كيفية مراسلة الجامعات لقبول اللغة

Rana-$-Ca كتب:

السلام عليكم: اخواني اخواتي الطلبة الموفدين، ارجوا من لديه خبرة او سبق له وان راسل الجامعات ان ايساعدنا وايسهل علينا هذه الخطوة، حيث اود الحصول على قبول لغة من احدى هذه الجامعات:
- ميغيل مونتريال
- مانيتوبا
- ساسكاتيشوان
- برتش كولومبيا
كما ارجوا من لديه خلفية عن اي من هالجامعات ان ايفيدنا بمعلومة  

اولا تبي رساله من cbie تثبت انهم بيخلصو عليك القرايه ... نسخه من جواز السفر 
و تعبي النموذج امتاع مدرسه اللغه التابعه للجامعه ... وتكتبي ف الايميل اسمك وان عندك دعم مالي عن طريق cbie  وموعد الكورس اللي تبي تبدي فيه 
او تبعتي للcbie وتقوليلهم ان انتي تبي المدرسه هده وهما يجيبولك القبول 
لو انتي مقرره اي مدرسه تبي ,, نقدر نبعتلك رساله وانتي ابعتيها من ايميلك للجامعه 
بخصوص الجامعات الي ذكرتيها كلها جامعات كويسه مغيل اغلب الليبيين اللي غادي تخصصهم هندسة - برتش كولومبيا القبول فيها صعب ويعتمد علي التخصص

بالنسبة ليا حاولت اني انقدم اون لاين مااااااشي حالى في كل شئ لكن نوقف في دفع رسوم التسجيل اون لاين وانتم عارفين الليبيين لا نتعامل مع الفيزا كرت والكروت التانية يعني نوقف في اخر لحضة والى حد الان ما قدمتش على اي جامعة ..... التسجيل في جامعات ليس مجانا

السلام عليكم: اخ DDJONTA  شكرا بارك الله فيك ، اني فعلا راسلت جامعة ميغيل بس قبول اللغة يبدا شهر 9 واني مادا بيا موعد قريب نهاية 5 تقريبا، بالنسبة لجامعة ساسكاتشيوان هل عندك فكرة عليها والمدينة كيف جوها ولو على التخصص فجميع الجامعات اللي ذكرتهم بها تخصصي Food science، اشكرك وفي انتظار المزيد من النصائح. 
بالنسبة للتقديم اونلاين اخت سناء اعتقد ان لا توجد مشكلة في الدفع، تستطيعي عمل البطاقات من مصرف الأمان لأنك سوف تحتاجيها حتى لما تسافري

Rana-$-Ca كتب:

السلام عليكم: اخ DDJONTA  شكرا بارك الله فيك ، اني فعلا راسلت جامعة ميغيل بس قبول اللغة يبدا شهر 9 واني مادا بيا موعد قريب نهاية 5 تقريبا، بالنسبة لجامعة ساسكاتشيوان هل عندك فكرة عليها والمدينة كيف جوها ولو على التخصص فجميع الجامعات اللي ذكرتهم بها تخصصي Food science، اشكرك وفي انتظار المزيد من النصائح. 
بالنسبة للتقديم اونلاين اخت سناء اعتقد ان لا توجد مشكلة في الدفع، تستطيعي عمل البطاقات من مصرف الأمان لأنك سوف تحتاجيها حتى لما تسافري

بالنسبة للقراية في شهر 5 يمكن تجيبي قبول من مدرسة ثانية لعند يبدا الكورس في شهر 9 لو كان القدوم ف شهر 5 ضروري...
بالنسبة University of Saskatchewan ماعندش فكره كبيره عليها الا ان فيها كلية كبيرة للزراعة والتمريض وPhysical Therapy -- Public Health
وهيا احدى الجامعات الي اختارتها البعثة البرازيليه للطلبة المبتعثين 
والطقس صقع زي البرتا

السلام عليكم: اشكرك اخي وبارك الله فيك، ان شاء الله ربي ايسرلك امورك كلها

بالنسبه لي تخصص علوم الاغذيه فافضل جامعه في كندا هي Guelph university تعبتر من افضل 5 جامعات في food scienceعلي مستوي امريكا الشماليه حتي Carleton University فيها تخصص food science

السلام عليكم: اشكرك اختي، لكن اني توا نراسل في ساسكاتشيوان وان شاء الله قاعدة انراسل في ميغيل.