الاخوة الدارسين بماليزيا

السلام عليكم ورحمة الله وبركاته
...نتمنى من الاخوة الدارسين بماليزيا مساعدتي بالتاكد من ان جامعة Lincoln University college 
 هل هيا معتمدة او لا من الملحقية الليبية بماليزيا تخصص اللغة الانجليزية...
حيث ان صديقي متحصل منها على قبول وسيدرس بها لغة ثم ماستر لغة انجليزية وهو سيسافر قريبا...
نامل من الاخوة مساعدتي حتى لاتحدث اي مشكلة عندى وصوله وعدم دفع السفارة لرسوم الدراسة...
تحياتي......

حسب القرار الاخير فان اي جامعة اذا معتمدة من وزارة التعليم العالي الماليزية فهي معتمدة عند الدولة الليبية.

ان شاءالله لو في حد من الموفدين عنده معلومة اكيدة يساعدك

بارك الله فيك اخونا اجبارة... ونتمنى من الاخوة الذين يملكون المعلومة الا يبخلوا بالاجابة لان صديقي في حيرة كبيرة جدا بين الذهاب والمغامرة او التاجيل......

!!!!!

السلام عليكم
انا ايضا يهمني الموضوع فمن لدية معلومة ارجو الرد.. وهل هده الجامعة تعطي في ايقامة للمرافقيين و شكرا

اول مرة نسمع بيها الجامعه هادي ؟؟؟ نصيحه اخويه ادرسو في الجامعات الحكومية المعروفة.

يا محمد هده جامعة خاصة تاسست كمعهد عالي في عام 2002 تم تحولت لتصبح جامعة في 2011.
متل ما قالك sayra, الافضل تشوف جامعة حكومية, وحاول بقدر الامكان ان تبتعد عن الجامعات الخاصة : ماليزيا فيها 6 جامعات كبرى:
جامعة الملايا university malaya
الجامعة الماليزية الوطنية UKM
جامعة بوترا UPM
جامعة العلوم الماليزية USM
الجامعة العالمية الاسلامية UIA
جامعة التقنية الماليزية UTM

شوف كدلك هدا الموضوع 
http://www.almofad.com/t19804-topic?highlight=%D8%A7%D9%84%D8%AC%D8%A7%D9%85%D8%B9%D8%A7%D8%AA%D9%89%D8%A7%D9%84%D9%85%D8%A7%D9%84%D9%8A%D8%B2%D9%8A%D8%A9+%D8%A7%D9%84%D9%85%D8%B9%D8%AA%D9%85%D8%AF%D8%A9

اجبارة كتب:

حسب القرار الاخير فان اي جامعة اذا معتمدة من وزارة التعليم العالي الماليزية فهي معتمدة عند الدولة الليبية.

ان شاءالله لو في حد من الموفدين عنده معلومة اكيدة يساعدك

"اي جامعة معتمدة من وزارة التعليم العالي الماليزية فهي معتمدة عند الدولة الليبية" ليس مقياس من وجهة نظري.
معضم الجامعات الخاصة في ماليزيا معتمدة من وزارة التعليم العالي الماليزية.
الموضوع فيه بزنس, الجامعات الخاصة تسعى للربح فقط و الحكومة الماليزية تستفيد من هدا بجمع الضراائب.
شوف معضم الماليزين المتوفقين و الاوائل يتم ايفادهم للخارج و البعض الاخر يدرس في جامعات حكومية في ماليزيا

عدل سابقا من قبل abdalla133 في السبت 08 فبراير 2014, 9:32 am عدل 2 مرات

abdalla133 كتب:

اجبارة كتب:

حسب القرار الاخير فان اي جامعة اذا معتمدة من وزارة التعليم العالي الماليزية فهي معتمدة عند الدولة الليبية.

ان شاءالله لو في حد من الموفدين عنده معلومة اكيدة يساعدك

"اي جامعة معتمدة من وزارة التعليم العالي الماليزية فهي معتمدة عند الدولة الليبية" ليس مقياس وجهة نظر فقط.
معضم الجامعات الخاصة في ماليزيا معتمدة من وزارة التعليم العالي الماليزية.
الموضوع فيه بزنس, الجامعات الخاصة تسعى للربح فقط و الحكومة الماليزية تستفيد من هدا بجمع الضراائب.
شوف معضم الماليزين المتوفقين و الاوائل يتم ايفادهم للخارج و البعض الاخر يدرس في جامعات حكومية في ماليزيا

هذه ليست وجهة نظر وانما هو قرار من الحكومة الليبية.

