تأشيرة كندا اون لاين

اي معلومة على تاشيرة كندا اون لاين انا جاهز والله يوفق الجميع لما فيه الخير!

وانا جاهزة باللي نعرفه ^_^ 

علي فكرة تصريحات الدخول اللي طلبة اللي يستو فيها قالت السفارة اليوم انه في تاخير ولخبطة في تونس في اصدار التصريحات ياعني ممكن يتاخرو لنهاية الاسبوع ان شاء اللله وتوصل للطلبة اللي تاشيراتهم جهزت وتعلقت.

مع انه اليوم عطلة بس الاسفارة الكندية تشتغل

السلام عليكم معليشي يا اختي اني خديت التاشيرة من برج طرابلس وقالتلي العزيز انا لازم توصلني رسالة علي الايميل نوريها لموظف في المطار وقت بنسافر ولكن إلي الان لم تصلني الرسالة.
ماهي هذه الرسالة لماذا يجب ان تصلني ولماذا لا استطيع السفر من دونها مع العلم ان التاشيرة موجودة في الجواز

تصريح الدخول ضروري ياخوي

خوي فكرون لازم توصلك لانها يطلبوها عليك في المطار بتاع تصريح الدخول لكندا ا. ارسلهم الايميل هو ع العموم فيه ضغط عليهو ف الاسلوع هذا في تونس وقالتلي اليوم حيحاولو يبعتوها نهلية الاسبوع للطلبة

عند التقدم اون لاين يطلبfsl رسالة الدعم للغرض التٱشيرة من المكتب الكندي في الفترة الاخيرة النكتب الكندي توقف عن ارسال هذه الرسالة الي الطالب بل يقوم ارسالها للسفارة مباشرة . عندما cic يطلبها شن ندير انقوله قاعدة في السفارة ولا شنو

mahmoudsalm كتب:

عند التقدم اون لاين يطلبfsl رسالة الدعم للغرض التٱشيرة من المكتب الكندي في الفترة الاخيرة النكتب الكندي توقف عن ارسال هذه الرسالة الي الطالب بل يقوم ارسالها للسفارة مباشرة . عندما cic يطلبها شن ندير انقوله قاعدة في السفارة ولا شنو

المكتب الكندي يبعتها طول للسفارة والموقع سي اي سي يرسلك ايميل لاستلام تاشيرتك من السفارة او  vac ياعني من المفترض انه الموقع واصلاته رسالة المكتب للكندي ولهالسبب صدرولك التاشيرة مجرد تخمين لاني راسلت جمانة وماردتش وقلت لمكتب حس الاندلس والسفارة وكان ردهم هكي انه اي رسالة توصل من مكتب كندا علي طول ليهم وع ضوء هالرسالة يوصلو لقرار اصدار التاشيرة من عدمه....مع انه لما تخش لاكاونتك في الس اي سي تلقي انهم دايرلنك اب ديت شبه كل تلاته ايام ومازال خانة رسالة المكتب الكندي مطلوبة وفيها ليميت تايم...الله اعلم المهم خوذ تاشيرتك اول مايقولولك جاهزة وخلاص وهو يتصرفو مع بعضهم ^_^

السلام عليكم
باه والى بيقدم اونلاين واعزب هو ومش موظف من وين بيجبلهم رسالة من العمل وكيف بيتبتلهم انه بيروح ..شن تنصحوناااااااااااا وشكرا

انا موفد لدراسة اللغة لمدة 6 أشهر واستلمت التاشيرة على اساس زائر وكانت التاشيرة لمدة 3 سنوات وشهرين اى الى يوم 10مارس 2017م  هل حتى انا يلزمنى الحصول على ادن الدخول
للعلم ان موفد من جهة عامة مش من التعليم العالى ، بالله اللى عنده معلومة يفيدنا وربى يرحم والديه .

يدّر ورغ كتب:

السلام عليكم
باه والى بيقدم  اونلاين واعزب هو ومش موظف  من وين بيجبلهم رسالة من العمل وكيف بيتبتلهم انه بيروح ..شن تنصحوناااااااااااا وشكرا

خوي بدر رسالة العمل مش مشكلة مرة انا قدمت علي الملطية والمكتب اللي قدمت فيه في شارع مقابل السفارة امالطية دارلي رسالة عمل ع اساس نخدم معاهم واجازة وهلبة كلام خلصته عشرين دينار لكن في الكندية مانعرفش مش تقول قالتلي لانه حتي باحت عن عمل ف اجراءات تي تاشيرة تثير للشك الحق... وكيف تبت هيا نفس الرسالة تقول انك اجازةمن والي ومكانك محفوظ لعند ماترجع.

شكرا ليك سراب
ملاحظة اسمى يدّر وليس بدر
تحياتــــــــــي

يدّر ورغ كتب:

السلام عليكم
باه والى بيقدم  اونلاين واعزب هو ومش موظف  من وين بيجبلهم رسالة من العمل وكيف بيتبتلهم انه بيروح ..شن تنصحوناااااااااااا وشكرا

السلام عليكم
قدم اون لاين وانشالله لا يطلبوا منك رسالة من العمل. ولا اثبات انك بتروح.
هذا ايام قدمنا شهر اكتوبر وانشالله الحال مازال
والله يوفق الجميع

رحال رحال كتب:

انا موفد لدراسة اللغة لمدة 6 أشهر واستلمت التاشيرة على اساس زائر وكانت التاشيرة لمدة 3 سنوات وشهرين اى الى يوم 10مارس 2017م  هل حتى انا يلزمنى الحصول على ادن الدخول
للعلم ان موفد من جهة عامة مش من التعليم العالى ، بالله اللى عنده معلومة يفيدنا وربى يرحم والديه .

