ايهما افضل..الخطوط التركيه ام الخطوط الانقليزيه

بالتفصيل لو سمحتم

dhnos كتب:

بالتفصيل لو سمحتم

بالنسبة للانجليزية اريح والتاشيرة امتاع مطارهيترو 24ساعه تاخدها وتبات ليله فى فندق جنب المطار وما تتعبش بكل المشكلة فى البيات بس اما التركيه متعبه هلبه لانك بتمشى من طرابلس الى اسطنبول وبعتالى الى كندا الى عنده صغار انفضل الانجليزيه

يا طارق لما تاخد تاشيرة 24 ساعه يحقلك تمشي لاي مكان خارج المطار بدون قيود يعني بحريه تامه خلال مدة ال 24 ساعه ؟

على الدين الديب كتب:

يا طارق لما تاخد تاشيرة 24 ساعه يحقلك تمشي لاي مكان خارج المطار بدون قيود يعني بحريه تامه خلال مدة ال 24 ساعه ؟بدون قيد ولا شرط ادهور فى لندن كلهاالمهم تكون قبل رحلتك بساعتين فى المطار

ماشاء الله أخي دحنوس خلاص بتسافر؟ ربي يتمملك ع خير.
بالنسبة للخطوط ياريت توضحولنا عن الخطوط التركية بالتفصيل، الانجليزية فيها موضوع مثبت قعدت التركية كان فيه صاحب خير يشرحلنا عنها بالتفصيل وبعدين الواحد وراحته يقارن ويختار

بالنسبة للخطوط التركية هي خياري المفضل لو لم أكن مضظرا لغيرها ،،، جربتها عدة مرات وجربت العدبد من الخطوط الأخرى ... باختصار الشركة خدماتها ممتازة ، الضيافة في الطائرة غاية في الكرم بالأسلوب الراقي ووجبات الحلال الرائعة ...
لو عندك ترانزيت طويل (مبيت مثلا)  يعطوك فندق 4 أو 5 نجوم على حسابهم مع وجبة الإفطار ، والنقل من المطار للفندق وبالعكس ...
بالإضافة إلى سهولة الدخول والخروج للمطار حيث لا نحتاج تأشيرة لذلك ...

السلام عليكم ،،،
قي هذا الرابط سوف تجد كل ما يخص الخطوط الانجليزية والشكر موصول للأخ Osama 44 على سرد تجربته بالتفصيل.

http://www.almofad.com/t20404-topic

شكرا على الرد ...لا والله خوي i.thesecret اني حتى التاشيره متحصلتش عليها ...الجمعة بس دزولي FSL فمتوقع السبوع هذ توصل التاشير ...لكن هو كما قال الطغرائي 
أعــــــللُ النــفــس بالآمــــال أرقـــــــبــها *** ما أضـــــيق العــيــش لولا فُســـحــة الأمل

dhnos كتب:

الجمعة بس دزولي FSL فمتوقع السبوع هذ توصل التاشير ...لكن هو كما قال الطغرائي 
أعــــــللُ النــفــس بالآمــــال أرقـــــــبــها *** ما أضـــــيق العــيــش لولا فُســـحــة الأمل

بنسألك بالنسبة ل FSL هل استلمتها من السفارة الكندية في البرج؟

لا بعثولي  ايميل علي بان الرساله مشت للسفاره

أنا رأيي معاك يامتوكل علي الله لآني أيضاً جربت الخطوط التركية من حيث الخدمات والمبيت والأكل الحلال وتوكل علي الله

شكرا للاخوة الى شاركوا..البقيه  توين يا شباب ...طلعتوا لكندا وفتونا ...نبو تفصيل على الخطوط التركيه بالله من ا الى ب ...
 مـن أحـب الأعـمـال إلـى ألـلـه : سـروراً تَـدخـلـه عـلـى قـلـب مـسـلـم .

فقال رسولُ الله : ((أحبُّ الناسِ إلى الله تعالى أنفعُهم للنّاس، وأحبّ الأعمال إلى الله سرورٌ يدخِله إلى مسلمٍ أو يكشِف عنه كربةً أو تقضِي عنه دينًا أو تطرُد عنه جوعًا، ولأن أمشيَ مع أخٍ في حاجةٍ أحبّ إليّ مِن أن أعتكِفَ في هذا المسجد ـ يعني مسجدَ المدينة ـ شهرًا، ومن كفَّ غضبَه سترَ الله عورته، ومن كظمَ غيظَه ولو شاء أن يمضيَه أمضاه ملأَ الله قلبَه رجاءً يومَ القيامة، ومن مشى مع أخيه في حاجةٍ حتى تتهيّأ له أثبتَ الله قدمَه يوم تزول الأقدام، وإنَّ سوءَ الخلُق ليفسِد الدّين كما يفسِد الخلُّ العسل)) الحديث رواه الطبرانيّ في الكبير وابن أبي الدنيا في قضاء الحوائج

بارك الله فيك يا دحنوس علي الاختارات الطيبه .

