الرجاء التوضيح يا اخ tark772001

اخ علي الديب ثبتنا امورك...منو الخمسي ومنو الغرياني...انا فهمت انكم واحد من الخمس والتاني من غريان..بس منو اللي بيطيب الغدا هو المهم ..الخمسي والا الغريانية ..او الغرياني والا الخمسية...ربي يونسكم ببعض واحسن حل اديرهم الزوز ..بازين غرياني ومبكبكة خمسية بالحوت...ومن عندي بازين صبراتي بالحوت  قليـــل اللي يعرفوه ^_ ^

علي الديب شكلنا بنتعاركو هني..... مانديروش في مكرونة بالحووووووووت حني ليه عليك من قالك يديرو في هالتخليط الخمسيين؟؟؟؟؟....
لا تعليق ع الموضوع ..بس مع كلام اخي الديب ..نلاحظ فيه هلبة ردود واخدينها بحساسية زايدة وحتي الشخص لما بيتنقد او يصحح معلومة لازم يجرح ...وفي النعاية حتي الكلام الطيب صحقة ....انا مش من حقي نتدخل بس مجرد رأي .... الاخ طارق كانت مساهماته كلمني علي الخاص او كلام ماينقالش ع الملاء شوية يثير الشكوك الحق وهلبةاشارات استفهام واللي مايعرف يجهل وكان وضع طبيعي الاستفسار عن الحالة لتوضيح الامر للكل في سبيل المصلحة العامة ....
الاخت حنان ..شوية كان الكلام جارح حتي ولو في سبيل المصلحة وانه الاشراف مسؤولية واللي يهم المساعدة بنية صادقة بس الكلام يكون شوية اخف بدل التشهير بقوة ...ومع هذا اكيد حصل خير مش للاخ طارق بس لغيره ولحني وللكل ...
اخ احمد بازين بالحوت؟؟؟؟؟ يستر الله علي ابداعات الليبيين ^^...
تفويض 1،2،3 تحرك من البعتات ^_^

الموضوع كبر يا جماعة .كيف حكاية هالتخليط الخمسيين.يكون في علمك الخمس أول من أخترع المكرونة وهذا الشئ بالأدلة والبراهين

سراب الحقيقة كتب:

علي الديب شكلنا بنتعاركو هني..... مانديروش في مكرونة بالحووووووووت حني ليه عليك من قالك يديرو في هالتخليط الخمسيين؟؟؟؟؟....
لا تعليق ع الموضوع ..بس مع كلام اخي الديب ..نلاحظ فيه هلبة ردود واخدينها بحساسية زايدة وحتي الشخص لما بيتنقد او يصحح معلومة لازم يجرح ...وفي النعاية حتي الكلام الطيب صحقة ....انا مش من حقي نتدخل بس مجرد رأي .... الاخ طارق كانت مساهماته كلمني علي الخاص او كلام ماينقالش ع الملاء شوية يثير الشكوك الحق وهلبةاشارات استفهام واللي مايعرف يجهل وكان وضع طبيعي الاستفسار عن الحالة لتوضيح الامر للكل في سبيل المصلحة العامة ....
الاخت حنان ..شوية كان الكلام جارح حتي ولو في سبيل المصلحة وانه الاشراف مسؤولية واللي يهم المساعدة بنية صادقة بس الكلام يكون شوية اخف بدل التشهير بقوة ...ومع هذا اكيد حصل خير مش للاخ طارق بس لغيره ولحني وللكل ...
اخ احمد بازين بالحوت؟؟؟؟؟ يستر الله علي ابداعات الليبيين ^^...
تفويض 1،2،3 تحرك من البعتات ^_^

i am totally agree with you we have to be responsible for what we will say

خوي مهيمن تي غير كيف اول مناخترع المكرونة ...امالا والله العظيم اول مرة نسمع بيها مكرونة بالحوت ...لا احني ولا اخوالي ولا عمامي ولا حتي ديرانا ابتداءا من القربولي لعند مسلاتة وزليتن عمره سمعت انه داروها.... كترو حقوقه علي الديب لخبط التقاليد ولباعراف ...راني خمسية ابا عن جد وام عن  جدة ياعنلي من الجهتين خمسية..... ويبقي تفويض 1 في الخزانة و 3  فيالوزارة باش مايلوم حد ع الكومنتات ^^

مكرونة بالقرنيط...كسكسي بالحوت...شربة حوت ..طاجين حوت..عصبان كلمار..بازيليا بالكلمار والا السيبيا..حوت مقلي..حوت مشوي..وطبعا يجب اختيار نوع الحوت المناسب لذلك...اما بازين الحوت اللي ما ضاقاش يجينا في صبراته او يمشي لزوارة..الاثنين بس يديرو فيه ويكون بالدندشي او الشولة..او مرات فروج صغير..هذا للعلم..ولو تبو تفصيل خلي انزلولكم حرمنا المصون تعطيكم الوصفات وكيفية الطبخ..ومجاااااااااني....هههههه

السلام عليكم
كلا أنا يا خوى E.Ahmed نبيه بالصاورو!!!!!!!!!!!!!!!

