عندي الاتنين دبلوم وبكالوريس فكرو معاي في الحل

السلام عليكم...
انا خريجة دبلوم عالي هندسة عمارة بتقدير ممتاز عام 2003 ومعيدة في المعهد وعندي قرار ايفاد علي شهادة الدبلوم.قرار 327..
وانا بعد التخرج التحقت بكلية الفنون قسم هندسة ديكور وعندي حاليا بكالوريس هندسة ديكور فهل نراسل بالشهادة الديكور ونجدد وورقة الدعم المالي ولانغير البلد او نراسل بشهادتين ولاكيف ..
انا كنت مايلة لكندا لعدة اسباب شخصية 
فهل ناخد الماجستير هندسة عمارة ونكمل ولا نطلع ورقة دعم مالي جديدة بالبكالوريس وندرس ماجستير ديكور ارجوكم نصيحة لان الموضوع يدوخ والي الان مبديتش مراسلات الجامعات 
ارجو ابداء ارائكم لاستفيد ....

من المفيد ان تراسلي بالبكالوريوس لان اغلب الجامعات الكندية متشددين في الدبلوم ولا يقبلوه كتيرا اما البكالوريس فهو مقبول عندهم

نصيحتي ليك من شخص مجرب معاناة الدبلوم كملي امورك كلها بالباكلوريس من دون اي تردد لانه الدبلوم انحس فيه اختراع ليبي صرف

اختلاف في الراي اللي رشحو الدبلوم بس اسفة جدا واحترام لرأيهم

بس الدبلوم ولا حاجة برة

وبالاخص في كندا بعد اللي طلعوه من قرارات وتدارك للقرار الاخير لانه فات فيه موفدين بدو في اجراؤاتهم فيعتبرو في البدلوم مش درجة ... عندك ابكالويروس كملي فيها وانتي تابته مع ردجة كويسة في الايلتس علي من ترضي فمن الجامعات بعدين ولا وجع راس يا وخييتي

خوي مهاجر شهادة اللببكاليورس مازال مافيش حد بيناقشها عليها

ولو بتغيير القرار علي دبلوم ؟؟؟ ما اعتقدش

هيا هكي ولا هكي عندها اللغة تتسهل فيها وبعدين تشوف من الخبرة شن الاصلح ومن قال مرات بدبلومها تتميز وتلقي مكان في صفوف الدراسة بالكليات


علي فكرة البعتات يوفدو بالدرحجة مش بالتخصص

ياعني انا نقدر نغير اي تخصص تاني المهم نفس الدرجة الموفدة ليها هدا والله اعلم

ربي يسهلك يا وخيتي ويوقفلك من يشير عليك