السلام عليكم
اللي موفد دراسة لازم تكون معاه رسالة طالب.
انت ايضا يلزمك تصريح دراسة .
راسل السفارة يبعثولك تصريح دراسة لو انت قدمت طالب.
لو انت قدمت زائر راسلهم للحصول على تصريح وهذا يعني احصول على قبول لغة من هناك.
او السفر وتقديم تصريح طالب من هناك اون لاين وخلال اسبوعين انشالله يصلك التصريح.
والله يوفق الجميع

تصريحات الدخول بدو في ارسالهم للي معطلين عليهم تنبعت رسالة لايميلك في السي اي سي مش ع الايميل هدا اللي مقدمين اون لاين .....صفو وضعهم وصفت لخبطتهم\تونس وفي نهاية الرسالة تلقي العنوان السفارة الكندية تونس

االسلام عليكم جميع الاخوة في المنتدى انا متحصل فرصة للدراسة فى كندا واريد ان اتقدم على دعم التأشيرة ولكن فاجأني بعض الاخوة بأخباري بانه هناك قرار يجبر الذي يريد ان يجدد جوازه وهو في الخارج ان يرجع الى ليبيا لإصدار جواز سفر جديد مع العلم انى ارغب في السفر انا وزوجتي ومعي اطفال مرفقين مع امه مع العلم بان صلاحية زوج سفري حتى 2017 ولكن زوج سفر زوجتي حتى شهر 12-2014 واستفساري هو كمايلى

القرار صدروه جديد وفي صدد التنفيذ لانه فعلا بدو في الاصدارات للجوازات الالية الجديدة...اخي نصيحة استخرج جواز جديد لزوجتك واطفالك بروحهم اختصار لمتاعب القدام... وجوازك مافيشي مشكلة اصلا الجوازات القديمة كلهم نهايتهم 2017 بعدها اجباري حيصدرو الجديد.كان حيانا الحي.... استفسر ع طلبة تمت امورهم بالاصدار الجديد وتم التعميم ع الجديد من غير اشكاليات ولا لا لانه من اسبوع يتناقشو ع مدي صلاحية الجديد والتعميم ليه البرة مازال ...والله اعلم

السلام عليكم ...نبي نسأأل في حد دفع عن طريق فيزا كارد مصرف الامان.. وياريت اللي عنده معلومه يقوللي لاني نبي ندفع عن طريقها ومش عارفه يصير منها ولالا..

انا لم اجرب ولكن كثير من اللي جرمو قالو ما تخدمش الحل انك اتشوف مكاتب السفر والسياحة اتليهم يدفعو عليك..

تفاح اخضر فيزا الامان ماتمشيش للدفع اون لاين...

السلام عليكم  .....  بالله ماهي الاوراق المطلوبه للتقديم ع التاشيرة الكنديه اون لاين  ؟؟؟ وما الفرق بينه وبين التقديم من خلال مكتب حي الاندليس مع العلم انا  واخد موعد يوم 25-2-2014...  ولقد فتحت ملف في المكتب الكندي وقالولي بعتنا رسالة دعم التاشيرة للسافرة الكنديه من الاسبوع الماضي

لو مستعجل وانت عازب او معك عائلة صغيرة قدم اونلاين افضل لان اسرع بس لازم تكون عندك فيزا كارد تخلص بيها او قدم عن طريق مكتب....بالنسبة لمكتب حي الاندلس ياخد وقت اطول ومرات يردوك علي اتفه سبب بعدما تكون راجيت موعدك وقت طويل زي ماصارلي اني ردوني علي خاطر شهادة براءة قالولي طايحة وهي مش طايحة يعني سبلة...وكل شي بتساخير الله......اني تكلمت بصيغة الدكر افتراضيا لاني مفهمتش الاسم....الله الموفق....اي اسفسار اني في الخدمة

سارة فارس كتب:

لو مستعجل وانت عازب او معك عائلة صغيرة قدم اونلاين افضل لان اسرع بس لازم تكون عندك فيزا كارد تخلص بيها او قدم عن طريق مكتب....بالنسبة لمكتب حي الاندلس ياخد وقت اطول ومرات يردوك علي اتفه سبب بعدما تكون راجيت موعدك وقت طويل زي ماصارلي اني ردوني علي خاطر شهادة براءة قالولي طايحة وهي مش طايحة يعني سبلة...وكل شي بتساخير الله......اني تكلمت بصيغة الدكر افتراضيا لاني مفهمتش الاسم....الله الموفق....اي اسفسار اني في الخدمة

 بارك الله فيك ....
بالله ماهي المستندات المطلوبه للتقديم من خلال مكتب حي الاندلس بزبط ؟؟؟ لانه موعد يوم 25\2 ان شاءالله ... شكرا
خوك :- منصور

http://www.almofad.com/t16261-topic  شوف الرابط هذا

السلام عليكم 
بالله نبي نستفسر منك اخت سارة كيف قمت بدفع الرسوم عندالتقديم على التاشيرة  الكندية اون لاين وكذالك ماذاتقصدين  بشهادة البرءة هل هى شهادة الخلو من السوابق؟؟

نعم هي شهادة الخلو من السوابق....اني قدمت عن طريق مكتب يعني هما دفعوا عليا....