلام
بالنسبة للتعامل مع السفارة مباشرة صعب لان كندا دولة كبيرة ولما يبدا عندك موضوع في السفارة وتبي تمشيلها حق التدكرة يوصل إلى 1000 دولار لكن الطلبة الي في كندا أغلبهم راضي على خدمات المكتب الكندي والطلبة الجدد الي يستكملوا في إجرأتهم ومزال مسافروش غير راضيين عن الخدمة وبعدين الحوالة علاش تتأخر الي نعرفه إنه قبل توقيع أي قرار إيفاد يرصدوا في ميزانية تامة للطلبة الموفدين!! على العموم فيه حلقة مفقودة بين إدارة البعتات والمكتب الكندي

لازم الطالب يصبر على الاجراءات الإدارية الي ان يتم صرف المحنة له بشكل كامل وربما هذا الاجراء يتاخر اكتر من الشهر المهم الطالب لازم يرفع معاه فلوس بزيادة الي ان تتفرج عليه
والنشاء الله ربي يصلح الحال

يا أخي كلامك صحيح .. واقول لك ان الليبيين بطبعهم ما ايحبوش التغيير أو قصدي يخافو من التغيير
يا أخي المكتب الكندي علشان فتحلي ملف وبعثلي رسالة دعم التأشيرة أخرني شهر كامل والسبب كثرت المراسلات والمكتب مشغول... أنا ما عنديش علاقة بزحمة المكتب أنا لازم ينهيلي اجرائي في أسرع وقت

يعني كندا ما فيهاش غير هذا المكتب ؟؟ ليش ما ايجربو يتعاملو مع مكتب تاني ؟؟ ممكن الخدمات بتكون أسرع وأفضل ؟؟ أو على الأقل يوصلولهم معلومة أن الوزارة تقدر تستغني على هذا المكتب !! ممكن بعدها يحسنو خدماتهم شوي

نبي نفهم حاجة..ليش عندنا عقدة الغرب هما خير هما منظميين؟ باهي الطلبة الي يقروي في الساحات الثانية اهو ماعندهمش مكتب زي المكتب الكندي عندهم سفارة خلاص ليش مانكونوا زيهم؟ مرات في حد يقولي السفارة ماتقدرش توفق لان كندا كبيرة؟ يعني خلاص كندا صغيرة بالنسبة للمكتب الكندي...انكلم فيكم واني توة في كندا مش في ليبيا وصاحب تجربة سابقة في السفر للدراسة وواجهتني مشاكل في بداية دراستي والحمدلله السفارة حل جميع المشاكل واتخاد قرارات فورية..وكندا ليست الجنة كما يعتقد البعض.
والله ولي التوفيق

السلام عليكم
نبي حاجه اللي يشكر في المكتب الكندي شني الخدمات اللي يقدم فيها للطالب هو مرات تتصل بيهم مايردوش عليك يمكن مرات يردوا عليك مره  في الشهر وتبعت ايميلات لين تشبع باش يردوا عليك والله الا خساره المعامله اللي يشوف فيها الطالب ويبوا الطالب ينجح ويتفوق كيف هو يايفكر في المنحه يايفكر في التامين اللي وين تمشي يقولولك معاملتهم ماتصلحش والله خساره  ياليبيا

ﻻحظو حاجه االي تتكلمو ع اامكتب الكندي المنحه تنبعت من ليبيا كل تﻻت شهور مجرد ما توصل خﻻل التﻻت شهور ميصيرش وﻻ تأخر في نزول اامنحه اما اخوتنا في ليبيا اللي لحد اﻻن ما بعتوش منحة شهر 1 هادا شن يقولوله وﻻ عادي وبالنسبه لي مرتسﻻت اامكتب مفيش داعي لبعت اﻻيميل اكتر من مره ﻻن هدا مش حيسرع عملية الرد بالعكس هدا حيزيد العدد ويأخر ولو كان في شوية صبر كل شي يمشي ومن خﻻل تعاملي مع اامكتب الرد بصراحه ميتأخرش يعني بالكتير تاني يوم يردو هدا بالنسبه للموجودين في كندا مش الطلبه الجدد واللي يشكر فب السفاره ااااا ياريت تسألو ااطلبه االي تعاملو مع السفاره قبل وهما يحكولكم الوضع كيف كان بالظبط

اولا ..منو الي شكر السفارة؟ تانيا.. ليش تكلمتي علي الفلوس بس. وبالفعل نقدر انقارن بين السفارة والمكتب متاعك الي تشكري فيه ودافعي عليه؟ تعرفي لو المخصصات ماحولوهمش من ليبيا للسفارة وعن تجربة انقولك والله تلقي حلول سريعة من خوتنا في السفارة ..ولد بلادك ولد بلادك؟ بس عقدة الغرب موجودنا عند البعض..الا ما رحم ربي.تالتا..وهدا الاهم بعد سنة اللغة لاقدر الله ماحصلش قبول ما يقطعوش عليك المنحة ويخلوك تشحت..نبي نعرف من الاخت الي دافعت علي المكتب شنو الشي المميز والجديد الي يقدم فيه للطالب من غير المرتبات وتسديد الرسوم يخليه متميز علي السفارة. اقل شي اني دكرت شي ليه علاقة بالنخوة والشهامة من ولد بلادي..مش من اجانب.والله المستعان

