حل لمشكلة الفندق في الترانزيت للجميع انتباه

السلام عليكم
اخوتي اخواتي مساء الخير بالنسبة لموضوع الفندق في حاجة مهمة عند الحجز وانت عند موظف المبيعات لما ايقولك المبيت على حساب الشركة لازم تاخد منه فاوتشر زي الواصل فيه تأكيد

 الحجز وفيه رقم الفندق وتزيدوا تتأكدوا من الحجز بنفسكم والمفروض لما (ايقولولك ما عندكش حجز لازم تطلب منهم مقابلة السوبر فايزر امتع المطار يخدم 24ساعة ومهمته متابعة

 الشكاوي او مدير المحطة للخطوط المسافر عليها )لان لو قالولك ما عندكش حجز معناها الغلطة غلطة الخطوط مش غلطتك انت وتحاسبهم عليها ويردولك المبلغ او يسكنوك على حسابهم في

 اي فندق داخل  المطار انا موظفة في شركة خطوط لاكثر من 7 سنوات والحالات هذه مارة عليا هلبة ارجو نشر الموضوع للفائدة...... تحياتي للجميع

شكرا جزيلا ام محمود

بارك الله فيك

اولا شكرا يا ام محمود
وثانيا المفروض منك وانت خبره ماشالله انك تبادري بطرح الافكار والنصائح والمشاكل المتوقع حصولها للمسافر في المطار والطياره وطرح الحلول لها خدمة لخوتك الطلبه .

السلام عليكم
بعد التحية ,,,,

طبعا اكيد لا شكر على واجب انا ليبية ونحب الليبيين هلبة وانا جاهزة لاي استفسار كان وبالي واسع. غير مش ديمة عندي فضوة وسعوا بالكم معاي شوية عندي ظرف ادعوا لي ربي يشفي زوج اختي اللي هو في مكانة اخ عزيز جدا
               بالتوفيق للجميع

ربي يشفيه ان شاء الله

ام محمود بارك الله فيك واي معلومة تعطيها تجزي عليها لانها خير ومساعدة لخوتك ..مش مفروضة عليك بل من رحابة صدرك وحبك لاخيك المؤمن

ربي يكتر من امثالك

اللهم رب الناس اذعب الباس عن زوج اخت ام محمود واشفه شفاء لا يغادر سقما .

في حالة واحد فقط يتم حجز لمسافر فندق , اذا كانت مدة الانتظار اكثر من 13 ساعه واقل من 25 ساعه .

اي في هذه الحالة سيتم منحك اقامة لليلة في فندق 4 نجوم على

حساب شركة للطيران سواء كان الامر بحصولك على فاوتشر اثناء

شراءك للتذكرة , او حتى اثناء الترازينت بامكانك وقتها المطالبة

للمبيت في فندق ولكن يجب ان تذهب في المطار للخطوط التي ركبت

منها وخم مجبرين بتوفير السكن لك , ويجب ان تذهب مباشرة لهم

عند وصولك للمطار في الترازينت وهذه من تجربة شخصية لاكثر

من مرة .

ﺑﺎﺭﻙ ﺍﻟﻠﻪ ﻓﻴﻚ على مجهودك ونصايحك

بارك الله فيكم

شكرا جزيلا أم محمود ونرجو من الله شفاء زوج أختك