سراب الحقيقة كتب:

الاخت حنان ..شوية كان الكلام جارح حتي ولو في سبيل المصلحة وانه الاشراف مسؤولية واللي يهم المساعدة بنية صادقة بس الكلام يكون شوية اخف بدل التشهير بقوة ...

تشهير بقوة !!!!!!!!!!!!!!!!!!!!!!!!!!!!!!!!!!!!!!!!!!!!!!!
شكرا يا أختي بارك الله فيك
 
الاخ علي الدين الديب الله ربي بارك فيك و انت اللي تفضل لما توصل هني البازين تاخذه بازين ورفلي لأني ورفلية او بازين صبراتة بالحوت لان زوجي صبراتي و المكرونة في صبراتة انديروا فيها بالقرنيط مش بالحوت الحق


تحياتي للجميع االلي فهمني صح و اللي مازال ما فهمني

السلام عليكم
شكرا لكي اختي حنان على حرصك على اعضاء منتدى كندا وبارك الله فيك وشكرا لك اخي طارق على مساعدتك لأعضاء منتدى كندا ،
والسلام عليكم

على الدين الديب كتب:

برغم فيه روح التعاون بين الجميع لكن مافيش روح الالفه والدعابه .. انحس في الجميع رسميات هلبه ( حواجب مقرونه ووجوه مشحوطه ) @ @ مش عارف هل لان طلبة العلم المفروض يكونوا جديين علي طول ولا مش عارف بالزبط ... رايي اني الشخصي معلومه ممزوجه بقفشه والا دعابه حيكون عندها اثر ايجابي بشكل كبير ومش هكي وبس .. النقد لما يكون مغلف بدعابه حتي لو كان ثقيل ويزعل الطرف الاخر يتقبله من غير حساسيه ... واخيرا هذه دعوه مني لبث روح الدعابه من غير اسفاف بين اعضاء ساحتنا الكنديه تحديدا وفي الاخير ماليناش الا بعضنا في بلاد الغربه ومن يندري لعلها تتكون صداقات تبقي علي مر الاوقات باذن الله .. ومش تلقوها فرصه تبدوا فيا تشليط وتقريع لمجرد قلت النقد مايزعلش راني اكبر واحد يزعل ^^ .. والاستاذ طارق والست حنان حقهم الزوز عندي زي مايبوه مبكبكه  خمسيه بالحوت والا  بازين غرياني .. واني جايكم يوم 27 مارس كان سخر ربي ....والسلااااااااااام عليكم .

يا خوي علي مواصفات الطرف التاني ألي أنت أدور فيها معتقدش تعرف البازين والمبكبكة رد بالك تضرب أيدك علي صدرك.........هههههه نبصر أنت قلت نبوها ممزوجة بروح الدعابة^^ 

اني حاجه وحده ياسراب نستني فيها انوض بعد المغرب نلقي عشانا زميته بالحوت ^_^ ... معاش تعاوديها دوتك هادي .. المبكبكه بالحوت جميع البحاره في الدنيا يعرفوها وصبراته كعبها عالي في الحوت ماينكر حد لكن في هادي شوره جت العفسه في القزه ...
الاستاذ طارق نستنوا في مداخله منك
الست عبد المهيمن جبداتك ليمين تعجبني ✔
مهندس احمد ماتنساش صونيه سي فود بالمره لانها يشكروا فيها ^_^
ست حنان البركه في الجميع ويوم تناقشي وتي البازين .

ماااااشي ياطارق ياغنيمي تضرب تحت الحزام ^_^ وانت مش لابس واقي ههههه ... ياودي غير نحصلوا بس ومعاش نبوا بازين خيرها حتي حتي اللازانيا والباشاميا ممتازه ههههههه
عيب يا غنيمي نخبطوا ويوفوا انشالله .

االسلام عليكم....  كلمة حق....
والله وقايمينها بيك الجماعة يا سيد طارق هي بحبح هي
أني عندي ملاحظة بسيطة وهي أن الأخت حنان من حرصها وخوفها على خوتها الليبيين بالأخص في أخذ المعلومة الصحيحة فبارك الله فيها بجديات وإن دل على شي فهو أصلها الطيب مع أني عندي ليها أسئلة تخصني ومازال ما حصلتهاش
 والأخ طارق بصراحة كيف تعارفنا مع بعض وماريت منه إلا كل خير بأسلوبه الطيب وربي يحفضه
 تحياتي للكل

صحتين وعافية عالقرنيط والحوت..ربي يهنيكم ويحبب قلوب الناس لبعض في الله.

