السلام عليكم
بنقولك ياخوي فارس كانك انت تخصصك طبي وتبي تجي تقرا في ماليزيا يمشي معاك المثل اللي يقول (جت منك ياجامع جيت نصلي لقيتك مسكر) انا متواجد بالساحة الماليزية بغض النضر عن ابعاد القرار, هما اصلا الماليزيين لعند اليوم يبعتوا فى خيرة اولادهم الاوائل بتعينهم والمعيدين لاوروبا وامريكا واللي يقروا معانا من الماليزيين من اولادهم رقادين الارياح والا خيرة اولادهم يدزوا فيهم برا ويرجعوا باحسن تعليم
واحنى الحمد لله توة جينا زبدينا لكن اللي ما جاء مايجيش لماليزيا
فهما يشحطوا علي اليبيين وكل طلبتهم بتعين الطب والا سنان يقروا برة
بالله سلم ولد عمى لاتمشي لسفارة ولا تخسر حق التاكسي والا البنزينة اللي بتمشي بيها برا للتعليم العالي وشوف الساحات الاوروبية والامريكية المفتوحة وتوكل على الله وقدم فيها تربح لا ماليزيا لا اندونيسيا
وتقدر تقرا عندى مواضيع كاتبها من قبل في النتدى واطلع عليها مرات تقول الراجل صايرتله مشكلة مع الماليزيين ومتحامل عليهم
والله ولي التوفيق