فعلا موضوع كويس ياريت الى عنده تجربه يخبرنا

كويس اجراءاتك للسفر وصلت خوي دحنوس ^_6 .. بالتوفيق في لباقي 

الجق في من يشكر الانجليظية لانها تمننح تاشيرة 24 ساعة تبات ليلة في فندق وتجي قبل رحلتك ياعني لو بروحك وكانك تتدهور في لندن ^_^ وراحة للرحلة اللي بعدها ...بس يذمو في ماكلتهم قالو سلايط وخضروات ياعني ماتشبعش بالنسبة لينا حني او انك تنبه في الغالب لما تطلب وجبة اسلامية تكون محتوياتها يا خضروات يا ماكولات بحرية بس مش عارفة ليش مافيش حد شكرها ...

التركية تبات قداش تبي في تركيا لانتها اصلا بدون تاشيرة الي جانب ماكلتهم اللي حني في ليبيا تلت ارباع ماكلتنا تركية واضافة الي تركيا حلوة (سياحة ) ^_^... الحق من كلام الاغلبية لحد الان وقاعدة نحسب ونعاود وكله بمشئة الرحمن نسبة التركية افضل عن الانجليزية والالمانية والله اعلم يا خوي .... 

الالمانية للعلم تشحويييييييييير في المطار ما توده لعدو ...ومجبور انك تستني في المطار الا لو عندك تاشيرة ..

سراب الحقيقة كتب:

كويس اجراءاتك للسفر وصلت خوي دحنوس ^_6 .. بالتوفيق في لباقي 

الجق في من يشكر الانجليظية لانها تمننح تاشيرة 24 ساعة تبات ليلة في فندق وتجي قبل رحلتك ياعني لو بروحك وكانك تتدهور في لندن ^_^ وراحة للرحلة اللي بعدها ...بس يذمو في ماكلتهم قالو سلايط وخضروات ياعني ماتشبعش بالنسبة لينا حني او انك تنبه في الغالب لما تطلب وجبة اسلامية تكون محتوياتها يا خضروات يا ماكولات بحرية بس مش عارفة ليش مافيش حد شكرها ...

التركية تبات قداش تبي في تركيا لانتها اصلا بدون تاشيرة الي جانب ماكلتهم اللي حني في ليبيا تلت ارباع ماكلتنا تركية واضافة الي تركيا حلوة (سياحة ) ^_^... الحق من كلام الاغلبية لحد الان وقاعدة نحسب ونعاود وكله بمشئة الرحمن نسبة التركية افضل عن الانجليزية والالمانية والله اعلم يا خوي .... 

الالمانية للعلم تشحويييييييييير في المطار ما توده لعدو ...ومجبور انك تستني في المطار الا لو عندك تاشيرة ..

بالنسبة للألمانية اللوفتهانزا لو قعدين زي قبل لما سافرت معاهم مضطر قبل عدة سنوات ،،، ما تقدرش تطلع من المطار بغض النظر على ساعات الترانزيت ، وحتى لو كان الترانزيت ليلة تامة تقضيها في المطار على كراسي لعند موعد الرحلة الثانية ...

تعقيباً على كلام أختنا سراب الحقيقة ،،، التركية لو كان الترانزيت ليلة بعطوك فندق على حسابهم مع الإفطار و المواصلات كما وضحت في المساهمة في الأعلى ،،، ولو كان في شخص يبي يقضي أكثر من ليلة في اسطنبول في هذه الحالة لا بحق له المبيت على حساب الخطوط ، يعني يستأجر سكن على حسابه الخاص ، واحتمال حقائبه يطلعها معاه من المطار ويرد يشحنها في الرحلة التالية ...

الإنجليزية حتى هي لي تجربة معاهم ذكرت تفاصيلها في منتدى المملكة المتحدة ، ولكن الحقيقة الخطوط لم تكن بالمستوى المطلوب و المتوقع ،،، لذلك أفضل التركية حسب تجربتي الطويلة معهم ...

السلام عليكم...فيه المغربية والجزائرية والاردنية للي بينزل في مونتريال...حتى هما اكل حلال وما يبوش تأشيرة ياخي المغربية لو فيه مبيت على حسابهم..حاجة وحدة بس دوشة الصغار في المغربية..بس رحلتها قصيرة. وقريب تبدا التونسية ...عقبال الليبية او الافريقية والا البراق...توصلو بالسلامة

اخي الكريم ادا كنت مسافر الى مدينة تورنتوا انصحك بالخطوط التركيه وخاصتا ان كانت معاك عائله فكل سبل الراحه متوفره واهم شئ الاكل الحلال بجميع اصنافه ولو لديك ترانزيت فا سوف يكون في فندق خمسة نجوم الصراحه انا جربت التركيه وكانت ممتازه على كل المقاييس

اني مع الخطوط التركيه وسافروا معها ولن تندموا وخاصه من لديه اطفال مع اقامه في فندق 4نجوم والأكل الحلال والراحه في السفر وبالسلامه

ماقلتوش اما احسن

يعني التركيه وبعدين الرحله الداخليه لاتاوا

خو يدحنوس توة حاليا معاش في خيار الا التركية لانه اللباقي ملغيات

والداخلية مافيش ولا واحد قالنا شن نوعها ^_^ لتوة

هنا توضيح بسيط حول الرحلة الداخلية ...

http://www.almofad.com/t26696p15-topic