عدل سابقا من قبل E. Ahmed في الإثنين 24 فبراير 2014, 4:44 pm عدل 2 مرات

يا خوي علي الحوت هذا شكله بيجيبلك المشاكل مع الشباب والانسات والستات.... تعرف كيف فكك منه مش مدبوح هههههههه

hanan_canada كتب:

سراب الحقيقة كتب:

الاخت حنان ..شوية كان الكلام جارح حتي ولو في سبيل المصلحة وانه الاشراف مسؤولية واللي يهم المساعدة بنية صادقة بس الكلام يكون شوية اخف بدل التشهير بقوة ...

تشهير بقوة !!!!!!!!!!!!!!!!!!!!!!!!!!!!!!!!!!!!!!!!!!!!!!!
شكرا يا أختي بارك الله فيك
 
الاخ علي الدين الديب الله ربي بارك فيك و انت اللي تفضل لما توصل هني البازين تاخذه بازين ورفلي لأني ورفلية او بازين صبراتة بالحوت لان زوجي صبراتي و المكرونة في صبراتة انيروا فيها بالقرنيط مش بالحوت الحق


تحياتي للجميع االلي فهمني صح و اللي مازال ما فهمني

الأخت حنان   تحية طيبة
أنك من ورفلة أو زوجك من صبراته  بالجودة  والحمد لله كلنا ليبيين وإخوة في الدين وربي يحفضكم انشالله
وزي ما قلت في السابق عجبتني فيك روح الغيرة على المنتدى بصراحة  نهنيك بجد
بس خلينا في المهم  أني عندي سؤال أختي حنان ومحيرني بخصوص القبول والتسجيل في المكتب الكندي
عندي ترشيح من إدارة البعثاث وتخصصي هندسة إتصالات (بكالوريوس) وعندي رسالة الدعم المالي لقبول اللغة ولغتي الإنجليزية فوق المتوسط بهلبة وجيدة والحمد لله وما عنديش آيلتس ( بس حاليا نقرا فيه Self Study)  المهم, المشكلة هي أن معدلي الجامعي (63%) فهل فيه أمل للقبول   والله والله نبي مساعدتك أختي حنان لأن بجد عندي رغبة في الدراسة بكندا.
آمل منك الرد
هشام
Hisham_etc( عفوا, يمنع نشر البريد الإلكتروني, استعمل الرسائل الخاصة )com

مرحبا كانت عندي مشكلة في المشاركات ...حبيت نقول شهادة والشهادة من الدين ان السيد طارق رجل خدوم جدا وساعدني في البحث عن تخصصي وكل معلوماته صحيحة بارك الله فيه وان شاءالله ربي يفتح عليه ويوفقه

على الدين الديب كتب:

اني حاجه وحده ياسراب نستني فيها انوض بعد المغرب نلقي عشانا زميته بالحوت ^_^ ... معاش تعاوديها دوتك هادي .. المبكبكه بالحوت جميع البحاره في الدنيا يعرفوها وصبراته كعبها عالي في الحوت ماينكر حد لكن في هادي شوره جت العفسه في القزه ...
الاستاذ طارق نستنوا في مداخله منك
الست عبد المهيمن جبداتك ليمين تعجبني ✔
مهندس احمد ماتنساش صونيه سي فود بالمره لانها يشكروا فيها ^_^
ست حنان البركه في الجميع ويوم تناقشي وتي البازين .

زميتة بالحوت @_@ ...هدي وين ..تعرف فهتمها مبكبوة بالحوت الحوت العادي هدا اللي فيه عيون وذيل قلت لا لا ..لكن كان فواكه البحر لا عيب تي حشمة ..

بعدين متلا متلا علقت علي بازين بالحوت وقالو الخمس يديرو فيه الله يستر والله عمرنا ماحطيناه علي نار ولا معروف عندنا لا احني لا جيراننا لا جيران جيرانا امتدادا لتاجوراء غربا وزليتن شرقا ^_^

الاخ العزيز طارق على قد مانشكره ماانوفيش حقه ,, الحقيقة يستاهل هو يكون مشرف المنتدى .

الاختلاف في الرأي لايفسد للود قضية لان الاخت حنان والاخ طارق يبوا المصلحه بس كل واحد وطريقته  والاخ علاءالدين ماشالله نشطتهم الكل بعد جبت سيرت المبكبكه والبازين والحوت متأكده اول وجبه كلوها بعد قروا كلامك كانت حوت وانا منهم بس للامانه كان حوت مقلي (من الاخير) ربي يوفق الجميع ويجمع قلوبكم على الخير وتنعم ليبيا وبالامان و السلام  والمحبه