امامن حيث المستوى الجامعات الحكومية افضل لكن صاحب الموضوع يسأل على الاعتماد من عدمه ولم يسأل عن مستوى الجامعة.

هل عندك نسخة من قرار الحكومة الليبية. 
جامعة Lincoln University college معتمدة من وزارة التعليم العالي الماليزية و لاكن غير معتمدة من السفارة الليبية
http://www.lincoln.edu.my/flttemplate.aspx?transid=EC9577B6-DF31-4E01-804B-3314796E3F6C

هده قائمة بالجامعات الماليزية المعتمدة من الملحق التقافي في ماليزيا. ولكن للتاكيد الافضل تتصل مباشرة بالملحق التقافي
http://www.libyanembassymy.com/academicattach/univsites.php



عدل سابقا من قبل abdalla133 في السبت 08 فبراير 2014, 10:32 am عدل 1 مرات

بارك الله فيكما اخي عبدالله واجبارة على مساعدتكم......
لكن نتمنى لو في اي طالب يدرس فيها او يعرف حد يدرس ياكدلي هل
السفارة تخلص او لا ... لان صديقي حيقرر السفر بناء على ردود الاعضاء
بالمنتدى لانه الحل الوحيد.....
تحياتي لكم

abdalla133

حاليا ماعنديش نسخة من القرار.

قائمة الجامعات هذه قائمة قديمة و في طلبة واجدين سجلوا في جامعات تانية خاصة والسفارة اتسددلهم في الرسوم زي جامعة ucsi , mahsa , وغيرها.

في النهاية الراجل سئل سؤال وانا جاوبته باللي عندي ونعرفه واذا انت عندك شي زيادة نستفيدوا منك

السلام عليكم 
اخى العزيز الدى يسال عن الجامعة هل هى معتمدة والا الا . كما دكر احد الاخوة الافاضل كانك محصل ايفاد وبتتغرب سنوات من عمرك وتبي شهادة كويسة فاقراء فى الجامعات الحكومية مالك ومال الجامعات الخاصة لانها كلها تجارية وماهمها الطالب فادا كان هدفك علم ففى الجامعات الحكومية وادا كان هدفك بس شهادة فالخاصة تمشى وانا لا اشجع على دلك من وجهة نظري
ولكن نبى ننبهك على حاجة سلم خوى احنا فى يوم من الايام جينا على حسابنا على اساس ان ماليزيا رخيصة وماتطلب فى شرط لغة واحنا على حسابنا 
لكن كان انت على الدولة وبتقرا بالدات تخصصك انجليزى اين انجليزى اللى بتقراه فى ماليزيا لاهو بلاده ولاهو مكانه وهما الماليزيين يتكلموا فى الانجليزى بالسيف وانت مش ماتعرف شي تنطق خير منهم وراهو يكون فى علمك الماليزيين يبعتوا فى اولادهم اللى بيقروا انجليزى لامريكا واستراليا ونيوزيلانك واولهن بريطانيا واحنى نجوهم بنقروا عندهم انجليزى (مفارقات)
فمرة تانية كانك هدفك شهادة وعلم وعلى حساب الدولة عندك لدراسة الانجليزى بريطانيا امريكا جنوب افريقيا استراليا نيوزيلندا واربح سلم ولد عمى انا قعد فيها ماليزيا سنين ونعرفها كويس لا فيها انجليزى ولا هم يحزنون امشى للدول اللى قلتلك عليهن ويجى يوم وتقول فلان قال وكان ماك مصدقنى تعال وشوف بروحك بس من باب النصيحة وكونط طرحت الموضوع فهدا راييي ونكلم فيك من واقع خبرة وتقدر تدخل على المواضيع اللى انا كاتبها والا راد عليها 
وربي يسهلك وكانك ماعجبك كلامى واصريت انك تجى فما عندك مشكلة واحنا موجودين وراسلنا على الخاص ونستقبلوك ونحطوك على الطريق وتشوف بروحك ولو قريت فيها وتمر الايام وتروح بماجستير والا دكتوراة فى الانجليزى وتقارن روحك بواحد من جماعتك اللى قرا فى اوروبا والا امريكا وبتقول انا شنو درت فى روحى 
والله ولي التوفيق