نتمنى يكون كلامك صحيح اخي ابو الحسن. وان السفارة حتتعامل معانا بنزاهة...بس نحب نقولك ان حنا ليبيين ونعرفو بعضنا كويس..حيبدا فيها فلان وعلان وولد منطقتي وولد قبيلتي وهدا خوه في الوزارة وهداكا بوه في الجمارك ووو..والمطيح اللي زي حلاتي ليه الله..خوي هذي ليبيا وهذي عقلية معظم رجالها ما نبيش نعمم لان اكيد فيه ناس كويسة ربي يجازيهم خير..وان شاء الله نكون غالط
على فكرة كتبت على حالة صارتلي ايام كان الملحق الثقافي بالسفارة هو اللي يسير في الامور يا ريت تقروها..تلقوها تحت العنوان المنشور " الشبعان ما يندري عالجعان " وصدقوني العدل حتى في الظلم ارحم من المحاباة والواسطة على قلوب البسطاء وعامة الشعب

E. Ahmed كتب:

نتمنى يكون كلامك صحيح اخي ابو الحسن. وان السفارة حتتعامل معانا بنزاهة...بس نحب نقولك ان حنا ليبيين ونعرفو بعضنا كويس..حيبدا فيها فلان وعلان وولد منطقتي وولد قبيلتي وهدا خوه في الوزارة وهداكا بوه في الجمارك ووو..والمطيح اللي زي حلاتي ليه الله..خوي هذي ليبيا وهذي عقلية معظم رجالها ما نبيش نعمم لان اكيد فيه ناس كويسة ربي يجازيهم خير..وان شاء الله نكون غالط
على فكرة كتبت على حالة صارتلي ايام كان الملحق الثقافي بالسفارة هو اللي يسير في الامور يا ريت تقروها..تلقوها تحت العنوان المنشور " الشبعان ما يندري عالجعان " وصدقوني العدل حتى في الظلم ارحم من المحاباة والواسطة على قلوب البسطاء وعامة الشعب

اولا..انت قلت كلمة؟ (اني مطيح ماليا غير الله)..هل تعتقد ان الله ح يخدلك لالالا والله اخي..قال جل وعلا في كتابه،بسم الله الرحمن الرحيم.. ومن يتق الله يجعل له مخرجا ويرزقه من حيث لا يحتسب..صدق الله العظيم.
تانيا.. ومن قالك ان المكتب الكندي مايبزنشش بينانقصد الطلبة؟ الكمال لله..بدون شرح التفاصيل. والله الدي لا اله الا هوماعندي من وراء تزكيتي للسفارة اي مصلحة شخصية الا مصلحة عامة تشمل الجميع............ والله المستعان

يا ابو الحسن بالمختصر المكتب ياخد في عموله واضحه للمختصين اما السفاره حياكلوا ناقة الله وسقياها بعدين باسم الطلبه الغلابه

شكرا ليك أخي علي الذيب على التذكير..ومن كان مع الله كان الله معه واننا لنحسن الظن بالله ..وعليه توكلنا وهو نعم الوكيل..مش القصد بكلامي ما لينا الا الله ان الله سيخذلنا حاشى لله..الله ارحم بعباده. انما هي كلمة تقال لتبيان ان الله سبحانه وتعالى اعلى واجل واقدر واقوى واكرم من اي عبد.. على كل اشكرك أخي على التذكير والحمد لله رب العالمين. اما حديثي عن السفارة فهو وجهة نظر خاصة قد اكون مخطيء وقد اصيب..

تني مدافعتش عن المكتب بس السفاره هي هات تقدم خدمات للطلبه وندكرلك احدى معمالات ااسفاره بعد ادن اﻻخت حنان قريت قصتها كاتبه ان الشقه اللي فوقهم انحرقت وانحرقت معاها شقتهم بالكامل وتقريبا اصبحو فالشارع واول شي داروه اتصلو بالسفارة وتوقع شن قالولهم وﻻد بﻻدنا يا اخ ابو ااحسن قالولهم انتو جايين عاى حسابكم وﻻ عندكم ايفاد

تاني شي من قالك ان السفاره اللي هني ادير في حلول سريعه لو تأخرت المخصاصات وتقدر تسأل زي ما قتلك الطلبه اللي تعاملو مع السفاره من قبل وحيحكوولك وانت لو تعاملت مع ااسفاره في بلد تاني وكانت كويسه هدا ميدلش على ان السفاره هني نغس الشي وعﻻش المكتب مسببلك عقدة للدرجه هادي وبالنسبه لي سنة اللغه وقطع المنحه اعتقد ان القانون هدا موجود فالبعتات ان اللغه مدتها سنة مش اكتر وهدي مدة كافية ان الواحد يتحصل على قبول اكاديمي

beba89 كتب:

تني مدافعتش عن المكتب بس السفاره هي هات تقدم خدمات للطلبه وندكرلك احدى معمالات ااسفاره بعد ادن اﻻخت حنان قريت قصتها كاتبه ان الشقه اللي فوقهم انحرقت وانحرقت معاها شقتهم بالكامل وتقريبا اصبحو فالشارع واول شي داروه اتصلو بالسفارة وتوقع شن قالولهم وﻻد بﻻدنا يا اخ ابو ااحسن قالولهم انتو جايين عاى حسابكم وﻻ عندكم ايفاد

الله يبارك فيك يا اختي و الحق اني ما حبيت نستخدم قصتي مع السفارة خوفا من ان حد يقول تعممي بس هما خذلونا و بالحرف الواحد قالولي  (خايفين باقي الطلبة الليبيين يطمعوا فينا ) !!!!! و حتى اتصال يطمنوا علينا ما كلفوا انفسهم في الوقت اللي فيه الصليب الاحمر الكندي يتصلوا بينا كل يوم و احني مسلمين !!!!!
الحمد لله على كل حال

مشكورة اخت حنان وزي ما قلتي الحمدالله على كل حال بس يا ريت اﻻخ ابو الحسن اللي يتهم فينا يشوف الرد من خوتنا ( خوفا من باقي الطلبه يطمعو فينا ) بالله الواحد شن بيقول

أخي ابو الحسن..مع اني نوهت على اني كتبت رد في نفس الموضوع تقريبا غير بعنوان اخر ومن حد تاني...بس حبيت ننسخه وانزله هنا لعلك تفهم المقصد..

ميزة المكتب الكندي انه ما يعرفش هدا ولد فلان والا علان والا هدا من قبيلة كذا او كذا..ويخاف على سمعته لانه ما يخدمش في الليبيين بس... والحق انا مع العدل ولو في الظلم..لانه قبل المكتب الكندي كنا نشوفو في القهاير بعيونا غيرنا واخد حقه وحق غيره ويخش على الملحق الثقافي ويدف في الباب برجله وحنا من الباب هدا كان سمحولنا نخشو مرات يقولك مش فاضي عندي اجتماع...نذكر وحدة من المرات كنت نطالب ببدل كتب سنة 2009 ..ما عطوهاليش..جى واحد من جماعة.... ما نبيش نقول لاي قبيلة ينتمي المهم من القبائل اللي كانت واصلة وقت المقبور..قالي انا جاي بناخد فلوس متع مرتي من حقها تقرى لغة وانا بناخدهم كاش وما نبيهاش تقرا..تعرفو!! خداهم 13700 دولار كاش ..من قبل ما يدفع وبفاتورة مبدئية ومرته لا قرت ولا دخلت لغة ولا حسيب ولا رقيب..لذلك العدل مهم الحق حتى في الظلم..المهم كلنا سواسية وكلنا ليبيين..وهدي مش حنلقوها الا بالمكتب الكندي وفق معطيات ثقافة واساليب رؤوس الدولة في الوقت الحالي..وتبقى وجهة نظر شخصية....سامحوني طولت عليكم

E. Ahmed كتب:

أخي ابو الحسن..مع اني نوهت على اني كتبت رد في نفس الموضوع تقريبا غير بعنوان اخر ومن حد تاني...بس حبيت ننسخه وانزله هنا لعلك تفهم المقصد..

ميزة المكتب الكندي انه ما يعرفش هدا ولد فلان والا علان والا هدا من قبيلة كذا او كذا..ويخاف على سمعته لانه ما يخدمش في الليبيين بس... والحق انا مع العدل ولو في الظلم..لانه قبل المكتب الكندي كنا نشوفو في القهاير بعيونا غيرنا واخد حقه وحق غيره ويخش على الملحق الثقافي ويدف في الباب برجله وحنا من الباب هدا كان سمحولنا نخشو مرات يقولك مش فاضي عندي اجتماع...نذكر وحدة من المرات كنت نطالب ببدل كتب سنة 2009 ..ما عطوهاليش..جى واحد من جماعة.... ما نبيش نقول لاي قبيلة ينتمي المهم من القبائل اللي كانت واصلة وقت المقبور..قالي انا جاي بناخد فلوس متع مرتي من حقها تقرى لغة وانا بناخدهم كاش وما نبيهاش تقرا..تعرفو!! خداهم 13700 دولار كاش ..من قبل ما يدفع وبفاتورة مبدئية ومرته لا قرت ولا دخلت لغة ولا حسيب ولا رقيب..لذلك العدل مهم الحق حتى في الظلم..المهم كلنا سواسية وكلنا ليبيين..وهدي مش حنلقوها الا بالمكتب الكندي وفق معطيات ثقافة واساليب رؤوس الدولة في الوقت الحالي..وتبقى وجهة نظر شخصية....سامحوني طولت عليكم

السلام عليكم ،،،
أنا أوافقك الرأي مئة بالمئة والله يوفق الجميع